Tinhlayo 19:2 - BIBELE Mahungu Lamanene

² “Nawu hi lowu, wu humesiwa hi mina HOSI. Byelani Vaisraele va mi tisela thokazi leri tengeke, ri tlhela ri va leri nga solekiki, naswona leri nga si tshamaka ri paniwa.

Xitsonga (Bibele)

² “Hi kona ku lerisa ni nawu lowu Yehovha a wu leriseke loko a ku: ‘Byela vana va Israele va ku tisela homu ya ntswele ya ribungu, leyi nga riki na xisandzu ni xivati, leyi nga rhwalangiki joko.

Tinhlayo 19:2 Referans Kwoze

Duteronoma 21:3

Kutani vakulukumba va muti lowu nga kusuhi ni laha munhu loyi a dlayeriweke kona, va ta lava thokazi leri nga si tshamaka ri tirhisiwa kumbe ku paniwa,

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

1 SAMIELE 6:7

Sweswi ke, fambani mi ya vatla golonyi leyintshwa, mi teka ni tihomu timbirhi ta mantswele leti nga si paniwaka, mi ti pana egolonyini, kambe mi pfalela marhole ya tona etshangeni.

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

1 Petro 2:22

A nga dyohanga nchumu, a nga vulanga swo kanganyisa van'wana.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Swirilo 1:14

“N'wini wa hinkwaswo ú bohelerile swidyoho swa mina hi voko ra yena, swi hundzuka joko, a ri tlhandleka enhan'wini ya mina, a ndzi heta matimba; a ndzi nyiketa emavokweni ya lava ndzi va chavaka.

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Tinhlayo 31:21

Muprista Eliyazara a byela vavanuna lava a va yile enyimpini, a ku ka vona: “Nawu lowu HOSI Xikwembu xi wu leriseke Muxe hi lowu:

Tinhlayo 19:6

Muprista ú ta teka tihunyi ta murhi wa kedari ni rhavi ra ximudyana xa hisopa ni ngoti ya muhlovo wo tshwuka, a swi hoxa endzilweni lowu hisaka thokazi.

Levhitika 14:6

Kutani muprista ú ta teka xinyanyana lexo hanya, ni ximhandzana xa murhi wa kedari, ni ngoti ya muhlovo wo tshwuka, ni rhavi ra ximudyana xa hisopa, a swi peta engatini ya xinyanyana lexi nga dlayeriwa ematini layo basa.

Eksoda 12:5

Xifuwo xa kona xi fanele ku va xinyimpfana xa khuna kumbe ximbutana xa xiphongho, xa lembe rin'we, lexi nga solekiki,

Tinhlayo 19:1

Kutani HOSI Xikwembu xi ku ka Muxe na Aroni:

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.