Tinhlayo 18:2 - BIBELE Mahungu Lamanene

² Loko wena ni vana va wena mi ri karhi mi tirha eka Ntsonga lowu nga ni Areka ya Ntwanano, mi ta vitana va ka Levhi, leswaku va ta va ta mi pfuna, hikuva i va nyimba ya ka n'wina.

Xitsonga (Bibele)

² U ta tshineta eka wena ni ka vamakwenu va nyimba ya Levhi, nyimba ya tata wa wena, va ta tshama na wena, va ku tirhela loko wena ni vana va wena mi yima emahlweni ka tabernakela ya vumbhoni.

Tinhlayo 18:2 Referans Kwoze

Genesa 29:34

Leya a tlhela a tika nakambe, a veleka n'wana wa mufana, kutani a ku: “Sweswi, nuna wa mina ú ta ndzi namarhela, hikuva ndzi n'wi velekerile majaha manharhu.” Hikokwalaho a n'wi thya vito ra Levhi (hileswaku: “Ku namarhela”).

Ezekiele 44:15

Xikwembu xi ri: “Vaprista va nyimba ya ka Levhi, vona va ka Sadoki, va hlayisile milawu ya ntirho wa kwala Tempeleni ya mina, enkarhini lowu Vaisraele va nga ndzi fularhela. Hikokwalaho ndzi ta va pfumelela ku ndzi tirhela eTempeleni, va ndzi humesela magandzelo, ku katsa ni mafurha ni ngati. Ndzi vula sweswo mina HOSI N'wini wa hinkwaswo.

2 TIKRONIKA 30:16

A va yimile etindhawini ta vona to hambana-hambana eTempeleni, hi ku ya hi nawu wa Muxe nandza wa Xikwembu. Valevhi a va tisa ngati ya swifuwo eka vaprista, vona va xuva alitari ha yona.

Tinhlayo 18:4

Va ta ta va ta tirha na n'wina emintirhweni hinkwayo ya Ntsonga lowo Hlawuleka, kambe munhu loyi a nga riki Mulevhi, a nga tshuki a ta kusuhi na n'wina.

Tinhlayo 17:7

Kutani Muxe a ya veka tinhonga leti emahlweni ka HOSI Xikwembu, eka Ntsonga lowu nga ni Areka ya Ntwanano.

Tinhlayo 16:40

Lexi a xi ri xitsundzuxo eka Vaisraele leswaku un'wana ni un'wana loyi a nga riki muprista kumbe wa rixaka ra Aroni, a nga tshuki a tshinela a humesela HOSI Xikwembu gandzelo ra mirhi ya risuna, hikuva loyi a nga ta endla sweswo ú ta humeleriwa hi leswi humeleleke Kora ni vanghana va yena. Leswi hi swona leswi HOSI Xikwembu xi swi byeleke Eliyazara hi nomo wa Muxe.

Tinhlayo 8:22

Kutani endzhaku ka sweswo, Valevhi va ya nghena eka Ntsonga lowo Hlawuleka, va tirha mintirho ya vona, va fambisiwa hi Aroni ni vana va yena. Vaisraele va endla hinkwaswo leswi HOSI Xikwembu xi leriseke Muxe, hi tlhelo ra Valevhi.

Tinhlayo 8:19

Kutani ndzi va nyiketile emavokweni ya Aroni ni vana va yena, va va nyiko leyi humaka eka Vaisraele, leswaku va ta hamba va tirhela Vaisraele eka Ntsonga lowo Hlawuleka, ni ku va basisa leswaku va nga humeleriwi hi khombo, loko va tshuka va tshinerile kusuhi ni xivandla lexo hlawuleka.”

Tinhlayo 4:15

Loko Aroni ni vana va yena va hetile ku funengeta xivandla lexo hlawuleka ni swingolongondzwana swa xona hinkwaswo, enkarhini lowu mixaxa yi rhurhisiwaka ha wona, hi kona va ka Kohata va nga ta ta va ta swi rhwala; kambe va nga tshuki va khumba swilo leswo hlawuleka, hikuva va nga ta fa. Leswi hi swona swilo swa Ntsonga lowo Hlawuleka leswi va ka Kohata va nga ta swi rhwala.

Vaheveru 9:6

Leswi swilo swa kona swi lunghisiweke hi ndlela yoleyo, vaprista va nghena kambe na kambe entsongeni wo rhanga wa le handle, va endla ntirho wa vona wa magandzelo.

Tinhlayo 1:53

Kambe Valevhi vona va ta gova va rhendzela Ntsonga wa Ntwanano, leswaku vukari bya mina byi nga tshuki byi pfurha ehenhla ka ntshungu wa Vaisraele; naswona Valevhi hi vona va nga ta hlayisa Ntsonga wa Ntwanano.”

Tinhlayo 3:5

Kutani HOSI Xikwembu xi ku ka Muxe:

Ezekiele 44:11

Hikokwalaho, va ta va varindzi va tinyangwa ta Tempele, va tirha ni mintirho yin'wana eTempeleni. Hi vona lava nga ta tlhava swifuwo swa magandzelo lama hisiwaka ni swa magandzelo yo riha milandzu ya tiko, va va malandza ya vanhu van'wana.

Malakiya 2:4

“Hi ndlela leyi, mi ta tiva leswaku ndzi mi rhumele xileriso lexi ku tiyisa ntwanano wa mina ni va ka Levhi. Ndzi vula sweswo, mina HOSI ya matimba hinkwawo.