Tinhlayo 19:10 - BIBELE Mahungu Lamanene

¹⁰ Munhu loyi a olelaka nkuma na yena ú ta hlantswa swiambalo swa yena; siku rero ú ta va a nga tenganga, dyambu ri kondza ri pela. Nawu lowu wu ta boha Vaisraele hilaha ku nga heriki, wu boha ni vanhu lava luveleke exikarhi ka vona.

Xitsonga (Bibele)

¹⁰ La oleleke nkuma wa homu, u ta hlantswa tinguvu ta yena, kutani u ta va la nga tengangiki ku fika nimadyambu. Ku ta va ku lerisa loku nga heriki ka vana va Israele, ni ka muluveri la luvelaka exikarhi ka vona.

Tinhlayo 19:10 Referans Kwoze

Vakolosa 3:11

Laha a ku na Mugriki ni Muyuda, a ku na la yimbeke ni la nga yimbangiki, a ku na munhu wa matiko ni munhu wa hava, a ku na hlonga ni muntshunxeki, kambe i Kriste la nga hinkwaswo eka hinkwavo.

Tinhlayo 19:19

Hi siku ra vunharhu, munhu loyi a tengeke ú ta xuva swilo leswi nga tengangiki, a tlhela a swi xuva hi siku ra vu-7; naswona, hi siku roleri ra vu-7 loko a hetile ku swi basisa, na yena ú ta tibasisa hi ku hlantswa swiambalo swa yena, a hlamba ni miri; kutani hi madyambu ya siku rero ú ta va a tengile.

Eksoda 12:49

“Eka munhu wa rixaka ra Israele, ni le ka munhu wa le handle loyi a luveleke erixakeni ra Israele, ku ta tirha nawu wun'we.”

Levhitika 14:46

Munhu loyi a nghenaka endzeni ka yindlu leyi enkarhini lowu yi pfariweke, siku rero ú ta va a nga tenganga dyambu ri kondza ri ya pela;

Levhitika 11:25

naswona un'wana ni un'wana loyi a swi rhwalaka loko swi file, ú ta fanela ku hlantswa swiambalo swa yena; hambiswiritano, ú ta va a nga tenganga ri ko ri pela.

Levhitika 16:28

Munhu loyi a hisaka swilo leswi, ú fanele ku rhanga a hlantswa swiambalo ni ku hlamba miri, a nga si tlhelela emixaxeni.

Tinhlayo 19:21

Vaisraele va ta boheka ku landza nawu lowu, hilaha ku nga heriki. Munhu loyi a xuvaka hi mati yo basisa leswi nyameke, ú fanele ku hlantswa swiambalo swa yena; naswona munhu loyi a khumbaka mati lawa yo basisa leswi nyameke, ú ta va a nga tenganga, dyambu ri kondza ri pela.