Tinhlayo 3:3 - BIBELE Mahungu Lamanene

³ Mavito lawa, hi wona ya vana va Aroni, lava a nga va hlawula hi ku va chela mafurha enhlokweni, a va veka entirhweni wa vuprista.

Xitsonga (Bibele)

³ Hi wona mavito ya vana va Aroni va ri vaprista lava hlawuriweke, lava vekiweke ku tirha vuprista.

Tinhlayo 3:3 Referans Kwoze

Eksoda 28:41

U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Levhitika 8:30

Kutani Muxe a teka mafurhanyana yo tola ni ngatinyana eka leyi nga alitarini, a xuva Aroni ni vana va yena, ni swiambalo swa vona swa vuprista; hi ndlela leyi, Muxe a hlawulekisa Aroni ni vana va yena, ni swiambalo swa vona swa vuprista.

Levhitika 8:12

Kutani a teka mafurha man'wana, a chela enhlokweni ya Aroni, a n'wi tota a n'wi hlawulekisa.

Vaheveru 7:28

Hakunene Nawu wu veka vanhu leswaku va va vaprista lavakulu, hambileswi va nga riki na matimba; kambe rito ra ku hlambanya leri teke endzhaku ka Nawu, ri veka N'wana ku va Muprista, yena loyi a hetisekeke hilaha ku nga heriki.

Eksoda 40:15

kutani u va chela mafurha ku fana ni tata wa vona, va va vaprista, va ndzi tirhela. Ku cheriwa ka vona mafurha, ku ta endla leswaku ntirho wa vuprista wu va wa vona ni vatukulu va vona hilaha ku nga heriki.”

Eksoda 40:13

kutani u ambexa Aroni swiambalo leswo hlawuleka, u n'wi hlawulekisa hi ku n'wi chela mafurha leswaku a va muprista, a ndzi tirhela.

Tinhlayo 3:4

Nadabu na Abihu va fele emananga ya Sinayi, siku leri va humeseleke HOSI Xikwembu emagandzelo hi ndzilo lowu va nga lerisiwangiki wona. Loko va fa, a va nga si va na vana. Kutani Eliyazara na Itamara hi vona lava tirheke ntirho wa vuprista enkarhini wa ku hanya ka Aroni tata wa vona.

1 TIKRONIKA 23:6

Kutani Davhida a veka Valevhi hi mintlawa minharhu, hi ku ya hi mindyangu ya ka vona, hi leswaku va ka Gerixomu, ni va ka Kohata, ni va ka Merari.