Tinhlayo 11:2 - BIBELE Mahungu Lamanene

² Vaisraele va ba nkalanga va huwelela Muxe, kutani Muxe a khongela HOSI Xikwembu, ndzilo wu timeka.

Xitsonga (Bibele)

² Kavaloko tiko ri huwelela eka Muxe; Muxe a khongela Yehovha, kutani ndzilo wu timeka,

Tinhlayo 11:2 Referans Kwoze

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

1 Yohane 5:16

Loko munhu a vona makwavo a ri karhi a endla xidyoho lexi nga yisiki eku feni, ú fanele ku khongela, kutani Xikwembu xi ta hanyisa makwavo loyi. Ndzi vulavula hi vanhu lava swidyoho swa vona swi nga yisiki eku feni. Kambe ku ni swidyoho leswi yisaka eku feni, kutani swona sweswo swi nge susiwi, hambi munhu a khongela.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo ni xin'we xa leswi mi swi vuleke.”

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Yeremiya 37:3

Hosi Sedekiyasi a rhuma Yehukali n'wana Xelemiya, na Sofoniya n'wana Maaseya, va ya eka muprofeta Yeremiya va fika va ku: “Hi khongelele eka HOSI Xikwembu xa hina!”

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!

Esaya 37:4

Kumbexana HOSI Xikwembu xa wena xi ma twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

Pisalema 106:23

Hikokwalaho, Xikwembu xi bohile ku va herisa, kambe Muxe muhlawuriwa wa xona a yima exikarhi ka xona na Vaisraele, a va lamulela evukarini bya xona lebyo chavisa.

Eksoda 34:9

a ku: “HOSI, loko hakunene u ndzi tsakela, ndzi kombela leswaku u famba exikarhi ka hina, we HOSI! Hambileswi vanhu lava va tinonon'hwisaka, hi rivalele nandzu wa hina ni xidyoho xa hina, u hi endla vanhu va wena va xiviri.”

Tinhlayo 12:11

Kutani Aroni a ku ka Muxe: “We n'wini wanga, u nga hi bi hi ndlela leyi, hambileswi hi endleke vuphukuphuku hi ku dyohela.

Tinhlayo 12:13

Kutani Muxe a huwelela eka HOSI Xikwembu, a ku: “We Xikwembu, ndza ku kombela, n'wi horise!”

Eksoda 10:18

Kutani Muxe a huma eka Faro, a ya khongela HOSI Xikwembu.