Tinhlayo 11:1 - BIBELE Mahungu Lamanene

¹ Siku rin'wana, Vaisraele va vilela ku tlula mpimo eka HOSI Xikwembu hi mhaka ya ku tikeriwa ka vona. Loko HOSI Xikwembu xi va twa, xi kariha swinene, xi lumeka ndzilo exikarhi ka vona, kutani wu sungula ku khoma tindhawu tin'wana ta le makumu ka mixaxa.

Xitsonga (Bibele)

¹ Tiko ri sungula ku n'unun'uta etindleveni ta Yehovha. Kuteloko Yehovha a swi twa, ku kariha ka Yehovha ku pfurha, kutani ndzilo wa Yehovha wu pfurha exikarhi ka vona, wu heta vanhu emakun'wini ya mixaxa.

Tinhlayo 11:1 Referans Kwoze

Tinhlayo 21:5

Kutani va vulavula va sandza HOSI Xikwembu na Muxe, va ku: “Xana mi hi humesele yini etikweni ra Egipta leswaku hi ta fela laha mananga, laha ku nga hava swakudya, hambi ma ri mati manene xana? Hi karhele hi swakudyanyana leswi swo nyenyetsa!”

2 TIHOSI 1:12

Kambe Eliya a va hlamula, a ku: “Loko hakunene ndzi ri munhu wa Xikwembu, ndzilo a wu xike hi le tilweni, wu ku herisa, wena ni tinhenha ta wena ta 50.” Kavaloko ndzilo wa Xikwembu wu xika hi le tilweni, wu herisa ndhuna ni tinhenha ta yona.

Tinhlayo 16:35

Kutani HOSI Xikwembu xi xikisa ndzilo wa xona wu hisa lava 250 lava humeseke mirhi ya risuna, va fa.

Duteronoma 9:22

“HOSI Xikwembu mi xi hlundzukisile ni loko mi ri eTabera ni le Masa ni le Kibroti-Hatavha.

Levhitika 10:2

Hiloko ku ta ndzilo lowu humaka eka HOSI Xikwembu, wu fika wu va hisa, va fela kwalaho mahlweni ka HOSI Xikwembu.

Eksoda 16:9

Kutani Muxe a byela Aroni a ku: “Tivisa ntshungu hinkwawo wa Vaisraele leswaku wu tshinela emahlweni ka HOSI Xikwembu, hikuva ku dzumadzuma ka vona xi ku twile.”

Yuda 1:16

Lava i vanhu vo tshamela ku ngurangureka ni ku vilela, lava susumetiwaka hi ku navela ka vona loko biha, vanhu va manyunyu lava tikurisaka, lava xisaka van'wana hi ku va bumabumela, kasi va lava ku vuyeriwa.

1 Vakorinto 10:10

Mi nga ngurangureni ku fana ni leswi van'wana va vona va endliseke swona; kutani va herisiwile hi Ntsumi leyi dlayaka.

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Pisalema 106:18

naswona ku humelela ndzilo exikarhi ka vanghana va vona, wu herisa vanhu lava vo homboloka.

Pisalema 78:21

Loko HOSI Xikwembu xi twa marito lawa, xi hlundzukerile va ka Yakobo, vona Vaisraele, xi va karihela kukota ndzilo lowu pfurhaka,

Ntirho 1:16

Loko nandza loyi a ha vulavula, ku humelela un'wana, a ku: “Tilo ri bile tinyimpfu ni varisi va tona, ri herisa hinkwaswo; ku lo pona mina ntsena ndzi ku tivisaka timhaka leti.”

2 SAMIELE 11:27

Nkosi wa kona wu lo na hela, Davhida a rhuma vanhu ku ya hlomisa Batixeba, a ta va nsati wa yena; kutani Batixeba a velekela Davhida n'wana wa mufana. Mhaka leyi Davhida a yi endleke, a yi bihile emahlweni ka HOSI Xikwembu.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Eksoda 16:7

Kutani mundzuku nimpundzu, mi ta vona ku vonakala ka HOSI Xikwembu, hikuva xi twile loko mi xi dzumadzumela. Xana hina hi vamani, leswi mi hi dzumadzumelaka, xana?”

Esaya 33:14

Vadyohi lava nga kona emutini wa Siyoni va tela hi rhumbu, lava nga vuliki nchumu hi Xikwembu va rhurhumela hi ku chava, va vutisana va ku: “Exikarhi ka hina, xana ú kona loyi a nga tshamaka ni ndzilo lowu hisisaka leswi, xana? Xana ú kona loyi a nga tiyiselaka malangavi yo ka ya nga timeki, xana?”

