Tinhlayo 12:2 - BIBELE Mahungu Lamanene

² Kutani va ku: “Xana HOSI Xikwembu xi lo rhuma Muxe ntsena ku vulavula na vanhu ke? Xana hina, a xi hi rhumanga ku vulavula na vona xana?” Kutani mhaka leyi yi fika etindleveni ta HOSI Xikwembu.

Xitsonga (Bibele)

² Va ku: “Xana Yehovha u vulavurile ha Muxe ntsena? Xana a nga vuli nchumu ha hina xana?” Kutani Yehovha a swi yingisa.

Tinhlayo 12:2 Referans Kwoze

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

Vafilipiya 2:14

Endlani swilo hinkwaswo ehandle ka ku n'unun'uta ni ku phikisana,

Vafilipiya 2:3

Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Mikiya 6:4

Ndzi mi humesile etikweni ra Egipta, ndzi mi kutsula evuhlongeni lebyi a mi ri ka byona, kutani ndzi veka Muxe, na Aroni, na Meriyamu ku va varhangeri va n'wina.

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Varhoma 12:10

Tolovelanani, mi rhandzana tanihi vamakwavo, mi tlula van'wana hi ku kombana xichavo.

2 TIHOSI 19:4

Kumbexana HOSI Xikwembu xa wena xi twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Tinhlayo 11:1

Siku rin'wana, Vaisraele va vilela ku tlula mpimo eka HOSI Xikwembu hi mhaka ya ku tikeriwa ka vona. Loko HOSI Xikwembu xi va twa, xi kariha swinene, xi lumeka ndzilo exikarhi ka vona, kutani wu sungula ku khoma tindhawu tin'wana ta le makumu ka mixaxa.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

2 SAMIELE 11:27

Nkosi wa kona wu lo na hela, Davhida a rhuma vanhu ku ya hlomisa Batixeba, a ta va nsati wa yena; kutani Batixeba a velekela Davhida n'wana wa mufana. Mhaka leyi Davhida a yi endleke, a yi bihile emahlweni ka HOSI Xikwembu.

Tinhlayo 11:29

Kambe Muxe a n'wi hlamula, a ku: “Xana u lava ku ndzi sirhela hi ku vondzoka ka wena ke? A swi ta saseka loko HOSI Xikwembu xi nga xikisela Vaisraele hinkwavo Moya wa xona, xi va endla vaprofeta!”

Varhoma 12:3

Hikuva, hikwalaho ka tintswalo leti ndzi nga nyikiwa tona, ndzi byela un'wana ni un'wana wa n'wina, ndzi ku: Mi nga tshuki mi ehleketa leswaku mi tlula van'wana hi vukulu; kambe mi fanele ku titsongahata, mi ya hi mpimo wa ku pfumela lowu Xikwembu xi aveleke un'wana ni un'wana wa n'wina.

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Eksoda 7:10

Kutani Muxe na Aroni va ya eka Faro, va endla hilaha HOSI Xikwembu xi va leriseke hakona: Aroni a hoxa nhonga ya yena emahlweni ka Faro ni malandza ya yena, kutani nhonga yi hundzuka nyoka.

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Genesa 29:33

Leya a engeta a tika, a veleka n'wana wa mufana, kutani a ku: “HOSI Xikwembu xi swi twile leswaku ndza vengiwa, kutani xi tlhela xi ndzi nyika n'wana un'wana wa mufana!”, kutani a n'wi thya vito ra Simiyoni (hileswaku: “Ku twa”).

Eksoda 4:30

Kutani Aroni a tivisa vanhu hinkwaswo leswi HOSI Xikwembu xi leriseke Muxe swona, a endla ni swikombiso emahlweni ka vona.

Tinhlayo 12:3

Muxe a a ri wanuna wo titsongahata, ku tlula vanhu hinkwavo emisaveni.

Eksoda 4:14

Kavaloko HOSI Xikwembu xi karihela Muxe, xi ku: “Xana makwenu Aroni lowa Mulevhi a nga kona xana? Ndza swi tiva leswaku yena ú nyikiwile hi tlhelo ra ku vulavula. Tiva leswaku Aroni ú le ndleleni ku ta hlangana na wena; kutani loko a ku vona, ú ta tsaka swinene.