Tinhlayo 7:10 - BIBELE Mahungu Lamanene

¹⁰ Siku leri alitari yi totiweke mafurha ha rona, varhangeri va humesa mihlengo ya vona ya ku khangula alitari, va yi veka emahlweni ka yona.

Xitsonga (Bibele)

¹⁰ Tihosi ti humesa mihlengo ya tona ya ku khangula alitari, siku va yi kwetsimisaka: tihosi ti humelela emahlweni ka alitari ti ri ni mihlengo ya tona.

Tinhlayo 7:10 Referans Kwoze

2 TIKRONIKA 7:9

Kutani hi siku ra vu-8, va hlengeletana ro hetelela ku gandzela Xikwembu. Hikokwalaho, ntirho wo khangula alitari wu hetile masiku ya 7, na wona Nkhuvo wa Mintsonga wu hetile masiku ya 7.

Nehemiya 12:27

Enkarhini wa ku khanguriwa ka rirhangu ra muti wa Yerusalema, Valevhi va vitaniwile va huma etindhawini ta vona hinkwato, va ta emutini wa Yerusalema ku ta dya nkhuvo wo khangula rirhangu; kutani ku tsakiwa, ku nkhensiwa Xikwembu hi ku yimbelela, va chaya swiphambati swa nsimbhi, ni tiharipa ni switende.

2 TIKRONIKA 7:5

Solomoni a humesela HOSI Xikwembu emagandzelo ya xinakulobye, hi swifuwo leswikulu swa 22 000, ni swifuwo leswitsongo swa 120 000. Kutani hosi Solomoni ni Vaisraele hinkwavo va khangurisa sweswo yindlu ya HOSI Xikwembu.

1 TIHOSI 8:63

Solomoni a humesela HOSI Xikwembu emagandzelo ya xinakulobye hi swifuwo leswikulu swa 22 000, ni swifuwo leswitsongo swa 120 000. Hosi Solomoni ni Vaisraele hinkwavo va khangurisa sweswo yindlu ya HOSI Xikwembu.

Duteronoma 20:5

Kutani tindhuna ti ta vulavula ni ntshungu, ti ku: ‘Loko exikarhi ka n'wina ku ri ni loyi a akeke yindlu, kambe a nga si yi khangula, a a tlhele a ya yi khangula, hikuva swi nga endleka leswaku a ya fela enyimpini, kutani yindlu ya yena yi sala yi khangula hi un'wana.

Pisalema 30:1

Ndzi ta ku twarisa we HOSI, hikuva u ndzi tsavurile exidziveni, a wu pfumelanga leswaku valala va mina va tsaka loko ndzi ri ekhombyeni.

Nehemiya 12:43

Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Tinhlayo 7:1

Siku leri Muxe a heteke ku yimisa Ntsonga ha rona, ú wu totile mafurha, a wu hlawulekisa ni swingolongondzwana swa wona hinkwaswo, a tota ni alitari, a yi hlawulekisa ni swingolongondzwana swa yona hinkwaswo.

Tinhlayo 7:11

Kutani HOSI Xikwembu xi ku ka Muxe: “Loko varhangeri va humesa mihlengo ya vona yo khangula alitari, va ta yi humesa hi ku landzelelana, un'wana ni un'wana a va ni siku ra yena.”

Tinhlayo 7:84

Mihlengo hinkwayo ya ku khangula alitari, leyi humesiweke hi varhangeri va Vaisraele, siku alitari yi totiweke mafurha ha rona, hi leyi: Tindyelo ta 12 ta silivhere, ni swihiso swa 12 swa silivhere, ni swinkambana swa 12 swa nsuku;

Tinhlayo 7:88

swifuwo hinkwaswo swo humesa ha swona gandzelo ra xinakulobye, a ti ri tihavi ta 24, ni makhuna ya 60, ni swiphongho swa 60, ni swinyimpfana swa 60 swa makhuna swa lembe rin'we. Leyi hi yona mihlengo yo khangula alitari leyi humesiweke loko alitari yi totiwile mafurha.