Tinhlayo 15:9 - BIBELE Mahungu Lamanene

⁹ munhu loyi a humesaka gandzelo ra kona, ú ta ri humesa ni xitshatshana xin'we xa mapa lamanene lama pfanganyisiweke ni xinghotsana xin'we xa mafurha.

Xitsonga (Bibele)

⁹ va ta humesa swin'we ni nkunzi ku avanyisa kanharhu ka vukhume bya mapa layo saseka lama pfuviweke hi hafu ya hini ya mafurha;

Tinhlayo 15:9 Referans Kwoze

Tinhlayo 28:14

Eka magandzelo lawa, nkuzi yin'we yi ta humesiwa ni xikhuwana xin'we xa vhinyo, khuna ri ta humesiwa ni jomela rin'we ni hafu; kasi xinyimpfana xin'wana ni xin'wana xi ta humesiwa ni jomela rin'we ra vhinyo. Hi wona magandzelo lama hisiwaka, lama nga ta humesiwa n'hweti yin'wana ni yin'wana lembe ri kondza ri hela.

Tinhlayo 28:12

Nkuzi yin'wana ni yin'wana va ta yi humesa ni xitshatshana xin'we xa mapa lamanene lama pfanganyisiweke ni mafurha, kasi khuna va ta ri humesa ni swintewana swimbirhi swa mapa lamanene, lama pfanganyisiweke ni mafurha.

Levhitika 14:10

“Hi siku ra vu-8, munhu loyi ú ta ta ni swinyimpfana swimbirhi swa makhuna leswi nga solekiki, ni xinyimpfana xa thokazi xa lembe rin'we lexi nga solekiki, ni xitshatshana xin'we xa mapa lamanene, ma nga mapa ya magandzelo ya swa le masin'wini lama pfanganyisiweke ni mafurha; naswona ú ta ta ni xikhudzanyana xin'we xa mafurha man'wana.

Levhitika 6:14

“Hi tlhelo ra magandzelo ya swa le masin'wini, nawu wa kona hi lowu: Vana va Aroni hi vona va nga ta humesela HOSI Xikwembu magandzelo ya swa le masin'wini, emahlweni ka alitari.

Yuwele 2:14

A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Yuwele 1:9

Mapa ya magandzelo ni vhinyo ya wona, a swa ha ri kona endlwini ya HOSI Xikwembu, kutani vaprista, vona malandza ya HOSI, va le ku rileni.

Ezekiele 46:15

Hi ndlela leyi, siku rin'wana ni rin'wana nimixo, ku ta humesiwa xinyimpfana ni mapa ni mafurha, egandzelweni leri hisiwaka ra minkarhi hinkwayo.”

Ezekiele 46:11

Emasikwini ya minkhuvo leyikulu ya lembe rin'wana ni rin'wana, mapa lama nga ta humesiwa egandzelweni swin'we ni xinkuzana ma ta ringana xirhundzu xin'we, na wona lama nga ta humesiwa swin'we ni khuna ma ta va xirhundzu xin'we, ma pfanganyisiwile ni mafurha ya tinghotsa timbirhi; loko swi ri swinyimpfana, swi ta humesiwa swin'we ni mapa lawa munhu a vonaka leswaku ma fanerile, ma cheriwile ni mafurha ya kona.

Ezekiele 46:7

Loko a humesa xinkuzana, ú ta humesa ni mapa yo ringana xirhundzu xin'we, lama pfanganyisiweke ni mafurha yo ringana tinghotsa timbirhi, swi va tano ni loko a humesa khuna; kambe loko a humesa swinyimpfana, mufumi ú ta humesa ni mapa lawa a vonaka leswaku ma fanerile, a chela ni mafurha ya kona.

Ezekiele 46:5

Mapa lawa mufumi wa tiko a nga ta ma humesa egandzelweni swin'we ni khuna, ma ta ringana xirhundzu xin'we, ma pfanganyisiwile ni mafurha yo ringana tinghotsa timbirhi; loko ma ri mapa lama nga ta humesiwa swin'we ni swinyimpfana, mufumi ú ta ma pima, a humesa lawa a vonaka leswaku ma fanerile, a chela ni mafurha ya kona.

Ezekiele 42:13

Kutani mupimi a ku ka mina: “Makamari ya le n'walungwini ni ya le dzongeni, lama langutanaka ni rivala, i makamari layo hlawuleka; ndhawu ya kona yi hlawulekile, hikuva hi kona laha vaprista lava tirhelaka HOSI Xikwembu eTempeleni va dyelaka ni ku hlayisela kona swakudya leswo hlawuleka swa magandzelo, ku fana ni swa le masin'wini leswi humeseriwaka Xikwembu, kumbe nyama ya magandzelo yo susa swidyoho ni ya magandzelo yo riha milandzu.

Nehemiya 10:33

Nhlengo lowu wu ta pfuna ku xava Xinkwa lexo Hlawuleka, ni swa magandzelo ya swa le masin'wini ya siku rin'wana na rin'wana, ni swa magandzelo lama hisiwaka ya siku rin'wana na rin'wana, ni swa siku ra Savata ni swa nkhuvo wa ku tshama ka n'weti, ni swa minkhuvo yin'wana leyi vekiweke, ni swilo swin'wana leswo hlawuleka, ni swa timhamba to susa swidyoho leti endleriwaka ku basisa Vaisraele, naswona wu ta pfuna emintirhweni hinkwayo ya le ndlwini ya Xikwembu xa hina.

1 TIKRONIKA 21:23

Orinani a ku ka Davhida: “We hosi n'wini wanga, xi teke xivuya lexi, u endla leswi u swi tsakelaka. Vona, tihomu to endla ha tona magandzelo lama hisiwaka, hi leti; swileyi swo hula ha swona swi ta endla tihunyi; ndzi humesa ni mapa ya magandzelo ya xinakulobye. Ndzi ku nyika leswi hinkwaswo.”

Tinhlayo 29:6

Magandzelo lama hisiwaka lawa, va ta ma humesa ehandle ka magandzelo ya siku ra ku tshama ka n'weti ni mapa ya wona; naswona ma ta humesiwa ehandle ka magandzelo ya masiku hinkwawo ni mapa ya wona ni vhinyo ya wona, hi ku landza milawu ya wona; kutani ku nun'hwela ka wona ku ta ndzi tsakisa mina HOSI.”

Levhitika 7:37

Leyi hi yona milawu ya magandzelo lama hisiwaka, ni ya magandzelo ya swa le masin'wini, ni ya timhamba to susa swidyoho, ni ya magandzelo yo riha milandzu, ni ya magandzelo ya siku ra ku vekiwa ka vaprista, ni ya magandzelo ya xinakulobye.

Tinhlayo 15:8

Loko mi tlhava nkuzi mi humesa gandzelo leri hisiwaka kumbe leri dyiwaka, leri mi nga tiboha hi ku hlambanya leswaku mi ta ri humesa, kumbe loko mi ndzi humesela gandzelo ra xinakulobye mina HOSI,

Tinhlayo 15:10

Ú ta tlhela a chela ni xikhuwana xin'we xa vhinyo; kutani ku nun'hwela ka gandzelo ra kona ku ta ndzi tsakisa mina HOSI.

1 SAMIELE 1:24

Loko a n'wi lumurile, a tlhandluka a ya eXilo na yena, a ri ni homu ya nkuzi ya malembe manharhu, ni xinkwamana xa mapa, ni khuwana ra vhinyo; a yisa n'wana eTempeleni ya HOSI, hambileswi a a ha ri ntsongo ngopfu.