Tinhlayo 3:41 - BIBELE Mahungu Lamanene

⁴¹ Kutani u ta ndzi hlawulela Valevhi ni swifuwo swa vona ematshan'weni ya mativula hinkwawo ya Vaisraele ni ya swifuwo swa vona. Hi mina HOSI Xikwembu!”

Xitsonga (Bibele)

⁴¹ U ta ndzi tekela Valevhi (hi mina Yehovha), ematshan'weni ya mativula hinkwawo exikarhi ka vana va Israele; u ta teka ni swifuwo swa Valevhi ematshan'weni ya mativula hinkwawo exikarhi ka swifuwo swa vana va Israele.”

Tinhlayo 3:41 Referans Kwoze

Tinhlayo 3:12

“Vona, ematshan'weni ya swilo hinkwaswo leswi rhangeke ku velekiwa exikarhi ka Vaisraele, ndzi hlawurile Valevhi. Valevhi va ta va va mina,

Tinhlayo 3:45

“Hlawula Valevhi ematshan'weni ya mativula hinkwawo ya Vaisraele, u hlawula ni swifuwo swa Valevhi ematshan'weni ya swa Vaisraele; kutani Valevhi va ta va va mina. Hi mina HOSI Xikwembu!

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Tinhlayo 18:15

“Hinkwaswo leswi rhangeke ku velekiwa eka vanhu ni ka swifuwo, leswi Vaisraele va ndzi humeseleke swona mina HOSI, swi ta va swa n'wina. Kambe mi ta fanela ku kutsula mativula ya vanhu ni ya swifuwo leswi nga tengangiki.

Tinhlayo 8:16

hikuva exikarhi ka Vaisraele, ndzi nyikiwile vona. Ndzi tihlawulerile vona ematshan'wini ya swilo hinkwaswo leswi rhangeke ku velekiwa exikarhi ka Vaisraele,

Tinhlayo 3:42

Hiloko Muxe a hlaya mativula hinkwawo ya Vaisraele, hilaha HOSI Xikwembu xi leriseke hakona.

Tinhlayo 3:13

hikuva mativula hinkwawo i ya mina. Hi siku leri ndzi heriseke mativula hinkwawo etikweni ra Egipta, ndzi hlawulekisile mativula hinkwawo ya vanhu ni ya swifuwo exikarhi ka Vaisraele, ma va ya mina. Valevhi va ta va vanhu va mina. Hi mina HOSI.”