Tinhlayo 20:1 - BIBELE Mahungu Lamanene

¹ Hi n'hweti yo sungula, ntshungu hinkwawo wa Vaisraele wu fika emananga ya Sini, kutani wu ya tshama eKadexe. Laha hi kona Meriyamu a nga fela kona, a tlhela a lahliwa kona.

Xitsonga (Bibele)

¹ Nhlengeletano hinkwayo ya vana va Israele yi fika emananga ya Sini hi n'hweti yo sungula, kutani tiko ri gova eKadexe. Kutani Meriyamu a fa endhawini leyo, a lahliwa kona.

Tinhlayo 20:1 Referans Kwoze

Tinhlayo 13:21

Kutani va suka va famba va ya valanga tiko ku sukela emananga ya Sini ku ya fikela eRehobo, kusuhi ni xiphandze xa Hamata.

Tinhlayo 33:36

Va suka le Esiyoni-Gebere, va ya gova eKadexe, emananga ya Sini.

Eksoda 15:20

Muprofeta Meriyamu, loyi a a ri makwavo wa Aroni, a teka xingomana; vavasati hinkwavo va huma va n'wi landza, va ri karhi va khankha, va khomile swingomana swa vona.

Tinhlayo 27:14

hikuva a mi ndzi tshembanga loko mi ri emananga ya Sini, nkarhi lowu ntshungu wu nga ndzi sandza le Meriba, kutani mi arile ku va komba matimba ya mina layo hlawuleka.” (Meriba i xihlovo xa mati le Kadexe, emananga ya Sini.)

Tinhlayo 26:59

Vito ra nsati wa Amirama a va ku i Yokebedi, N'wa-Levhi, loyi a velekiweke le Egipta. Amirama na Yokebedi hi vona vatswari va Aroni na Muxe na makwavo wa vona Meriyamu.

Tinhlayo 12:1

Muxe a a tekile nsati wa Muetiyopiya, kutani Meriyamu na Aroni va n'wi hleva hikwalaho ka swona.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Pisalema 29:8

ri tsekatsekisa na wona mananga, HOSI yi tsekatsekisa mananga ya le Kadexe.

Duteronoma 32:51

hikuva n'wina vambirhi mi ndzi dyoherile emahlweni ka Vaisraele: Loko mi ri exihlobyeni xa Meriba kusuhi ni muti wa Kadexe, emananga ya Sini, a mi kombanga ku kwetsima ka mina eka Vaisraele.

Duteronoma 2:14

Ku sukela nkarhi lowu hi humeke eKadexe-Bariniya ha wona ku kondza hi tsemakanya xinkobyana xa Zereda, ku hundzile malembe ya 38; kutani masocha hinkwawo lawa hi humeke na wona le Egipta ma helele endleleni, hilaha HOSI Xikwembu xi hlambanyeke hakona.

Tinhlayo 20:16

Kuteloko hi yisile xirilo xa hina eka HOSI Xikwembu, xi hi hlamurile, xi hi rhumela ntsumi, yi ta hi humesa etikweni ra Egipta; kutani sweswi hi kwala Kadexe, muti lowu nga ndzilekaneni wa tiko ra n'wina.

Tinhlayo 12:15

Hiloko Meriyamu a humesiwa emixaxeni a ya tshama ehandle masiku ya 7. Vaisraele a va sukanga laha a va govile kona, ku kondza Meriyamu a vuyisiwa exikarhi ka vona.

Tinhlayo 12:10

na rona papa ri suka ehenhla ka Ntsonga, kutani Meriyamu a kumeka a ri ni vuvabyi bya nhlokonho, miri wa yena hinkwawo wa basulukile ku fana ni gamboko.

Eksoda 2:7

Kutani makwavo wa xihlangi a ta a ta ku ka n'wana Faro: “Xana ndzi nga ya ndzi ya ku lavela un'wana wa vavasati va Vaheveru la mamisaka, a ta ku mamisela n'wana xana?”

Eksoda 2:4

Kutani makwavo wa xihlangi lexi, wa wanhwanyana, a yimela kulenyana, a endlela ku vona leswi nga ta humelela eka n'wana.

Tinhlayo 13:26

va tlhelela le Kadexe emananga ya Parani, laha Muxe na Aroni a va ri kona ni ntshungu hinkwawo wa Vaisraele; va vuya ni mahungu, va ma rungulela Muxe na Aroni ni ntshungu hinkwawo, va va komba ni mihandzu ya tiko ra kona.

Tinhlayo 20:22

Ntshungu hinkwawo wa Vaisraele wu suka eKadexe, wu famba wu ya fika entshaveni ya HOSI.

Duteronoma 1:46

Hikokwalaho, mi tshamile nkarhi wo leha swinene eKadexe.

Vaavanyisi 11:16

hikuva loko va huma etikweni ra Egipta, Vaisraele va tile hi ndlela ya le mananga, va hundza hi le Lwandle-ro-Tshwuka, va ya fika eKadexe,

Genesa 14:7

Kutani va hundzuluka va ya fika le Eni-Mixipati (hileswaku Kadexe), va hlasela tiko hinkwaro ra Vaamaleke, ni ra Vaamori lava a va tshama eHasasoni-Tamara.

Tinhlayo 20:28

Kutani Muxe a hluvula Aroni swiambalo swa vuprista, a ambexa n'wana wa yena Eliyazara; hiloko Aroni a tifela kwale henhla ka ntshava. Muxe na Eliyazara va rhelela va suka entshaveni.

Ezekiele 47:19

Hi tlhelo ra le dzongeni, ndzilekana wu ta sukela eTamari, wu kongoma eswihlobyeni swa Meriba-Kadexe, kutani wu jika wu lulama ni xinambyana xa Egipta, wu ya fika eLwandle ra Mediteraniya. Ndzilekana wa le dzongeni wu ta va wona lowu.