Tinhlayo 1:53 - BIBELE Mahungu Lamanene

⁵³ Kambe Valevhi vona va ta gova va rhendzela Ntsonga wa Ntwanano, leswaku vukari bya mina byi nga tshuki byi pfurha ehenhla ka ntshungu wa Vaisraele; naswona Valevhi hi vona va nga ta hlayisa Ntsonga wa Ntwanano.”

Xitsonga (Bibele)

⁵³ Kambe Valevhi va ta gova ekusuhi ni yindlu ya vumbhoni, va yi rhendzela, leswaku vukari bya mina byi nga tshuki byi pfurhela nhlengeletano ya vana va Israele; kutani Valevhi va ta langutela yindlu ya vumbhoni.”

Tinhlayo 1:53 Referans Kwoze

Tinhlayo 16:46

Kutani Muxe a ku ka Aroni: “Teka ximbitana xa wena, u oka ndzilo alitarini, u chela mirhi ya risuna, kutani u tsutsumela entshungwini, u ya wu endlela gandzelo ra ku wu basisa, hikuva HOSI Xikwembu xi va kariherile, kutani va wele hi ntungu!”

1 TIKRONIKA 23:32

Va hlayisa Ntsonga lowo Hlawuleka ni swivandla swa yona leswo hlawuleka, va hlayisa ni Tempele, hi ku pfunana ni vamakwavo va ka Aroni.

Levhitika 10:6

Kutani Muxe a byela Aroni ni vana va yena Eliyazara na Itamara, a ku: “Mi nga tshuki mi rila nkosi lowu; mi nga tshiki misisi ya n'wina yi hangalaka, kumbe ku handzulela swiambalo swa n'wina. Loko mo endla sweswo, mi ta fa, mi tlhela mi endla leswaku HOSI Xikwembu xi hlundzukela ntshungu hinkwawo. Loko va ri Vaisraele lavan'wana, vona va nga rila nkosi wa lava dlayiweke hi ndzilo lowu humaka eka HOSI Xikwembu.

Tinhlayo 31:47

Eka swa Vaisraele Muxe a teka munhu un'we exikarhi ka vanhu va 50, ni xifuwo xin'we exikarhi ka swifuwo swa 50, a nyika Valevhi, va nga vona vahlayisi va Ntsonga wa HOSI Xikwembu. Muxe ú endlile hilaha HOSI Xikwembu xi n'wi leriseke hakona.

Tinhlayo 31:30

Eka leswi nyikiweke ntshungu wa Vaisraele, u ta pambula munhu un'we exikarhi ka vanhu va 50, u endlisa sweswo ni le ka tihomu, ni timbhongolo, ni tinyimpfu, u nyika Valevhi, va nga vona vahlayisi va Ntsonga wa mina HOSI.”

Tinhlayo 8:19

Kutani ndzi va nyiketile emavokweni ya Aroni ni vana va yena, va va nyiko leyi humaka eka Vaisraele, leswaku va ta hamba va tirhela Vaisraele eka Ntsonga lowo Hlawuleka, ni ku va basisa leswaku va nga humeleriwi hi khombo, loko va tshuka va tshinerile kusuhi ni xivandla lexo hlawuleka.”

2 Timotiya 4:2

Twarisa Rito, u hiseka hi nkarhi wa kona hambi ku nga ri hi nkarhi wa kona; khorwisa, u laya ni ku khongotela; u nga tsandzeki hi tlhelo ra ku lehisa mbilu ni le ku dyondziseni.

Yeremiya 23:15

Hikokwalaho mina HOSI ya matimba hinkwawo ndzi vurisa sweswo ehenhla ka vaprofeta, ndzi ri, yingisani! Ndzi ta mi dyisa leswo bava, ndzi mi chelela vuxungu ematini, mi nwa, hikuva swilo leswi nyamisaka tiko hinkwaro swi vangiwa hi n'wina vaprofeta va le Yerusalema.”

