Tinhlayo 23:2 - BIBELE Mahungu Lamanene

² Balaka a endla hilaha Balaama a n'wi leriseke hakona, kutani yena na Balaama va humesa nkuzi yin'we ni khuna rin'we, eka alitari yin'wana ni yin'wana.

Xitsonga (Bibele)

² Balaka a endla hilaha Balaama a nga vula ha kona; kutani Balaka na Balaama va tlhava nkunzi ni khuna ehenhla ka alitari yin'wana ni yin'wana.

Tinhlayo 23:2 Referans Kwoze

Tinhlayo 23:30

Kutani Balaka a endla hilaha Balaama a n'wi leriseke hakona, a humesa nkuzi yin'we ni khuna rin'we eka alitari yin'wana ni yin'wana.

Tinhlayo 23:14

Balaka a yisa Balaama enhlohlorhini ya ntshava ya Pisga, laha ku vuriwaka “Xivandla-xa-Varindzi”, a fika a aka tialitari ta 7, a tlhela a humesa nkuzi yin'we ni khuna rin'we eka alitari yin'wana ni yin'wana.

Tinhlayo 23:1

Kutani Balaama a ku ka Balaka: “Ndzi akele tialitari ta 7 kwala xivandleni lexi, u tlhela u tlhava tinkuzi ta 7 ni makhuna ya 7.”

Tinhlayo 23:3

Kutani Balaama a ku ka Balaka: “Sala u yimile kwala kusuhi ni magandzelo ya wena lawa u ma hiseke; mina ndza ha fambanyana; kumbexana HOSI Xikwembu xi ta ta xi ta hlangana na mina. Ndzi ta vuya ndzi ku byela hinkwaswo leswi xi nga ta ndzi kombisa swona.” Kutani Balaama a suka a ya enhlohlorhini ya ntshava.

Ezekiele 45:23

Kutani esikwini rin'wana ni rin'wana ra nkhuvo, ú ta humesa swinkuzana swa 7 ni makhuna ya 7, swi ri swifuwo leswi nga solekiki, a humesa ni xiphongho a endla ha xona gandzelo ro susa swidyoho.

Tinhlayo 23:29

Balaama a ku ka Balaka: “Ndzi akele tialitari ta 7 kwala xivandleni lexi, u tlhela u tlhava tinkuzi ta 7 ni makhuna ya 7.”