Tinhlayo 11:10 - BIBELE Mahungu Lamanene

¹⁰ Kutani Muxe a twa Vaisraele va ri karhi va rila emindyangwini ya vona, un'wana ni un'wana a ri enyangweni ya nxaxa wa yena. HOSI Xikwembu a xi karihile swinene, kutani Muxe a vaviseka ngopfu,

Xitsonga (Bibele)

¹⁰ Muxe a yingisa tiko loko ri rila emindyangwini hinkwayo, un'wana ni un'wana a ri enyangweni ya ntsonga wa yena. Kutani Yehovha a kariha ngopfu; kambe Muxe a twa ku vaviseka.

Tinhlayo 11:10 Referans Kwoze

Pisalema 78:21

Loko HOSI Xikwembu xi twa marito lawa, xi hlundzukerile va ka Yakobo, vona Vaisraele, xi va karihela kukota ndzilo lowu pfurhaka,

Marka 10:14

Loko Yesu a swi vona, a vilela ngopfu, a ku ka vona: “Tshikani vana va ta ka mina, mi nga tshuki mi va sivela, hikuva Mfumo wa Xikwembu i wa lava fanaka na vona.

Marka 3:5

Yesu a va rhalarhala hi mahlo a hlundzukile, a vavisekile hi ku nonon'hwa ka timbilu ta vona, kutani a ku ka munhu loyi: “Tshambuluta voko ra wena.” A ri tshambuluta, kutani voko ra yena ri tlhela ri ololoka.

Yeremiya 17:4

Ndzhaka ya n'wina yi ta susiwa emavokweni ya n'wina, ri nga tiko leri a ndzi mi nyikile rona. Ndzi ta mi hundzula mahlonga ya valala va n'wina, mi yisiwa etikweni leri mi nga ri tiviki, hikuva mi tivangele ndzilo wa vukari bya mina; wu ta pfurha wu nga timeki.”

Esaya 5:25

Vukari bya HOSI Xikwembu bya pfurha ehenhla ka vanhu va xona; xi tlakusile voko ra xona, xi ta va ba xi va dlaya; tintshava ti ta ninginika, mintsumbu ya vona yi ta ku, n'wálálálá, emagondzweni. Hambiswiritano vukari bya xona a byi nga tlheli, xa ha ta tlakusa voko ra xona, xi va ba.

Pisalema 139:21

Lava va ku vengaka, na mina ndzi va venga ngopfu, vanhu lava lwaka na wena, va ndzi vavisa mbilu.

Pisalema 106:25

va n'unun'uta va ha ri emixaxeni ya vona, va ala ku yingisa rito ra HOSI Xikwembu;

Pisalema 78:59

Xikwembu xi vonile timhaka leti, kutani xi hlundzukela Vaisraele, xi va tshikela makumu.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Tinhlayo 21:5

Kutani va vulavula va sandza HOSI Xikwembu na Muxe, va ku: “Xana mi hi humesele yini etikweni ra Egipta leswaku hi ta fela laha mananga, laha ku nga hava swakudya, hambi ma ri mati manene xana? Hi karhele hi swakudyanyana leswi swo nyenyetsa!”

Tinhlayo 16:27

Hiloko ntshungu wu suka kusuhi ni laha Kora na Datani na Abirama va tshamaka kona; kutani Datani na Abirama va huma ni vasati va vona ni vana va vona hinkwavo, va yima etinyangweni ta mintsonga ya vona.

Tinhlayo 12:3

Muxe a a ri wanuna wo titsongahata, ku tlula vanhu hinkwavo emisaveni.

Tinhlayo 11:1

Siku rin'wana, Vaisraele va vilela ku tlula mpimo eka HOSI Xikwembu hi mhaka ya ku tikeriwa ka vona. Loko HOSI Xikwembu xi va twa, xi kariha swinene, xi lumeka ndzilo exikarhi ka vona, kutani wu sungula ku khoma tindhawu tin'wana ta le makumu ka mixaxa.

Tinhlayo 11:9

Mberha leyi a yi wa emixaxeni nivusiku, a yi wa ni manna.

Tinhlayo 11:11

a ku ka xona: “Hikwalaho ka yini u ndzi vangele maxangu, mina nandza wa wena, xana? Xana ndzi ku khunguvanyisile hi yini ku kala u ndzi rhwexa ndzhwalo wa vanhu lava hinkwavo xana?

Tinhlayo 12:9

HOSI Xikwembu a xi va hlundzukerile swinene. Loko xi suka xi famba,