Tinhlayo 16:5 - BIBELE Mahungu Lamanene

⁵ kutani a byela Kora ni vanghana va yena hinkwavo, a ku: “Mundzuku nimixo, HOSI Xikwembu xi ta kombisa loyi a nga wa xona ni loyi a hlawulekeke, kutani xi ta n'wi pfumelela ku tshinela a xi tirhela; ndzi ri, yoloyi xi tihlawuleleke yena, hi yena xi nga ta n'wi pfumelela ku tshinela a humesa magandzelo.

Xitsonga (Bibele)

⁵ Kutani a byela Kora ni vandla ra yena, a ku: “Mundzuku Yehovha u ta tivisa loyi a nga wa yena, ni la hlawuriweke ku tshinela ekusuhi na yena; kutani loyi Yehovha a nga ta n'wi hlawula, u ta n'wi tshinetela eka yena.

Tinhlayo 16:5 Referans Kwoze

Pisalema 65:4

Ku katekile munhu loyi u n'wi hlawuleke ku tshama exivaveni xa muti wa wena, loyi u n'wi tshinetaka kusuhi na wena. Na hina hi tsakisiwa hi leswo saseka endlwini ya wena, swi nga leswo hlawuleka swa Tempele ya wena.

Tinhlayo 17:5

Nhonga ya munhu loyi ndzi n'wi hlawuleke yi ta hluka, kutani ndzi ta va ndzi miyetile Vaisraele lava tshamaka va ri karhi va mi dzumadzumela.”

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

Nhlavutelo 1:6

a hi endla tiko, ni ku va vaprista lava tirhelaka Xikwembu Tata wa yena, eka yena Kriste a ku ve ku dzuneka ni matimba, hilaha ku nga heriki! Amen.

Timhaka 22:14

Kutani a ku: ‘Xikwembu xa vatata wa hina xi ku hlawurile leswaku u tiva ku rhandza ka xona, u vona Loyi a lulameke, u twa rito leri humaka enon'wini wa yena;

Timhaka 13:2

Loko va ri karhi va titsona swakudya va gandzela Hosi, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 1:24

Kutani va khongela, va ku: “Hosi, wena la tivaka timbilu ta vanhu hinkwavo, kombisa loyi u n'wi hlawuleke eka lavambirhi lava,

Timhaka 1:2

ku ya fika siku leri a nga tlakuriwa ha rona a ya etilweni, loko a lerisile, hi Moya lowo Kwetsima, vaapostola lava a a va hlawurile.

Yohane 15:16

A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya, mi ya veka mihandzu, ni leswaku mihandzu ya n'wina yi va kona masiku hinkwawo; kutani xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Ezekiele 40:46

kasi kamari leri langutaka en'walungwini rona i ra vaprista lava tirhaka alitarini; exikarhi ka va ka Levhi, i va ka Sadoki ntsena lava fanelaka ku tirhela HOSI Xikwembu alitarini.”

Pisalema 105:26

Kavaloko Xikwembu xi rhuma Muxe nandza wa xona, na Aroni loyi xi n'wi hlawuleke,

1 SAMIELE 2:28

Exikarhi ka tinyimba hinkwato ta Vaisraele, ndzi hlawurile Aroni leswaku a va yena muprista wa mina, la nga ta tlhandlukela alitarini ya mina, a ya hisa mirhi ya risuna a ambarile nceka lowu vuriwaka “efodi”, loko a ri emahlweni ka mina. Naswona, magandzelo hinkwawo lawa Vaisraele va ma hisaka alitarini, ndzi ma tamerisile rixaka ra ka n'wina.

Eksoda 28:1

“Vitana makwenu Aroni, a ta eka wena ni vana va yena, Nadabu, na Abihu na Eliyazara, na Itamara, u hlawula vanhu lava exikarhi ka Vaisraele; va ta va vaprista, va ndzi tirhela.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

Vaefesa 2:13

Kambe sweswi, eka Kriste Yesu, n'wina lava khale a mi ri kule na Xikwembu, mi tshinetiwile kusuhi na xona hi ku fa ka Kriste.

Timhaka 15:7

Kuteloko va yi kanerile nkarhi wo leha, Petro a yima, a ku ka vona: “Vavanuna varikwerhu, ma swi tiva leswaku Xikwembu xi ndzi hlawurile exikarhi ka n'wina loko kereke ya ha ku sungula, leswaku vamatiko va ta twa rito ra Evhangeli hi nomo wa mina, va kondza va pfumela.

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Eksoda 28:43

Swiburukwana leswi swi fanele ku ambariwa hi Aroni ni vana va yena, loko va nghena eka Ntsonga lowo Hlawuleka, kumbe loko va ta kusuhi ni alitari ku ya tirha exivandleni lexo hlawuleka; loko va nga endlisi sweswo, va ta tivangela khombo, va fa. Lowu wu ta va nawu lowu bohaka Aroni ni vatukulu va yena hilaha ku nga heriki.”

Tinhlayo 16:6

Wena Kora ni vanghana va wena hinkwavo, endlani leswi: Lavani swimbitana,

Tinhlayo 17:8

Hi siku leri tlhandlamaka, loko Muxe a ya nghena eka Ntsonga lowu nga ni Areka ya Ntwanano a kuma leswaku nhonga ya Aroni leyi yimelaka va ka Levhi, yi hlukile yi baleka swiluva, yi va ni mihandzu leyi vupfeke ya “alimondi”.

Yeremiya 30:21

Munhu loyi a nga ta va fuma, ú ta va un'wana wa va ka vona, hosi ya vona yi ta huma exikarhi ka vona; ndzi ta yi rhamba, yi tshinela kusuhi na mina, hikuva ehandle ka sweswo, mina HOSI ndzi ri, a ku na munhu loyi a nga ndzi tshinelelaka.

Yeremiya 49:19

“Hakunene ndzi ta hatla ndzi hangalasa va le Edomu, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Yeremiya 50:44

HOSI Xikwembu xi ri: “Hakunene ndzi ta hatla ndzi hangalasa va le Babilona, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Ezekiele 43:19

Mina HOSI N'wini wa hinkwaswo ndzi ri, lava va nga ta ndzi humesela magandzelo alitarini, hi vona vaprista ntsena, vona va ka Sadoki, va nyimba ya ka Levhi. U ta va lavela nkuzi ya gandzelo ro susa swidyoho,

Ezekiele 45:4

Ndhawu leyi yi ta va leyi hlawulekeke ku tlula tindhawu tin'wana etikweni; yi ta averiwa vaprista, va nga vanhu lava tirhelaka HOSI Xikwembu hi ku xi humesela magandzelo eTempeleni; eka yona vaprista va ta kuma vutshamo bya mindyangu ya vona; na xona xivandla lexo hlawuleka xa Tempele xi ta tsemiwa kona.

Eksoda 28:41

U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Pisalema 115:10

N'wina va ka Aroni, tshembani HOSI Xikwembu, hi xona xitlhangu ni mupfuni wa n'wina.