Tinhlayo 6:12 - BIBELE Mahungu Lamanene

¹² a tiveka etlhelo leswaku a tirhela HOSI Xikwembu, a sungula hi vuntshwa vunaziri bya yena; kutani ú ta ta ni xinyimpfana xa khuna xa lembe rin'we xi va xa gandzelo ro riha, kambe masiku lama hundzeke ya ku tiveka ka yena etlhelo a ma nga ha hlayiwi, hikuva ma nyamisiwile.

Xitsonga (Bibele)

¹² U ta hlawulela Yehovha masiku ya Vunaziri bya yena, kutani u ta humesa xinyimpfana xa lembe rin'we yi va mhamba ya ku riha; masiku lama hundzeke ma nga ka ma nga hlayiwi, hikuva Vunaziri bya yena byi nyamisiwile.

Tinhlayo 6:12 Referans Kwoze

Levhitika 5:6

kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

2 Yohane 1:8

Hikokwalaho, tivoneleni leswaku mi nga lahlekeriwi hi leswi mi nga tikarhatela swona, kambe mi kota ku kuma hakelo leyi yi mi fanelaka.

Yakobo 2:10

Mhaka hileswaku un'wana ni un'wana loyi a ringetaka ku hlayisa milawu hinkwayo kambe a tsandzeka eka wun'we wa yona ntsena, ú yi tlurile hinkwayo.

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Matewu 3:15

Yesu a n'wi hlamula, a ku: “Ndzi pfumelele sweswi, hikuva swa fanela leswaku hi hetisisa leswo lulama hinkwaswo hi ndlela leyi.” Kutani Yohane a n'wi pfumelela.

Ezekiele 18:24

“Kambe hi tlhelo rin'wana, loko munhu wo lulama o tshuka a tshikile ku endla leswo lulama, kutani a sungula ku dyoha, a tinyiketa emintirhweni ya manyala ya lavo homboloka, xana munhu loyi ú ta kuma ku hanya xana? E-e! Mintirho ya yena ya khale leyo lulama yi ta rivariwa hinkwayo, kutani ú ta fela eku tiariseni ka yena ne ku dyoheni ka yena.

Levhitika 14:24

Kutani muprista ú fanele ku teka xinyimpfana xa magandzelo yo riha milandzu, ni mafurha lawa ya le xikhudzeni, a swi widzela HOSI Xikwembu, swi va nyiko ya xona leyo hlawuleka.

Eksoda 12:5

Xifuwo xa kona xi fanele ku va xinyimpfana xa khuna kumbe ximbutana xa xiphongho, xa lembe rin'we, lexi nga solekiki,

Levhitika 5:7

“Munhu wa kona a nga tshuka a pfumala xifuwo lexitsongo xo susa ha xona xidyoho lexi a xi endleke. Loko swi ri tano, ú ta humesela HOSI Xikwembu matuva mambirhi kumbe mavondlo mambirhi ya matuva, rin'we ri va ra mhamba yo susa swidyoho, lerin'wana ri va ra magandzelo lama hisiwaka.

Tinhlayo 6:11

kutani muprista ú ta humesa rin'wana ri va mhamba yo susa swidyoho, kasi lerin'wana ri ta va gandzelo leri hisiwaka, leri a nga ta basisa Munaziri ha rona, hi mhaka ya leswi Munaziri loyi a dyoheke hi ku khumba ntsumbu. Kutani, hi siku rero, ú ta tlhela a hlawulekisa nhloko ya yena,

Tinhlayo 6:13

“Loko nkarhi wa Munaziri wa ku tinyiketa wu herile, nawu wa yena hi lowu: Ú ta tisiwa enyangweni ya Ntsonga lowo Hlawuleka,