Tinhlayo 8:4 - BIBELE Mahungu Lamanene

⁴ Aroni ú endlile xitlhoma-timboni hi ndlela leyi: Ú xi furile hi nsuku, ku sukela etshakweni ra xona ku ya fika eswiluveni swa xona, a tirhisa xivumbeko lexi HOSI Xikwembu xi kombeke Muxe.

Xitsonga (Bibele)

⁴ Kandelari a yi ri ya nsuku lowu furiweke. Ku suka ensinyeni wa yona ku fika eswiluveni swa yona, a yi ri ya nsuku lowu furiweke va endle kandelari hilaha Yehovha a kombiseke Muxe hakona.

Tinhlayo 8:4 Referans Kwoze

Eksoda 25:18

Mi ta endla tikerubu timbirhi, leti mi nga ta ti fula hi nsuku, emakumu ka xitshamu xa ndzivalelo.

Eksoda 25:9

Mi ta endla Ntsonga ni swingolongondzwana swa wona hinkwaswo hi swivumbeko leswi ndzi nga ta mi komba swona.”

Vaheveru 9:23

Loko swi ri tano, a swi fanerile leswaku swilo leswi swi fanisaka kunene swa le tilweni, swi basisiwa hi ndlela leyi; kambe swilo swa le tilweni hi swoxe, a swi fanele ku basisiwa hi magandzelo lama tlulaka walawo.

Vaheveru 8:5

va tirha ntirho lowu nga xifaniso ni ndzhuti wa leswi tirhiwaka ematilweni. Swi fana na Muxe: Loko a lavile ku yimisa Ntsonga, ú lerisiwile hi Xikwembu, lexi nga te: “U vona leswaku u endla hinkwaswo hi ku landza leswi u kombiweke swona entshaveni.”

Eksoda 37:7

A fula tikerubu timbirhi hi nsuku a ti vekela emakumu ka xitshamu xa ndzivalelo,

Eksoda 26:30

Mi ta dzima Ntsonga lowo Hlawuleka hi ku ya hi xivumbeko xa wona lexi mi kombiweke xona entshaveni.

Tinhlayo 8:3

Kutani Aroni a endla hilaha HOSI Xikwembu xi leriseke Muxe hakona, a tlhoma timboni hi ndlela leyi ti nga ta kota ku voninga xivandla lexi nga mahlweni ka xitlhoma-timboni.

Tinhlayo 8:5

Kutani HOSI Xikwembu xi ku ka Muxe: