Tinhlayo 10:10 - BIBELE Mahungu Lamanene

¹⁰ Timhalamhala leti, mi ta ti ba ni le masikwini lawa mi tsakeke, ni le minkhubyeni ya n'wina ya lembe, ni le ku sunguleni ka tin'hweti, mi ti ba mi ri karhi mi humesa magandzelo lama hisiwaka ni magandzelo ya xinakulobye; timhalamhala leti hi tona leti nga ta endla leswaku mina Xikwembu ndzi mi anakanya. Hi mina HOSI Xikwembu xa n'wina.”

Xitsonga (Bibele)

¹⁰ Emasikwini ya ku tsaka ka n'wina, ni le mikhubyeni ya n'wina, ni le ku sunguleni ka tin'hweti, mi ta yimba tinanga mi ri karhi mi humesa tiholokosta, ni magandzelo ya n'wina ya ku khensa, swi ta va xitsundzuxo emahlweni ka Xikwembu xa n'wina. Hi mina Yehovha, Xikwembu xa n'wina.”

Tinhlayo 10:10 Referans Kwoze

Pisalema 81:3

Banani mhalamhala loko n'weti wu tshama, ni loko wu ba mahlampfu esikwini ra nkhuvo wa hina.

1 Vatesalonika 4:16

hikuva Hosi hi xiviri xa yona yi ta xika hi le tilweni, hi mpfumawulo wa rito ra ku lerisa, hi ku huwelela ka ndhuna ya tintsumi, ni ku ba ka mhalamhala ya Xikwembu, kutani lava feleke ka Kriste, va ta rhanga va pfuka eku feni;

Nehemiya 12:35

ni van'wana vaprista lava a va ri ni timhalamhala, a nga Zakariya, n'wana Yonatani wa Xemaya, wa Mataniya, wa Mikaya, wa Zakuru, wa Asafu,

Ezra 3:10

Kuteloko vaaki va cela masungulo ya Tempele ya HOSI Xikwembu, vaprista va ta va ambele swa vuprista, va khomile ni timhalamhala; Valevhi, va nga va ka Asafa, va ta va khomile swiphambati swa nsimbhi, hinkwavo va dzunisa HOSI Xikwembu, hilaha Davhida hosi ya Israele a leriseke hakona;

2 TIKRONIKA 29:28

Loko tinsimu ti ri karhi ti yimbeleriwa ni loko tinanga ti chayiwa, nhlengeletano hinkwayo yi korhamela hansi, ntirho wa magandzelo lama hisiwaka wu kondza wu hela.

2 TIKRONIKA 29:26

swi nga swichaya-chayani leswi a swi ri na Davhida; vaprista na vona va byeriwa ku yima va tamele tinanga.

Tinhlayo 10:9

Loko mi tshuka mi hloma matlhari ku ya lwa ni valala va n'wina lava va mi pfukaka etikweni ra n'wina, mi fanele ku mbvungunyisa timhalamhala, leswaku mina HOSI Xikwembu xa n'wina ndzi ta mi anakanya, ndzi mi lamulela emavokweni ya valala va n'wina.

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Pisalema 89:15

We HOSI, ku katekile tiko ra vanhu lava tivaka ku ku bela nkulungwana, va nga lava amukelekaka eka wena, lava hanyaka eku vonakaleni.

2 TIKRONIKA 7:6

Vaprista va sungula ku tirha mintirho ya vona; na vona Valevhi va sungula ku dzunisa HOSI Xikwembu hi swichaya-chayani leswi endliweke hi hosi Davhida, va tlangela HOSI Xikwembu ha swona, va ri karhi va ku: “Rirhandzu ra xona hi leri nga heriki!” Risimu leri, a va lerisiwile rona hi Davhida. Kutani vaprista va yima va langutana ni Valevhi, va ri karhi va chaya tinanga, Vaisraele lavan'wana hinkwavo va yimile kunene.

1 TIKRONIKA 16:42

Ntirho wa Hemani na Yedutuni a wu ri wa ku hlayisa swichaya-chayani swo kota timhalamhala ni swiphambati, leswi a swi tirhisiwa loko ku yimbeleriwa tinsimu to dzunisa Xikwembu. Naswona va ka Yedutuni a va ri varindzi va tinyangwa.

1 TIKRONIKA 15:28

Kutani Vaisraele hinkwavo va heleketa Areka ya Ntwanano va ri karhi va yimbelela, va ba timhalamhala ni tinanga, va bananisa swiphambati swa nsimbhi, va chaya tiharipa ni switende.

1 TIKRONIKA 15:24

Lava a va ba tinanga emahlweni ka Areka ya Xikwembu a va ri vaprista lava: Xebaniya, na Yoxafati, na Netanele, na Amasayi, na Zakariya, na Benaya, na Eliezere; Obede-Edomu na Yehiya vona a va rindza laha Areka yi vekiweke kona.

Yoxuwa 4:7

mi ta va byela leswaku mati ya nambu wa Yordani ma avanile emahlweni ka Areka ya HOSI Xikwembu, loko Areka yi pela nambu wa Yordani; mati ya nambu lowu ma tsemekile ma nga ha khuluki. Kutani maribye lawa, ma ta va xitsundzuxo eka Vaisraele hilaha ku nga heriki.”

Tinhlayo 29:1

“Hi siku ro sungula ra n'hweti ya vu-7, Vaisraele va fanele ku hlengeletana va gandzela mina HOSI; va nga tshuki va tirha ntirho ni wun'we lowu tikaka. Siku rero ri ta va siku ra vona ro ba timhalamhala.

Levhitika 23:24

ku ya tivisa Vaisraele marito ya xona lama nge: “Hi siku ro sungula ra n'hweti ya vu-7, mi fanele ku ba timhalamhala, mi vitanana, mi hlengeletana mi ndzi gandzela; leri i siku ro wisa lero hlawuleka, leri mi faneleke ku ndzi tsundzuka ha rona;

Eksoda 28:29

Kutani loko Aroni a ta exivandleni lexo hlawuleka, ú ta rhwala mavito ya tinyimba ta Israele ma ri exincekaneni xa le xifuveni lexi ambariwaka loko ku avanyisiwa timhaka; mavito lawa ma ta va henhla ka mbilu ya yena, ku endlela leswaku mina HOSI Xikwembu ndzi tshama ndzi ri karhi ndzi ma tsundzuka.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

1 Vatesalonika 4:18

Hikokwalaho mi fanele ku tiyisana hi marito wolawo.

1 Vakorinto 15:52

hi nkarhinyana, hi ku copeta ka tihlo, eku beni ka mhalamhala ya makumu; mhalamhala yi ta twala, kutani vafi va ta pfuxiwa va hambaniseriwa makumu ni ku onhaka, kutani hina hi ta hundzuriwa.

Esaya 27:13

Enkarhini wolowo ku ta biwa mhalamhala, kutani lava nga lahleka va ya etikweni ra Asiriya, ni lava hlongoriweke va ya le Egipta, va ta vuya, va ta gandzela HOSI Xikwembu va ri entshaveni leyo hlawuleka ya le Yerusalema.

Pisalema 150:3

Xi dzuniseni mi mbvungunyisa mhalamhala, xi dzuniseni hi tiharipa ni swipendana swa n'wina.

Eksoda 30:16

Mi ta amukela nhlengo wa kona eka Vaisraele, kutani mi wu tirhisa ku fambisa mintirho ya Ntsonga lowo Hlawuleka; nhlengo lowu wa ku kutsula vutomi bya n'wina, wu ta endla leswaku mina HOSI ndzi tsundzuka Vaisraele.”

Tinhlayo 28:11

“Hi siku ro sungula ra n'hweti yin'wana ni yin'wana, va ta ndzi tlhavela swinkuzana swimbirhi mina Hosi, ni khuna rin'we, ni swinyimpfana swa 7 swa xinuna swa lembe rin'we leswi nga solekiki; va ndzi humesela magandzelo lama hisiwaka.

1 SAMIELE 20:5

Kwalaho Davhida a hlamula a ku: “Vona, mundzuku i siku ra ku tshama ka n'weti, hikokwalaho ndzi ta boheka ku ya dya na hosi. Ndzi tshike ndzi famba, ndzi ya tumbela emasin'wini ku fikela [mundlwana] nimadyambu.

2 TIHOSI 4:23

Nuna a hlamula a ku: “U boha ha yini ku ya eka yena namuntlha xana? A hi siku ra ku tshama ka n'weti namuntlha, naswona a hi ra Savata.” Wansati a hlamula a ku: “A ku na xo karhata!”

Yoxuwa 6:4

Vaprista va 7 va ta rhwala timhalamhala, va famba emahlweni ka Areka. Kutani hi siku ra vu-7 mi ta rhendzeleka muti wa Yeriko ka 7, vaprista va ri karhi va ba timhalamhala.

Pisalema 81:4

Lexi i xiletelo eka Vaisraele, wu nga nawu lowu wu humaka eka Xikwembu xa va ka Yakobo.