Yeremiya 5:31

Vaprofeta va vulavula mavunwa, vaprista va fuma vanhu hi ku rhandza; kutani vanhu va ka hina va tsakela sweswo, kambe loko siku ra makumu ri ta fika, mi ta endla yini xana?

2 TIKRONIKA 13:10

Loko hi ri hina, HOSI Xikwembu i Xikwembu xa hina, a hi xi tshikanga; vaprista va hina lava va xi tirhelaka i va ka Aroni, va pfunana ni Valevhi.

1 SAMIELE 6:19

HOSI Xikwembu xi lovisa van'vana exikarhi ka vavanuna va Beta-Xemexe, hikuva a va hlometerile endzeni ka Areka; xi lovisa vavanuna lava ringanaka 70, exikarhi ka vaaki va tiko hinkwavo va 50 000. Vanhu va tiko va ba nkosi va rila, hikuva HOSI Xikwembu a xi lovisile lavo tala exikarhi ka vona.

Tinhlayo 3:38

Hi tlhelo ra le vuxeni, emahlweni ka Ntsonga lowo Hlawuleka, a ku dzimiwile mixaxa ya Muxe ni ya Aroni ni vana va yena; hi vona lava a va tirha ntirho wa magandzelo exivandleni lexo hlawuleka, va tirhela Vaisraele. Loko munhu ntsena a tinghenisa entirhweni wa kona, a a fanela ku dlayiwa.

Tinhlayo 1:50

kambe va veke ku va vahlayisi va Ntsonga wa Ntwanano, ni swingolongondzwana swa wona hinkwaswo, ni swilo hinkwaswo leswi nga swa wona. Va ta rhwala Ntsonga ni swingolongondzwana swa wona hinkwaswo, naswona va ta tirha eka wona, va dzima ni mixaxa ya vona yi wu rhendzela.

Tinhlayo 1:54

Kutani Vaisraele va endlisa sweswo; va endla hinkwaswo hilaha HOSI Xikwembu xi leriseke Muxe hakona.

Tinhlayo 2:17

“Kutani ku ta simuriwa Ntsonga lowo Hlawuleka, va mixaxa ya Valevhi va ri exikarhi ka vanhu va mixaxa leyin'wana. Loko Vaisraele va suka va ta longoloka hi ndlela leyi va xaxametiwaka ha yona lomu va govaka kona, un'wana ni un'wana a va endhawini ya yena ni le vandleni ra ka vona.

Tinhlayo 3:23

Va ka Gerixoni a va fanele ku dzima mixaxa ya vona endzhaku ka Ntsonga, hi tlhelo ra vupeladyambu,

Tinhlayo 3:29

A va fanele ku dzima mixaxa ya vona hi tlhelo ra le dzongeni ra Ntsonga,

Tinhlayo 3:35

Murhangeri wa vona a a ri Suriele n'wana Abihayili; vona a va fanele ku dzima mixaxa ya vona hi tlhelo ra le n'walungwini ra Ntsonga.

Tinhlayo 17:7

Kutani Muxe a ya veka tinhonga leti emahlweni ka HOSI Xikwembu, eka Ntsonga lowu nga ni Areka ya Ntwanano.

Tinhlayo 16:9

Xana a swi ringananga eka n'wina, leswi HOSI Xikwembu xi mi hambaniseke ni ntshungu hinkwawo wa Vaisraele, xi mi tshineta kusuhi na xona leswaku mi tirha mintirho ya Ntsonga wa xona ni ku yima emahlweni ka ntshungu hinkwawo mi wu tirhela, xana?

2 TIKRONIKA 13:11

Siku rin'wana ni rin'wana nimixo, va humesela HOSI Xikwembu emagandzelo lama hisiwaka ni mirhi ya risuna, va tlhela va swi humesa nimadyambu; va veketela xinkwa xa magandzelo etafuleni ra xona lero tenga; masiku hinkwawo loko ri perile, va teka xitlhoma-timboni xa nsuku, va lumeka timboni ta kona. Hi hina hi tirhaka mintirho ya HOSI, Xikwembu xa hina; n'wina mi xi tshikile!