Tinhlayo 7:1 - BIBELE Mahungu Lamanene

¹ Siku leri Muxe a heteke ku yimisa Ntsonga ha rona, ú wu totile mafurha, a wu hlawulekisa ni swingolongondzwana swa wona hinkwaswo, a tota ni alitari, a yi hlawulekisa ni swingolongondzwana swa yona hinkwaswo.

Xitsonga (Bibele)

¹ Siku Muxe a hetiseke ku yimisa Yindlu, ni ku yi kwetsimisa, ni ku yi hlawula swin'we ni swibya hinkwaswo swa yona; kuteloko a swi kwetsimisile, ni loko a swi hlawurile,

Tinhlayo 7:1 Referans Kwoze

Tinhlayo 7:84

Mihlengo hinkwayo ya ku khangula alitari, leyi humesiweke hi varhangeri va Vaisraele, siku alitari yi totiweke mafurha ha rona, hi leyi: Tindyelo ta 12 ta silivhere, ni swihiso swa 12 swa silivhere, ni swinkambana swa 12 swa nsuku;

Matewu 23:19

N'wina lavo-fe-mahlo, lexikulu hi xihi, xana i nyiko, kumbe i alitari, leyi nga yona yi hlawulekisaka nyiko ke?

1 TIHOSI 8:64

Hi siku rero, hosi Solomoni a hlawulekisa ndhawu ya le xikarhi, exivaveni lexi nga mahlweni ka Tempele, a humesela kona magandzelo lama hisiwaka, ni magandzelo ya swa le masin'wini, ni mafurha ya magandzelo ya xinakulobye, hikuva alitari ya koporo ya le ndzeni ka Tempele a yi ri yitsongo ngopfu ku humesela ka yona swa magandzelo lawa hinkwawo.

Tinhlayo 7:88

swifuwo hinkwaswo swo humesa ha swona gandzelo ra xinakulobye, a ti ri tihavi ta 24, ni makhuna ya 60, ni swiphongho swa 60, ni swinyimpfana swa 60 swa makhuna swa lembe rin'we. Leyi hi yona mihlengo yo khangula alitari leyi humesiweke loko alitari yi totiwile mafurha.

Eksoda 13:2

“U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Genesa 2:3

Hikokwalaho, Xikwembu xi katekisa siku leri ra vu-7, xi ri endla leri hlawulekeke, hikuva hi siku leri xi wisile entirhweni wa xona hinkwawo lowu xi wu endleke loko xi tumbuluxa swilo.

Tinhlayo 7:10

Siku leri alitari yi totiweke mafurha ha rona, varhangeri va humesa mihlengo ya vona ya ku khangula alitari, va yi veka emahlweni ka yona.

Eksoda 29:36

Siku rin'wana ni rin'wana, u ta humesa magandzelo hi ku tlhava xinkuzana, xi va mhamba ya ku susa swidyoho. Na yona alitari u ta yi humesela emagandzelo, yi va mhamba ya ku yi basisa; u ta yi hlawulekisa hi ku yi tota mafurha.

Eksoda 40:11

Mi ta tota ni sambelo ni xikhatelo xa rona, mi ri hlawulekisa.

Tinhlayo 17:2

“Byela Vaisraele leswaku murhangeri un'wana ni un'wana a ku tisela nhonga leyi yi nga ta yimela nyimba ya ka vona; tinhonga leti ti ta va 12, kutani eka nhonga yin'wana ni yin'wana u ta tsala vito ra murhangeri wa nyimba ya kona.