Tinhlayo 20:10 - BIBELE Mahungu Lamanene

¹⁰ a famba na Aroni, va ya hlengeleta ntshungu emahlweni ka ribye. Kutani Muxe a ku ka vona: “Yingisani n'wina vatiarisi ndzin'wina! Xana ma tshemba leswaku hi nga mi humesela mati eribyeni leri xana?”

Xitsonga (Bibele)

¹⁰ Kutani Muxe na Aroni va vitana nhlengeletano emahlweni ka ribye, kutani Muxe a ku eka vona: “Yingisani, vakaneti! Xana hi ta mi humesela mati eribyeni leri xana?”

Tinhlayo 20:10 Referans Kwoze

Yakobo 3:2

Hina hinkwerhu hi ni swihoxo leswo tala, kambe loko munhu a nga hoxi eku vulavuleni ka yena, munhu yoloye ú hetisekile, wa swi kota ku fuma miri wa yena hinkwawo.

Vaefesa 4:26

Loko mi tshuka mi hlundzuka, mi nga weli eku dyoheni; dyambu ri nga tshuki ri pela ma ha hlundzukile,

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Duteronoma 9:24

Ku sukela enkarhini lowu ndzi mi tiveke ha wona, a mi si tshama mi yingisa swileriso swa HOSI Xikwembu.

Genesa 41:16

Yosefa a ku ka Faro: “We hosi Faro, a hi mina ndzi nga ta ku nyika nhlamuselo yo twala, kambe i Xikwembu.”

Genesa 40:8

Vona va ku ka yena: “Hi lorhile milorho, kutani a ku na munhu loyi a nga yi hlamuselaka.” Kutani Yosefa a ku ka vona: “Xana a hi Xikwembu lexi hlamuselaka milorho xana? Ndzi kombela leswaku mi ndzi byela milorho ya kona.”

1 Vakorinto 3:7

Hikokwalaho, loyi a byalaka a hi nchumu, hambi loyi a cheletaka, kambe i Xikwembu, hikuva hi xona xi mirisaka.

Eksoda 17:6

Vona, u ta ndzi kuma ndzi ku yimerile le ntshaveni ya Horebe kusuhi ni ribye; u ta fika u ba ribye, kutani ku ta huma mati lawa vanhu va nga ta nwa wona.” Muxe a endla sweswo, vakulukumba va Israele va ri karhi va n'wi vona.

Tinhlayo 20:24

“Aroni ú ta fa a landza vatata wa yena; a nga ka a nga ngheni etikweni leri ndzi ri nyikeke Vaisraele, hikuva mi arile xileriso xa mina loko mi ri le Meriba.

Pisalema 78:16

Xi humesile swinambyana eribyeni, mati ma khuluka tanihi nambu.