Tinhlayo 19:7 - BIBELE Mahungu Lamanene

⁷ Kutani muprista ú ta hlantswa swiambalo swa yena, a hlamba ni miri, ku ri kona a nga ta tlhelela emixaxeni; kambe siku rero ú ta va a nga tenganga ku kondza dyambu ri pela.

Xitsonga (Bibele)

⁷ Muprista u ta hlantswa tinguvu ta yena, a hlamba miri ematini, kutani u ta nghena emixaxeni; kambe muprista u ta va la nga tengangiki ku fika nimadyambu.

Tinhlayo 19:7 Referans Kwoze

Levhitika 11:25

naswona un'wana ni un'wana loyi a swi rhwalaka loko swi file, ú ta fanela ku hlantswa swiambalo swa yena; hambiswiritano, ú ta va a nga tenganga ri ko ri pela.

Tinhlayo 19:19

Hi siku ra vunharhu, munhu loyi a tengeke ú ta xuva swilo leswi nga tengangiki, a tlhela a swi xuva hi siku ra vu-7; naswona, hi siku roleri ra vu-7 loko a hetile ku swi basisa, na yena ú ta tibasisa hi ku hlantswa swiambalo swa yena, a hlamba ni miri; kutani hi madyambu ya siku rero ú ta va a tengile.

Tinhlayo 19:8

Loyi a hisaka thokazi, na yena ú ta hlantswa swiambalo swa yena, a hlamba ni miri; siku rero ú ta va a nga tenganga, dyambu ri kondza ri pela.

Levhitika 22:6

Muprista loyi a khumbaneke ni leswo tano, siku rero ú ta va a nga tenganga dyambu ri ko ri pela, naswona a nga tshuki a dya tinyiko leto hlawuleka loko a nga sungulanga hi ku hlamba miri.

Levhitika 15:5

Munhu un'wana ni un'wana loyi a khumbaka mubedo wa kona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Levhitika 11:40

na yena loyi a dyaka nyama ya xona, a a hlantswe swiambalo swa yena, hambiswiritano siku rero ú ta va a nga tenganga dyambu ri ko ri pela; hambi a ri loyi a rhwalaka xiharhi lexi feke, ú ta fanela ku hlantswa swiambalo swa yena, hambiswiritano siku rero ú ta va a nga tenganga dyambu ri ko ri pela.

Vaheveru 13:11

Hikuva tinyama ta swifuwo leswi ngati ya swona yi tisiwaka exivandleni lexo hlawuleka ngopfu hi Muprista Lonkulu ku ta khongelela swidyoho, ti hiseriwa ehandle ka nxaxa.

Levhitika 14:46

Munhu loyi a nghenaka endzeni ka yindlu leyi enkarhini lowu yi pfariweke, siku rero ú ta va a nga tenganga dyambu ri kondza ri ya pela;

Tinhlayo 19:10

Munhu loyi a olelaka nkuma na yena ú ta hlantswa swiambalo swa yena; siku rero ú ta va a nga tenganga, dyambu ri kondza ri pela. Nawu lowu wu ta boha Vaisraele hilaha ku nga heriki, wu boha ni vanhu lava luveleke exikarhi ka vona.

Tinhlayo 19:21

Vaisraele va ta boheka ku landza nawu lowu, hilaha ku nga heriki. Munhu loyi a xuvaka hi mati yo basisa leswi nyameke, ú fanele ku hlantswa swiambalo swa yena; naswona munhu loyi a khumbaka mati lawa yo basisa leswi nyameke, ú ta va a nga tenganga, dyambu ri kondza ri pela.

Levhitika 11:24

“Swiharhi leswi hinkwaswo swi nga mi nyamisa; un'wana ni un'wana loyi a swi khumbaka loko swi file, siku rero ú ta va a nga tenganga ri ko ri pela,

Levhitika 11:27

Naswona, swiharhi hinkwaswo swa milenge ya mune leswi nga riki na swinyondzwana, eka n'wina a swi ve leswi nga tengangiki; un'wana ni un'wana loyi a swi khumbaka loko swi file, siku rero ú ta va a nga tenganga dyambu ri ko ri pela;

Levhitika 11:28

loyi a swi rhwalaka loko swi file, ú fanele ku hlantswa swiambalo swa yena; hambiswiritano ú ta va a nga tenganga dyambu ri ko ri pela. Eka n'wina, swiharhi leswi a swi ve leswi nga tengangiki.

Levhitika 11:31

Exikarhi ka swihadyana hinkwaswo, leswi hi swona leswi nga tengangiki eka n'wina. Un'wana ni un'wana loyi a swi khumbaka loko swi file, siku rero ú ta va a nga tenganga dyambu ri ko ri pela.

Levhitika 11:32

Loko xin'wana xa swihadyana leswi xi fa, kutani xi wela ehenhla ka xilo lexi vatliweke kunene, kumbe lexi nga lo rhungiwa, kumbe xa dzovo kumbe saka, kumbe xin'wana xo fana na sweswo lexi tirhisiwaka emutini, xilo xexo xi fanele ku hoxiwa ematini; hambiswiritano xi ta va xi nga tenganga dyambu ri ko ri pela, kutani hi kona xi nga ta tlhela xi va lexi tengeke.

Levhitika 11:39

“Loko xiharhi lexi mi pfumeleriwaka ku xi dya xi tshuka xi tifela hi xoxe, munhu loyi a xi khumbaka, siku rero ú ta va a nga tenganga dyambu ri ko ri pela;

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”