Tinhlayo 10:9 - BIBELE Mahungu Lamanene

⁹ Loko mi tshuka mi hloma matlhari ku ya lwa ni valala va n'wina lava va mi pfukaka etikweni ra n'wina, mi fanele ku mbvungunyisa timhalamhala, leswaku mina HOSI Xikwembu xa n'wina ndzi ta mi anakanya, ndzi mi lamulela emavokweni ya valala va n'wina.

Xitsonga (Bibele)

⁹ “Kutakuloko mi huma nyimpi etikweni ra n'wina ku ya lwa ni valala va n'wina, loko va mi pfuka mi ta yimba tinanga hi matimba kutani mi ta tsundzuxiwa emahlweni ka Yehovha, Xikwembu xa n'wina mi va mi ponisiwa emavokweni ya valala va n'wina.

Tinhlayo 10:9 Referans Kwoze

1 SAMIELE 10:18

Kutani a ku ka vona: “HOSI Xikwembu xa Israele xi vurisa sweswo xi ri: ‘Hi mina la humeseke Israele etikweni ra Egipta. Ndzi mi kutsurile emavokweni ya Vaegipta ni ka mimfumo hinkwayo leyi a yi mi xanisa.’ ”

Vaavanyisi 2:18

Minkarhi hinkwayo loko HOSI Xikwembu xi nyika Vaisraele vaavanyisi, a xi yima ni vaavanyisi lava xi va tirhisa ku ponisa Vaisraele emavokweni ya valala va vona, hikuva a xi twela Vaisraele vusiwana eku konyeni ka vona, loko va xanisiwa ni ku tshikeleriwa hi valala va vona.

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Pisalema 106:42

Vaisraele va xanisiwile ngopfu hi valala va vona, va hundzuka mahlonga ya vona.

Pisalema 106:4

We HOSI, ndzi anakanye loko u ri karhi u pfuna vanhu va wena, loko u va kutsula, u nga ndzi siyi ehandle,

2 TIKRONIKA 13:14

Loko va languta, va vona mavuthu ya valala ma ri karhi ma ta ma huma ematlhelweni hinkwawo, emahlweni ni le ndzhaku. Kavaloko va ka Yuda va huwelela eka HOSI Xikwembu, vaprista va ba timhalamhala.

Vaavanyisi 10:12

Hambi va ri Vasidoni, ni Vaamaleke, ni Vamawoni : Loko va mi xanisa, mi huwelerile eka mina, kutani ndzi mi kutsula emavokweni ya vona.

Vaavanyisi 10:8

lava va hluleke Vaisraele lembe rero, va sungula ku va xanisa. Vaisraele hinkwavo lava a va tshama entsungeni wa nambu wa Yordani, etikweni ra Vaamori leri nga eGiliyadi, va xanisiwile ku ringana malembe ya 18.

Yoxuwa 6:5

Loko mi twa va ba mhalamhala nkarhi wo leha, vanhu hinkwavo va fanele ku huwelela swinene, kutani rirhangu ra muti ri ta wela hansi, masocha ma nghena emutini, un'wana ni un'wana a kongoma laha a langutaneke na kona.”

Tinhlayo 31:6

Kutani Muxe a va rhuma va ya enyimpini, va famba swin'we na Finiyasi n'wana muprista Eliyazara, loyi a a ta ya hlayisa swibya leswi humaka exivandleni lexo hlawuleka ni timhalamhala leti ti nga ta biwa enyimpini.

1 Vakorinto 14:8

Ni loko mhalamhala yi nga pfumi swinene, i mani la nga ta hloma matlhari ya nyimpi xana?

Amosi 3:6

Xana loko ku biwa nyandayeyo emutini, vanhu va nga tshika ku tsemeka nhlana xana? Khombo rona, xana ri nga wela muti, loko ri nga rhumeriwanga hi HOSI ke?

Yeremiya 6:17

Ndzi vekile varindzi etikweni ndzi ku ka vona: ‘Mi yingisela mpfumawulo wa mhalamhala!’ kambe vona va hlamula va ku: ‘A hi nga tikarhateli swona.’

Yeremiya 4:21

Xana ndzi ta hlalela mijeko ya valala ku fikela rini, ndzi ta twa mhalamhala ya nyimpi ku ya fika rini xana?

