Tinhlayo 5:3 - BIBELE Mahungu Lamanene

³ U ta va humesa hinkwavo emixaxeni ya vona, vavanuna ni vavasati, u va veka ehandle ka yona leswaku va nga yi nyamisi, hikuva ndzi kona exikarhi ka yona.”

Xitsonga (Bibele)

³ Mi ta va humesa, hambi va ri vavanuna, hambi vavasati; mi va humesa emixaxeni, va nga tshuki va nyamisa mixaxa ya vona leyi ndzi tshamaka exikarhi ka yona.”

Tinhlayo 5:3 Referans Kwoze

Duteronoma 23:14

Mixaxa ya n'wina yi fanele ku tshama yi hlawulekile, hikuva HOSI Xikwembu xi famba na n'wina loko mi huma nyimpi, leswaku xi ta mi lwela, xi nyiketa valala va n'wina emavokweni ya n'wina; hikokwalaho xi nga tshuki xi vona swo khomisa tingana exikarhi ka n'wina, hikuva xi nga ta mi fularhela.

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

Tito 3:10

Munhu loyi a vangaka ku hambana, n'wi tshinye kan'we, kumbe kambirhi, kutani u nga ha vi na mhaka na yena,

2 Vatesalonika 3:6

Ha mi lerisa vamakwerhu, hi vito ra Hosi Yesu Kriste, leswaku mi hambana ni makwenu wihi ni wihi loyi a nga laviki ku tirha, la nga fambiki hi tidyondzo leti hi mi nyikeke tona.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Pisalema 68:18

We Xikwembu, u tlhandlukele entshaveni leyo leha u ri karhi u fambisa lava u va khomeke enyimpini; u amukerile tinyiko eka vanhu, hambi ti ri ta lava tiarisaka, kutani u ta tshama exivandleni xexo we Xikwembu.

1 TIHOSI 7:3

A pfala lwangu hi mapulangi ya kedari, a ma belela eka timhandze ta 45 leti hlanganisaka tiphuphu. (A ku ri ni tinxaxa tinharhu ta timhandze; rixaxa rin'we a ri ri ni timhandze ta 15.)

Tinhlayo 35:34

Kutani mi nga tshuki mi nyamisa tiko leri mi tshamaka eka rona, hikuva mina HOSI ndzi tshama eka rona exikarhi ka n'wina Vaisraele.”

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”

Eksoda 25:8

Kutani va ta ndzi endlela xivandla lexo hlawuleka leswaku ndzi ta tshama exikarhi ka vona.

Eksoda 29:45

Ndzi ta tshama exikarhi ka Vaisraele, kutani eka vona, ndzi ta va Xikwembu.

Levhitika 14:8

Kutani munhu loyi a basisiweke, ú ta hlantswa swiambalo swa yena, a byewula ni misisi hinkwayo, a tlhela a hlamba ni miri, kutani ú ta va la tengeke. Endzhaku ka sweswo, a nga ha vuya emixaxeni, kambe a nga fanelanga ku nghena entsongeni wa yena ku ringana masiku ya 7.

Tinhlayo 5:4

Kutani Vaisraele va endla hilaha HOSI Xikwembu xi byeleke Muxe hakona: Va va hlongola va huma emixaxeni.

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

Levhitika 15:31

“Mi ta tsundzuxa Vaisraele hi mukhuva wolowo, leswaku va hambana ni swilo leswi swi nga tengangiki, kutani va nga ka va nga tivangeli rifu hi ku nyamisa Ntsonga wa mina lowo hlawuleka, lowu nga xikarhi ka vona.”

Duteronoma 23:15

“Loko nandza a balekela n'wini wa yena a tsutsumela eka n'wina, mi nga n'wi tlheriseli eka n'wini wa yena.