Tinhlayo 24:1 - BIBELE Mahungu Lamanene

¹ Balaama ú swi vonile leswaku ku katekisa Vaisraele swi tsakisa Xikwembu; hikokwalaho a nga ha fambanga a lava swa vungoma bya yena, kambe ú lo languta etlhelo ra le mananga.

Xitsonga (Bibele)

¹ Balaama a vona leswaku Yehovha u titsakele ku katekisa Israele, kutani a nga lavangi vungoma kukotisa mikarhi yin'wana, kambe a hundzuluxa mombo wa yena etlhelo ra mananga.

Tinhlayo 24:1 Referans Kwoze

Tinhlayo 23:23

“A ku na vuloyi lebyi nga tirhaka erixakeni ra Yakobo, ni vungoma byi nge ri endli nchumu rixaka ra Israele. Sweswi vanhu va ta vulavula hi va ka Yakobo, ri nga rona rixaka ra Israele, va ku: ‘Vonani leswi Xikwembu xi swi endleke!’

Tinhlayo 23:3

Kutani Balaama a ku ka Balaka: “Sala u yimile kwala kusuhi ni magandzelo ya wena lawa u ma hiseke; mina ndza ha fambanyana; kumbexana HOSI Xikwembu xi ta ta xi ta hlangana na mina. Ndzi ta vuya ndzi ku byela hinkwaswo leswi xi nga ta ndzi kombisa swona.” Kutani Balaama a suka a ya enhlohlorhini ya ntshava.

Nhlavutelo 2:14

Hambiswiritano, ku ni swilo swi nga ri swingani leswi u ndzi vilerisaka ha swona: Hileswaku ku ni van'wana lava u nga na vona kwaleyo, lava khomelelaka edyondzweni ya Balaama, loyi a kuceteleke Balaka ku veka xikhunguvanyiso emahlweni ka Vaisraele, leswaku va dya swakudya leswi humeseriweke swikwembu swa hava, va endla ni vuoswi.

Tinhlayo 31:16

Xana ma rivala leswaku emhakeni ya le Peyori, vavasati lava hi vona va kuceteriweke hi Balaama, kutani va mi dyohisa, mi nga ha tshembeki eka HOSI Xikwembu, ntungu wu nghena exikarhi ka n'wina hinkwenu, xana?

Tinhlayo 23:28

Kutani Balaka a yisa Balaama enhlohlorhini ya ntshava ya Peyori, leyi langutaneke ni mananga.

Tinhlayo 23:20

Ndzi lerisiwile ku katekisa; loko Xikwembu xi katekisile, mina ndzi nga ka ndzi nga swi hundzuluxi.

Tinhlayo 23:15

Kutani Balaama a ku ka Balaka: “Sala u yimile kwala kusuhi ni magandzelo ya wena lawa u ma hiseke; mina ndza ha ya lahaya, ndzi ya hlangana na HOSI Xikwembu.”

Tinhlayo 22:13

Kuteloko ri xa, Balaama a pfuka a byela varhangeri lava rhumiweke hi Balaka, a ku ka vona: “Tlhelelani ekarikwenu; HOSI Xikwembu xa ndzi alela ku famba na n'wina.”

1 SAMIELE 26:25

Kavaloko Sawulo a hlamula Davhida a ku: “Ndzi ku navelela minkateko, wena Davhida n'wananga. U ta endla leswikulu, u humelela swinene!” Kutani Davhida a khoma ndlela ya yena a tifambela. Sawulo yena a tlhelela ekaya ka yena.

1 SAMIELE 26:2

Hiloko Sawulo a khoma ndlela, a famba ni vavanuna va 3 000 lava hlawuriweke exikarhi ka Vaisraele, a rhelela a ya lava Davhida emananga ya Zifi.

1 SAMIELE 24:20

Sweswi ndza swi tiva leswaku hakunene u ta va hosi, ni leswaku, emavokweni ya wena, mfumo wa tiko ra Israele wu ta tiya wu ya emahlweni.

Tinhlayo 22:7

Kutani vakulukumba va le Mowabu ni va le Midiyani va suka va ya eka Balaama va ri ni mali yo hakela vungoma bya yena, va fika va n'wi byela marito ya Balaka.

Tinhlayo 23:30

Kutani Balaka a endla hilaha Balaama a n'wi leriseke hakona, a humesa nkuzi yin'we ni khuna rin'we eka alitari yin'wana ni yin'wana.