Biblia Todo Logo
Bib sou entènèt

- Piblisite -




Tinhlayo 9:6 - BIBELE Mahungu Lamanene

6 Hi siku rero, ku vile ni vanhu van'wana lava a va nga fanelanga ku endla nkhuvo wa Paseka, hi mhaka ya leswi a va tinyamisile hi ku khumba ntsumbu. Kutani va ya eka Muxe na Aroni,

Gade chapit la Kopi

Xitsonga (Bibele)

6 Kambe vanhu van'wana a va yirisiwile hi mufi, kutani va tsandzeka ku lunghisa Paseka hi siku rolero; va ta emahlweni ka Muxe na Aroni hi siku lero,

Gade chapit la Kopi




Tinhlayo 9:6
16 Referans Kwoze  

Siku rin'wana va ya yima emahlweni ka Muxe na muprista Eliyazara, ni varhangeri, ni ntshungu hinkwawo, enyangweni ya Ntsonga lowo Hlawuleka, va ku:


Muxe a hlamula mukon'wana wa yena, a ku: “Vanhu va ta va ta ndzi vutisa leswaku Xikwembu xi ri yini etimhakeni ta vona.


Loko munhu a famba-famba ehandle, kutani a tshuka a khumbile ntsumbu wa munhu un'wana loyi a nga dlayiwa hi fumu kumbe loyi a nga lo tifela, ni loko a khumbile hambi ri ri rhambu ra munhu kumbe sirha, munhu yoloyi ú ta va a nga tenganga, ku ringana masiku ya 7.


“Un'wana ni un'wana loyi a khumbeke munhu wo fa, ú ta va a nga tenganga ku ringana masiku ya 7.


“Lerisa Vaisraele leswaku va hlongola emixaxeni munhu un'wana ni un'wana loyi a nga ni vuvabyi bya nhlokonho kumbe bya tingana, ni loyi a tinyamiseke hi ku khumba ntsumbu.


Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.


Kutani munhu loyi a tengeke ú ta lava rhavi ra ximudyana xa hisopa, a ri peta ematini lawa, a xuva ntsonga ni swingolongondzwana, a xuva ni vanhu lava a va ri kwala ndzeni ka ntsonga. Loko munhu a khumbile rhambu ra munhu wo fa, kumbe ntsumbu wa loyi a dlayiweke kumbe loyi a ngo lo tifela, ni loko a khumbile sirha, na yena ú ta xuviwa hi ndlela yoleyo.


Vavanuna lava va hamba va avanyisela vanhu timhaka; timhaka leto tika, va ti tisa eka Muxe, kambe letitsongo hinkwato ti avanyisiwa hi vona.


Sweswi, yingisa leswi ndzi ku byelaka swona; ndzi navela ku ku tsundzuxa, kutani Xikwembu a xi ve na wena! Wena u ta hamba u va muyimeri wa vanhu eka Xikwembu, u fikisa timhaka ta vona eka xona.


Kutani Muxe a hundzisela mhaka ya vona eka HOSI Xikwembu.


Kutani vanhu lava va n'wi kumeke a ri karhi a rhotela swihlahlana, va n'wi yisa eka Muxe na Aroni, emahlweni ka ntshungu hinkwawo.


Naswona a nga tshuki a nghena laha ku nga ni ntsumbu, hambiloko ku file tata wa yena kumbe mana wa yena, hikuva a nga ta tinyamisa.


va fika va ku ka Muxe: “Hi nyamile hileswi hi khumbeke ntsumbu; kutani hikwalaho ka yini mhaka leyi yi hi sivela ku humesa gandzelo ra HOSI Xikwembu swin'we ni Vaisraele lavan'wana, hi nkarhi wa rona lowu vekiweke, xana?”


“Loko munhu a fela entsongeni, nawu wa kona hi lowu: Un'wana ni un'wana loyi a nga ta nghena entsongeni wolowo, kumbe loyi a a ri kona loko swi humelela, ú ta va a nga tenganga, ku ringana masiku ya 7.


Swiv nou:

Piblisite


Piblisite