Tinhlayo 4:12 - BIBELE Mahungu Lamanene

¹² Kutani va ta teka swingolongondzwana hinkwaswo leswi tirhisiwaka exivandleni lexo hlawuleka, va swi phutsela hi nceka wa muhlovo wa rihlaza ra tilo, va tlhela va swi funengeta hi madzovo ya timbuti, kutani va swi tlhandleka evuhlakeni.

Xitsonga (Bibele)

¹² Va ta teka swibya hinkwaswo swa ntirho, leswi va tirhaka ha swona ntirho evukwetsimelweni, va ta swi veka engubyeni ya xivunguvungu, va engeta va swi funengeta hi madzovo ya tintini lama rhungiweke, kutani va ta swi veka erihlakeni.

Tinhlayo 4:12 Referans Kwoze

1 TIKRONIKA 9:29

Van'wana a va rhwexiwile ntirho wa ku hlayisa swingolongondzwana leswo hlawuleka hinkwaswo, va hlayisa ni swa magandzelo ku nga vhinyo, ni mafurha, ni mirhi ya risuna, ni swinun'hweriso.

2 TIKRONIKA 4:22

ni swikero swo tsema tingoti ta timboni; ni minkambana; ni swimbitana swo hisela mirhi ya risuna eka swona; ni timbita to oka ndzilo ha tona, ta nsuku lowo tenga; ni swihayeko swa timbanti ta Tempele, ti nga timbanti ta xivandla lexo hlawuleka ngopfu xa le mpfungwe, ni timbanti ta xivandla lexo hlawuleka; swihayeko leswi hinkwaswo a swi ri swa nsuku.

2 TIKRONIKA 4:19

Kutani Solomoni a lavela Tempele swingolongondzwana hinkwaswo swa yona, swi nga leswi: Alitari ya nsuku; ni matafula ya xinkwa xa magandzelo;

2 TIKRONIKA 4:16

Timbita, ni minkombe, ni tiforoko, ni swingolongondzwana hinkwaswo swa Tempele, leswi Huramu-Abi a swi vumbeke hi ku lerisiwa hi hosi Solomoni, a swi ri swa koporo leyi vangamisiweke.

2 TIKRONIKA 4:11

Huramu-Abi a endla ni timbita, ni minkombe, ni minkambana. Hi ndlela leyi, a dlayiseta ntirho hinkwawo wa Tempele lowu a a lerisiwile hi hosi Solomoni, swi nga leswi:

Tinhlayo 4:9

“Kutani va ta teka nceka wa muhlovo wa rihlaza ra tilo, va funengeta xitlhoma-timboni ha wona, va funengeta ni timboni ta xona, ni swikero swa xona, ni timbita ta xona, ni swibya hinkwaswo swo chela mafurha yo lumeka timboni ta xona.

Tinhlayo 4:7

“Ehenhla ka tafula ra Xinkwa lexo Hlawuleka, va ta andlala nceka wa muhlovo wa rihlaza ra tilo, kutani ehenhla ka wona va veketela tindyelo, ni minkambana ya mirhi ya risuna, ni swimbitana, ni swikhuwana swo chela swilo swa le magandzelweni; xinkwa lexi tshamaka xi ri kona, na xona xi ta vekiwa ehenhla ka nceka lowu.

Tinhlayo 3:8

Va ta hlayisa swingolongondzwana hinkwaswo swa Ntsonga lowo Hlawuleka; naswona loko va ri karhi va tirha eka wona, va ta pfuna ni Vaisraele.

Eksoda 31:10

ni swiambalo leswi sasekisiweke, swi nga swiambalo leswo hlawuleka swa muprista Aroni, ni leswi nga ta ambariwa hi vana va yena loko va tirha ntirho wa vuprista,

Eksoda 25:9

Mi ta endla Ntsonga ni swingolongondzwana swa wona hinkwaswo hi swivumbeko leswi ndzi nga ta mi komba swona.”

Eksoda 25:5

ni madzovo ya tinyimpfu lama tlhuvutsiweke, ni madzovo ya timbuti, ni mapulangi ya murhi wa munga;

Tinhlayo 4:6

Va ta tlhandleka xifunengeto xa madzovo ya timbuti, va tlhandlekela hi nceka wa muhlovo wa rihlaza ra tilo ntsena, va tlhoma ni timhandze to rhwala Areka ha tona.

Tinhlayo 4:11

“Ehenhla ka alitari ya nsuku, va ta andlala nceka wa muhlovo wa rihlaza ra tilo, va tlhandlekela hi xifunengeto xa madzovo ya timbuti, kutani va tlhoma timhandze to yi rhwala ha tona.

Tinhlayo 4:13

Kutani va ta susa nkuma alitarini ya magandzelo, va andlala nceka wa xivunguvungu ehenhla ka yona;

1 TIKRONIKA 9:28

Van'wana va ka Levhi a va hlayisa swibya swa magandzelo, va swi hlaya loko swi humesiwa ni loko swi vuyisiwa.