Tinhlayo 10:12 - BIBELE Mahungu Lamanene

¹² Kutani na vona Vaisraele va suka emananga ya Sinayi, va famba mimpfhuka leyi va pimeriweke ku famba yona hi siku. Papa ri yile ri ya yima emananga ya Parani.

Xitsonga (Bibele)

¹² Kutani vana va Israele va suka emananga ya Sinayi, va famba hi mimpfhuka ya vona kutani papa ri ya yima emananga ya Parani.

Tinhlayo 10:12 Referans Kwoze

Tinhlayo 12:16

Endzhaku ka sweswo, Vaisraele va suka eHaseroti, va ya gova emananga ya Parani.

Genesa 21:21

A a tshama emananga ya Parani; kutani mana wa yena a ya n'wi tekela nsati etikweni ra Egipta.

Duteronoma 1:1

Lawa i marito lawa Muxe a nga byela Vaisraele hinkwavo loko va ri emananga evuxeni bya nambu wa Yordani. Vaisraele a va ri eka Nkova wa Yordani ku langutana na Sufu, exikarhi ka muti wa Parani ni miti ya Tofele, na Labani, na Haseroti, na Dizahaba.

Tinhlayo 13:26

va tlhelela le Kadexe emananga ya Parani, laha Muxe na Aroni a va ri kona ni ntshungu hinkwawo wa Vaisraele; va vuya ni mahungu, va ma rungulela Muxe na Aroni ni ntshungu hinkwawo, va va komba ni mihandzu ya tiko ra kona.

Tinhlayo 13:3

Kutani Muxe a va rhuma, hilaha HOSI Xikwembu xi leriseke hakona; hinkwavo a va ri varhangeri exikarhi ka Vaisraele.

Tinhlayo 9:5

Kutani Vaisraele va endla nkhuvo wa Paseka emananga ya Sinayi hi siku ra vu-14 ra n'hweti yo sungula, hi minkarhi ya madyambu, va tirha hinkwaswo leswi HOSI Xikwembu xi leriseke Muxe, va nga siyi nchumu.

Tinhlayo 1:1

Hi lembe ra vumbirhi ra loko Vaisraele va humile etikweni ra Egipta, hi siku ro sungula ra n'hweti ya vumbirhi, HOSI Xikwembu xi vulavula na Muxe eka Ntsonga lowo Hlawuleka, emananga ya Sinayi, xi ku:

Habakuku 3:3

Xikwembu xi ta tlhela xi ta hi le Temani, Muhlawuleki ú ta rhelela hi le ntshaveni ya Parani. Vukulukumba bya yena byi funengeta matilo, ku dzuneka ka yena ku tata misava.

1 SAMIELE 25:1

Samiele a lova, kutani Vaisraele hinkwavo va hlengeletana enkosini wa yena, va n'wi lahla emutini wa yena eRhama. Endzhaku ka sweswo, Davhida a suka a rhelela a ya emananga ya Parani.

Duteronoma 33:2

a ku: “HOSI Xikwembu xi tile xi huma entshaveni ya Sinayi, xi hi voningile xi ri eSeyira, xi vangama xi ri entshaveni ya Parani, xi tile ni madzana-dzana ya vahlawuriwa va xona, evokweni ra xinene xi khomile ndzilo lowu vuvumelaka.

Duteronoma 1:19

“Loko hi suka entshaveni ya Horebe, hi tsemakanyile mananga lamakulu layo chavisa hinkwawo lawa mi ma voneke, hi kongoma emagangeni ya Vaamori hilaha HOSI Xikwembu xa hina xi hi leriseke hakona, hi kondza hi ya fika emutini wa Kadexe-Bariniya.

Tinhlayo 9:1

Eka lembe ra vumbirhi loko Vaisraele va humile etikweni ra Egipta, hi n'hweti yo sungula, HOSI Xikwembu xi vulavula na Muxe emananga ya Sinayi, xi ku:

Eksoda 13:20

Kutani Vaisraele va suka eSukoti, va famba va ko va ya gova le Etamu, laha mananga ma sungulaka kona.

Genesa 14:6

va hlula ni Vahori lava tshamaka entshaveni ya vona ya Seyira, ku kondza va ya fika le Eliparani, laha mananga ma sungulaka kona.

Tinhlayo 9:17

Nkarhi hinkwawo loko papa ri suka ehenhla ka Ntsonga, Vaisraele a va suka na vona, kutani laha papa ri fikaka ri yima kona, a va gova kona.

Tinhlayo 10:33

Ku suka entshaveni ya HOSI Xikwembu, Vaisraele va famba riendzo ra masiku manharhu, Areka ya Ntwanano yi rhangile emahlweni ka vona eriendzweni leri ra masiku manharhu, yi va lavela laha va nga ta fika va wisa kona.

1 TIHOSI 11:18

Va suka eMidiyani, va hundza hi le Parani, laha va kumeke vavanuna va nga ri vangani, va suka na vona eParani, va ya le Egipta, eka Faro hosi ya kona. Kutani Faro a nyika Hadada eyindlu, a n'wi tshembisa swakudya, a n'wi avela ni masimu.

Tinhlayo 2:34

Kutani Vaisraele va endla hinkwaswo hilaha HOSI Xikwembu xi leriseke Muxe hakona; va gova hi mavandla ya vona, ni loko va suka, un'wana ni un'wana a famba ni va nyimba ya ka vona, hi ku ya hi mindyangu ya vona.

Duteronoma 1:7

hikokwalaho, sukani mi ya mahlweni ni riendzo ra n'wina, mi ya emagangeni ya Vaamori ni le tindhawini leti nga kusuhi na vona, ku nga eka Nkova wa Yordani, ni le magangeni, ni le timbaleni, ni le dzongeni, ni le ribuweni ra lwandle etikweni ra Vakanana, mi ya fika ni le tintshaveni ta Lebanoni, ni le nambyeni lowukulu wa Yufrata.