Tinhlayo 8:2 - BIBELE Mahungu Lamanene

² “Tivisa Aroni leswaku loko a tlhoma timboni leta 7, ú fanele ku ti veka hi ndlela leyi ti nga ta voninga xivandla lexi nga mahlweni ka xitlhoma-timboni.”

Xitsonga (Bibele)

² “Byela Aroni, u ku eka yena: ‘Kutakuloko u tlhoma mavoningo, mavoningo ya 7, ma ta voningela emahlweni ka kandelari.’ ”

Tinhlayo 8:2 Referans Kwoze

Eksoda 25:37

Kutani mi ta xi endlela timboni ta 7; timboni leti ti fanele ku tlhomiwa, ti vekiwa hi ndlela leyi ti nga ta voninga xivandla lexi nga emahlweni ka xitlhoma-timboni.

Nhlavutelo 4:5

Exiluvelweni a ku huma ku hatima-hatima, ni ku pfuma, ni ku baleka ka tilo; kutani emahlweni ka xiluvelo a ku pfurha swisana swa ndzilo swa 7, yi nga mimoya ya 7 ya Xikwembu.

Nhlavutelo 1:20

Xihundla xa tinyeleti leti ta 7 leti u ti voneke evokweni ra mina, ni xihundla xa switlhoma-timboni swa 7 swa nsuku, hi lexi: Tinyeleti ta 7 i tintsumi ta tikereke ta 7, kutani switlhoma-timboni swa 7 i tikereke ta kona ta 7.”

Nhlavutelo 1:12

Kutani ndzi hundzuluka, ndzi lava ku vona loyi a vulavulaka na mina. Loko ndzi hundzulukile, ndzi vona switlhoma-timboni swa 7 swa nsuku,

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Yohane 1:9

Ku vonakala ka xiviri loku voningaka munhu un'wana ni un'wana, a ku ri endleleni ku ta emisaveni.

Matewu 5:14

“N'wina mi ku vonakala ka misava; muti lowu akiweke entshaveni a wu tumbeli.

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Pisalema 119:105

Rito ra wena i rivoningo endleleni ya mina, ni ku vonakala emilengeni ya mina.

Levhitika 24:4

Naswona Aroni ú fanele ku veketela timboni eka xitlhoma-timboni xa nsuku lowo tenga, ti tshama ti ri karhi ti pfurha masiku hinkwawo emahlweni ka mina HOSI.

Eksoda 40:25

kutani va tlhoma timboni eka xona emahlweni ka HOSI Xikwembu, hilaha xi leriseke Muxe hakona.

Eksoda 37:23

Kutani a endla timboni ta 7 ta xitlhoma-timboni, ni swikero swa xona ni timbita ta xona, hi nsuku lowo tenga.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

Tinhlayo 8:1

Kutani HOSI Xikwembu xi ku ka Muxe:

Tinhlayo 8:3

Kutani Aroni a endla hilaha HOSI Xikwembu xi leriseke Muxe hakona, a tlhoma timboni hi ndlela leyi ti nga ta kota ku voninga xivandla lexi nga mahlweni ka xitlhoma-timboni.

Eksoda 39:37

xitlhoma-timboni xa nsuku lowo tenga ni timboni ta xona leti xaxametiweke, ni swingolongondzwana hinkwaswo swa xitlhoma-timboni, ni mafurha yo voninga;