Tinhlayo 24:8 - BIBELE Mahungu Lamanene

⁸ Xikwembu xi va humesile etikweni ra Egipta; loko va ri na xona, va tiyile ku fana ni tinyarhi; va ta herisa matiko lama lwaka na vona, va tshovelela marhambu ya valala va vona, va va tlhavetela hi miseve.

Xitsonga (Bibele)

⁸ Xikwembu xi n'wi humese Egipta, A heta matiko, va nga valala va yena; A faya marhambu ya vona, a khandla miseve ya vona.

Tinhlayo 24:8 Referans Kwoze

Pisalema 45:5

We hosi, miseve ya wena yi tontswile, yi tlhava timbilu ta valala; vanhu va matiko va wela emilengeni ya wena.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Pisalema 2:9

U ta ma faya hi nhonga ya nsimbhi, u ma cakanyetela ku fana ni mbita ya vumba.”

Tinhlayo 23:24

Langutani vanhu va kona: Va pfhumpfha ku fana ni nghala ya nkati, va handza-handza ku fana ni nghala ya matsune; a va tshami ehansi va nga si herisa lava va va hluleke, a va wisi va nga si nantswa ngati ya lava va va dlayeke!”

Tinhlayo 23:22

Xikwembu xi va humesile etikweni ra Egipta, kutani loko va ri na xona, va tiyile ku fana ni tinyarhi.

Tinhlayo 14:9

Ntsena mi nga tshuki mi fularhela HOSI Xikwembu, naswona mi nga va chavi vanhu va tiko leriya, hikuva hi ta va hlula hi ku olova; swikwembu swa vona leswi a swi va sirhelela swi fambile, kasi HOSI Xikwembu xona xi na hina, kutani mi nga va chavi!”

Yeremiya 50:9

Mina HOSI ndzi le ku tiseni ka ntlawa lowukulu wa vanhu lava humaka ematikweni ya le n'walungwini; va ta ta va xaxamerile, va lwa ni muti wa Babilona va wu teka. Miseve ya vona a yi hupi ni siku ni rin'we, tinhenha ta vona a ti vuyi ximandla-mandla!

Esaya 38:13

“Ndzi konyile, ri ko ri xa, hikuva a wu tshova marhambu ya mina, wonge u nghala; siku hinkwaro, we HOSI, u le ku ndzi hetiseni.

Daniele 6:24

Hiloko hosi yi lerisa leswaku ku tisiwa vavanuna lava hehleke Daniele; kutani vona ni vana va vona ni vasati va vona va hoxiwa ekheleni ra tinghala, kutani tinghala ti va tlulela, ti va phatlulela va nga si fika ni le hansi.

Pisalema 21:12

hikuva wena u ta va hlongorisa, u va copa tinhloko hi miseve.

Duteronoma 32:42

Miseve ya mina, ndzi ta yi nwisa ngati yi pyopyiwa, ngati ya lava dlayiweke ni ya lava khomiweke; fumu ra mina ri ta xurha hi nyama, nyama ya tinhenha ta valala.’

Duteronoma 32:23

“ ‘Ndzi ta va rhumela makhombo hi ku khandzakanya, miseve ya mina hinkwayo ndzi ta yi copa yi helela ehenhla ka vona.

Duteronoma 7:1

“Loko HOSI Xikwembu xa n'wina xi mi fikisa etikweni leri mi yaka eka rona ku ya ri teka ri va ra n'wina, xi ta hlongola vanhu lava va mi tlulaka hi ku tala ni ku tiya va suka emahlweni ka n'wina, ti nga tinxaka leti ta 7: Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi.

Tinhlayo 21:5

Kutani va vulavula va sandza HOSI Xikwembu na Muxe, va ku: “Xana mi hi humesele yini etikweni ra Egipta leswaku hi ta fela laha mananga, laha ku nga hava swakudya, hambi ma ri mati manene xana? Hi karhele hi swakudyanyana leswi swo nyenyetsa!”

Matewu 2:15

a ya tshama kona Heroda a kondza a fa, leswaku ku hetiseka leswi nga vuriwa hi Hosi, hi nomo wa muprofeta la nga te: “Ndzi vitanile n'wananga, a huma etikweni ra Egipta.”

Yoxuwa 2:10

Hi twile hilaha HOSI Xikwembu xi nga phyisa mati ya Lwandle-ro-Tshwuka hakona emahlweni ka n'wina loko mi ta mi huma etikweni ra Egipta. Ni leswi mi swi endleke eka tihosi timbirhi ta Vaamori entsungeni wa nambu wa Yordani, ku nga Sihoni na Ogo, lava mi va heriseke, hi swi twile.

Eksoda 23:22

“Kambe loko mi yingisa swinene marito ya ntsumi, mi endla hinkwaswo leswi ndzi nga ta swi vula, ndzi ta va nala wa valala va n'wina, ndzi lwa ni lava nga ta lwa na n'wina.

Pisalema 45:6

We hosi, u fana ni Xikwembu, u ta fuma hilaha ku nga heriki, nhonga ya vuhosi bya wena yi ta tisa ku lulama.