Tinhlayo 8:12 - BIBELE Mahungu Lamanene

¹² Valevhi va ta tlhandleka mavoko ehenhla ka tinhloko ta tinkuzi, kutani Valevhi va ta basisiwa hi ku tlhaviwa ka tinkuzi leti, yin'we yi va ya mhamba yo susa swidyoho, leyin'wana yi va ya gandzelo leri hisiwaka, ri humeseriwa mina HOSI.

Xitsonga (Bibele)

¹² Valevhi va ta tlhandleka mavoko ya vona etinhlokweni ta tinkunzi kutani u ta endla hi yin'wana gandzelo ra xidyoho, hi yin'wana u endla holokosta eka Yehovha, leswaku Valevhi va ta phahleriwa mhamba.

Tinhlayo 8:12 Referans Kwoze

Eksoda 29:10

“Kutani u ta tisa xinkuzana emahlweni ka Ntsonga lowo Hlawuleka. Aroni ni vana va yena va ta tlhandleka mavoko enhlokweni ya xinkuzana lexi;

Vaheveru 9:22

Hikuva hakunene, ehansi ka Nawu, hi nga ku hinkwaswo swi basisiwa hi ku cheriwa ngati, kutani ehandle ka ku halatiwa ka ngati ku hava ku rivaleriwa ka swidyoho.

Levhitika 8:14

Muxe a ta ni xinkuzana xa mhamba yo susa swidyoho, Aroni ni vana va yena va tlhandleka mavoko ya vona enhlokweni ya xinkuzana lexi.

Levhitika 1:4

Kutani ú ta tlhandleka voko enhlokweni ya xifuwo xa magandzelo lama hisiwaka, leswaku xi ta n'wi yimela, xi va xo basisa swidyoho swa yena.

Tinhlayo 8:8

Kutani u va byela va ta ni xinkuzana ni mapa lamanene lama nga ta humesiwa na xona, lama pfanganyisiweke ni mafurha; na wena u ta ni xin'wana xinkuzana xa mhamba yo susa swidyoho.

Tinhlayo 6:16

Muprista ú ta tisa swilo leswi emahlweni ka mina HOSI Xikwembu, kutani ú ta humesa mhamba yo susa swidyoho ni gandzelo leri hisiwaka.

Tinhlayo 6:14

kutani ú ta humesela HOSI Xikwembu nyiko ya yena, ku nga xinyimpfana xa khuna xa lembe rin'we lexi nga solekiki, xi va gandzelo leri hisiwaka, ni xinyimpfana xa thokazi xa lembe rin'we lexi nga solekiki, xi va mhamba yo susa swidyoho, ni khuna leri nga solekiki, ri va gandzelo ra xinakulobye.

Levhitika 16:21

ú ta tlhandleka mavoko enhlokweni ya xiphongho xexo, a ri karhi a longoloxa mintirho hinkwayo leyo biha ya Vaisraele, ni ku tiarisa ka vona, ni swidyoho swa vona hinkwaswo; loko a swi vekile enhlokweni ya xiphongho, ú ta xi rhumela emananga, xi khayimiwa hi wanuna loyi a tilunghiseleke ntirho lowu.

Levhitika 16:11

“Kutani Aroni ú fanele ku humesa xinkuzana, a xi tlhava xi va mhamba yo susa swidyoho, a tibasisa ha xona, a basisa ni va ka vona, hi ku xi tlhava.

Levhitika 16:6

“Aroni ú fanele ku rhanga a humesa xinkuzana, xi va mhamba yo susa swidyoho, a tibasisa ha xona, a basisa ni va ka vona.

Levhitika 14:22

Kumbe a nga humesa matuva mambirhi, hambi ma ri mavondlo mambirhi ya matuva, hi ku ya hi leswi a swi kotaka; tuva rin'we ri ta va ra mhamba yo susa swidyoho, lerin'wana ra magandzelo lama hisiwaka.

Levhitika 9:7

Muxe a ku ka Aroni: “Tshinela kusuhi ni alitari, u ta humesa mhamba ya wena yo susa swidyoho ni magandzelo ya wena lama hisiwaka, leswaku u tibasisa, u basisa ni Vaisraele. Kutani u ta humesa ni magandzelo ya Vaisraele, u va basisa ha wona, hilaha HOSI Xikwembu xi leriseke hakona.”

Levhitika 8:34

Leswi endliweke namuntlha, hi swona leswi HOSI Xikwembu xi swi leriseke hi tlhelo ra ku basisiwa ka n'wina.

Levhitika 8:18

Kutani Muxe a ta ni khuna ra magandzelo lama hisiwaka. Aroni ni vana va yena va tlhandleka mavoko ya vona enhlokweni ya rona,

Levhitika 5:7

“Munhu wa kona a nga tshuka a pfumala xifuwo lexitsongo xo susa ha xona xidyoho lexi a xi endleke. Loko swi ri tano, ú ta humesela HOSI Xikwembu matuva mambirhi kumbe mavondlo mambirhi ya matuva, rin'we ri va ra mhamba yo susa swidyoho, lerin'wana ri va ra magandzelo lama hisiwaka.

Levhitika 4:35

Munhu wa kona ú fanele ku tsema mafurha hinkwawo ya nyimpfu leyi, ku fana ni leswi va tsemisaka swona mafurha ya nyimpfu ya magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, laha magandzelo lama humeseriwaka HOSI Xikwembu ma hiseriwaka kona. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho leswi a swi endleke.

Levhitika 4:20

Xinkuzana lexi, muprista ú ta xi humesa ku fana ni xinkuzana lexin'wana xa mhamba yo susa swidyoho, a basisa ntshungu ha xona, kutani wu ta rivaleriwa xidyoho xa wona.

Levhitika 4:4

U ta ta ni xinkuzana xexo enyangweni ya Ntsonga lowo Hlawuleka, a fika a tlhandleka voko ra yena enhlokweni ya xona, kutani a xi tlhavela kona, emahlweni ka HOSI Xikwembu.

Levhitika 4:15

vakulukumba va kona va fika va tlhandleka mavoko enhlokweni ya xinkuzana lexi, kutani xinkuzana xi tlhaviwa emahlweni ka HOSI Xikwembu.

Tinhlayo 8:13

Kutani u ta nyiketa Valevhi emavokweni ya Aroni ni vana va yena, va va nyiko leyo hlawuleka leyi humeseriwaka mina HOSI.

Levhitika 8:15

Kutani Muxe a tlhava xinkuzana, a teka ngatinyana ya xona, a peta ritiho a tota etimhondzweni leti nga tinhleni ta alitari, yi va mhamba yo susa swidyoho; leyin'wana ngati a yi chela ehansi ka alitari. Hi ndlela leyi, Muxe a hlawulekisa alitari ni ku yi basisa.