Tinhlayo 20:5 - BIBELE Mahungu Lamanene

⁵ Xana mi hi humesele yini etikweni ra Egipta, mi hi tisa endhawini yo bihisa leswi xana? Ndhawu leyi a yi na ndzimo, kumbe mihandzu yo fana ni makuwa, kumbe ya vhinya, kumbe ya magrenada; hambi ma ri mati yo nwa, ku hava!”

Xitsonga (Bibele)

⁵ Mi hi humesele yini eEgipta ku hi fikisa etikweni lero biha, laha ku nga byalekiki, ni laha ku nga riki na nkuwa ni vhinya ni girenada ni mati ya ku nwa?”

Tinhlayo 20:5 Referans Kwoze

Tinhlayo 16:14

Tlhandlakambirhi, a wu hi fikisanga etikweni leri u vuleke leswaku ri khuluka ntswamba ni vulombe; hambi ma ri masimu ni mitanga, a wu hi nyikanga leswaku yi va ndzhaka ya hina. Xana u ehleketa leswaku vavanuna lava u nga va kanganyisa xana? Hina hi nga ka hi nga ti!”

Ezekiele 20:36

Ndzi ta komba nandzu wa n'wina kukota leswi ndzi kombeke nandzu wa vatata wa n'wina le mananga ya tiko ra Egipta. Ndzi vula sweswo mina HOSI N'wini wa hinkwaswo.

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Nehemiya 9:21

U va hlayisile malembe ya 40 emananga, va nga pfumali nchumu, swiambalo swa vona a swi hlakalanga, hambi yi ri milenge ya vona a yi pfimbanga.

Duteronoma 8:15

Hi xona lexi xi nga mi tsemakanyisa mananga lamakulu yo chavisa lama nga ni tinyoka ta vuxungu ni swipame; endhawini leyi yo oma ngopfu, HOSI Xikwembu xi mi humeserile mati eribyeni lero nonon'hwa swinene;

Tinhlayo 20:24

“Aroni ú ta fa a landza vatata wa yena; a nga ka a nga ngheni etikweni leri ndzi ri nyikeke Vaisraele, hikuva mi arile xileriso xa mina loko mi ri le Meriba.

Tinhlayo 27:14

hikuva a mi ndzi tshembanga loko mi ri emananga ya Sini, nkarhi lowu ntshungu wu nga ndzi sandza le Meriba, kutani mi arile ku va komba matimba ya mina layo hlawuleka.” (Meriba i xihlovo xa mati le Kadexe, emananga ya Sini.)