Tinhlayo 10:33

Ku suka entshaveni ya HOSI Xikwembu, Vaisraele va famba riendzo ra masiku manharhu, Areka ya Ntwanano yi rhangile emahlweni ka vona eriendzweni leri ra masiku manharhu, yi va lavela laha va nga ta fika va wisa kona.

Genesa 38:10

Mhaka leyi Onani a a yi endla, HOSI Xikwembu a xi nga yi tsakeli, hiloko na yena xi n'wi susa emisaveni.

Yakobo 5:4

Vonani, hakelo ya vatirhi lava tshoveleke masimu ya n'wina, leyi mi nga va dyelela hi vuxisi, ya huwelela; naswona swirilo swa vatshoveri swi fikile etindleveni ta Hosi ya matimba hinkwawo.

Vaheveru 12:29

Hikuva Xikwembu xa hina i ndzilo lowu herisaka.

Nahume 1:5

Tintshava ta ninginika, loko HOSI yi humelela, switsunga swa mbundzumuka; misava ya tsekatseka emahlweni ka yona, matiko ni vaaki va wona hinkwavo va rhurhumela.

Swirilo 3:39

Xana munhu ú vilelela yini loko a beriwa swidyoho swa yena, kambe a nga tekeriwanga vutomi xana?

Duteronoma 25:18

Vanhu lava a va chavanga na Xikwembu. Loko mi karhele swinene, mi hele ni matimba, va tile hi le ndzhaku ka n'wina, va herisa hinkwavo lava a va nga ha koti nchumu.

Tinhlayo 11:18

Vaisraele vona u ta va byela u ku: ‘Tibasiseleni siku ra mundzuku, leswaku mi ta dya nyama. HOSI yi mi twile loko mi rilela nyama, mi ku mi ta nyikiwa hi mani, ni loko mi ku, a mi tiphina etikweni ra Egipta; hikokwalaho, HOSI yi ta mi nyika nyama ya kona, mi dya;

Tinhlayo 14:2

Ntshungu hinkwawo wa Vaisraele wu dzumadzumela Muxe na Aroni, wu ku ka vona: “A swi ta antswa loko a hi lo fela etikweni ra Egipta, kumbe hi fela kwala mananga.

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Tinhlayo 14:27

“Xana ntshungu lowu wa vabihi wu ta ndzi dzumadzumela ku ya fika rini xana? Ndzi va twile Vaisraele lava loko va ri karhi va ndzi dzumadzumela.

Tinhlayo 14:28

Wena Muxe, byela vanhu lava leswaku mina HOSI ndzi vula ndzi tiyisile, ndzi ri: ‘Ndzi swi twile leswi mi swi vuleke, ndzi ta swi endla!

Tinhlayo 16:11

Aroni loyi mi n'wi dzumadzumelaka, xana ma n'wi tiva leswaku i mani xana? Loko wena ni vanghana va wena mi hlengeletana, a mi lwi na yena, kambe mi lwa na HOSI Xikwembu!”

Tinhlayo 17:5

Nhonga ya munhu loyi ndzi n'wi hlawuleke yi ta hluka, kutani ndzi ta va ndzi miyetile Vaisraele lava tshamaka va ri karhi va mi dzumadzumela.”

Pisalema 78:63

Majaha ma dlawe hi ndzilo, vanhwana a va ha twanga tinsimu ta minkhuvo ya vukati.

Esaya 10:17

Loyi a nga ku vonakala ka Vaisraele ú ta hundzuka ndzilo, Muhlawuleki wa vona ú ta va langavi leri nga ta hisa mitwa ni swigatlu swa Vaasiriya, swi hela hi siku rin'we.

Ezekiele 20:36

Ndzi ta komba nandzu wa n'wina kukota leswi ndzi kombeke nandzu wa vatata wa n'wina le mananga ya tiko ra Egipta. Ndzi vula sweswo mina HOSI N'wini wa hinkwaswo.

Habakuku 3:5

Ntungu wu n'wi rhangela emahlweni, dari ri n'wi landza hi le ndzhaku.

Tinhlayo 12:2

Kutani va ku: “Xana HOSI Xikwembu xi lo rhuma Muxe ntsena ku vulavula na vanhu ke? Xana hina, a xi hi rhumanga ku vulavula na vona xana?” Kutani mhaka leyi yi fika etindleveni ta HOSI Xikwembu.