Yeremiya 4:19

Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Yeremiya 4:5

Banani mhalamhala hinkwako etikweni, huwelelani hi rito leri tlakukeke mi byela vanhu va Yuda ni va le Yerusalema leswaku va hatla va hlengeletana, va ya tumbela emitini ya makhokholo.

Esaya 58:1

HOSI Xikwembu xi ri: “Huwelela swinene, u tlakusa rito, ri tlakuse kukota loko va ba mhalamhala; tivisa vanhu va mina leswaku va ni nandzu, byela va ka Yakobo leswaku va dyohile.

Esaya 18:3

N'wina hinkwenu mi akeke emisaveni, n'wina mi tshamaka ematikweni, langutani mujeko lowu yimisiweke etintshaveni, rhiyani ndleve mi twa ku ba ka mhalamhala,

Pisalema 136:23

Hi yena la hi voneke loko hi xaniseka, — Rirhandzu ra yena hi leri nga heriki —

Vaavanyisi 6:34

Moya wa HOSI Xikwembu wu nghena eka Gidiyoni, kutani a ba mhalamhala, a vitana va ka Abiezere leswaku va n'wi landza.

Vaavanyisi 6:9

ndzi mi kutsurile emavokweni ya Vaegipta ni ya hinkwavo lava a va mi xanisa, ndzi va hlongola va suka emahlweni ka n'wina, kutani ndzi mi nyika tiko ra vona;

Vaavanyisi 3:27

emagangeni ya Efrayimi. Kutani a ba mhalamhala, Vaisraele va rhelela va suka emagangeni va n'wi landzelela, yena a va rhangele emahlweni.

Sofoniya 1:16

Esikwini rero, ku ta twala mhalamhala, masocha ma ta vitanana, ma hlasela makhokholo layo tiya ni swihondzo leswo leha.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Ezekiele 7:14

Mhalamhala yi biwile, mavuthu hinkwawo ma hlomile matlhari, kambe a ku humi munhu a ya enyimpini, hikuva vukari bya mina HOSI byi le henhla ka mintshungu ya Vaisraele.”

Yeremiya 6:1

N'wina va ka Benjamini, humani emutini wa Yerusalema, tsutsumani mi ya tumbela. Banani mhalamhala mi ri eTekowa, tshivelani ndzilo wa xitsundzuxo le Beta-Hakereme, hikuva valala va ta hi le n'walungwini, va tela ku ta onhetela hinkwaswo.

Levhitika 23:24

ku ya tivisa Vaisraele marito ya xona lama nge: “Hi siku ro sungula ra n'hweti ya vu-7, mi fanele ku ba timhalamhala, mi vitanana, mi hlengeletana mi ndzi gandzela; leri i siku ro wisa lero hlawuleka, leri mi faneleke ku ndzi tsundzuka ha rona;

2 TIKRONIKA 13:12

Swi tiveni ke, Xikwembu xi na hina, hi xona xi hi fambisaka. Vaprista va xona va ta ba timhalamhala, va hi vitana enyimpini leswaku hi ta lwa na n'wina. N'wina Vaisraele, mi nga ringeti ku lwa ni HOSI, Xikwembu xa vatata wa n'wina, hikuva mi nga ka mi nga poni.”

Yeremiya 49:2

Hikokwalaho mina HOSI ndzi ri, ku nga ri khale ndzi ta vanga huwa ya tinyimpi, ndzi lwa ni muti wa Rhaba ntsindza wa Vaamoni; muti lowu wu ta hundzuka rhumbi, swimitana swa wona swi ta tshwa swi hela, kutani Vaisraele va ta tlhela va kuma swa vona leswi Vaamoni va nga va tekela swona, ku vula mina HOSI.

Duteronoma 20:1

“Loko mi huma nyimpi mi ya lwa ni valala va n'wina, mi nga tshuki mi chava loko mi vona tihanci ta vona ni makalichi ya nyimpi; hambiloko vuthu ra vona ri kurile ku tlula ra n'wina, mi nga va chavi hikuva HOSI Xikwembu xa n'wina, xona lexi xi mi humeseke etikweni ra Egipta, xi ta va na n'wina.