Tinhlayo 1:51 - BIBELE Mahungu Lamanene

⁵¹ Loko Ntsonga wu fanele ku simuriwa, Valevhi hi vona va nga ta wu ntlhantlha; loko wu lava ku dzimiwa, hi vona va nga ta wu yimisa. Munhu loyi a nga riki Mulevhi, loko a tshuka a tshinela kusuhi na wona, ú ta dlayiwa.

Xitsonga (Bibele)

⁵¹ Kutakuloko yindlu yi suka, Valevhi va ta yi hlanhla, ni loko yindlu yi yima, Valevhi va ta yi dzima; kambe wamatiko la nga ta yi tshinelela u ta dlawa.

Tinhlayo 1:51 Referans Kwoze

Tinhlayo 3:38

Hi tlhelo ra le vuxeni, emahlweni ka Ntsonga lowo Hlawuleka, a ku dzimiwile mixaxa ya Muxe ni ya Aroni ni vana va yena; hi vona lava a va tirha ntirho wa magandzelo exivandleni lexo hlawuleka, va tirhela Vaisraele. Loko munhu ntsena a tinghenisa entirhweni wa kona, a a fanela ku dlayiwa.

Tinhlayo 3:10

U ta veka Aroni ni vana va yena leswaku va tirha ntirho wa vona wa vuprista; munhu ntsena loyi a nga ta tinghenisa entirhweni wa vuprista, ú ta dlayiwa.”

2 SAMIELE 6:7

Kan'we-kan'we HOSI Xikwembu xi hlundzukela Uza, xi n'wi ba hikwalaho ka mitlotlotlo ya yena, a fela kwalaho, etlhelo ka Areka.

1 SAMIELE 6:19

HOSI Xikwembu xi lovisa van'vana exikarhi ka vavanuna va Beta-Xemexe, hikuva a va hlometerile endzeni ka Areka; xi lovisa vavanuna lava ringanaka 70, exikarhi ka vaaki va tiko hinkwavo va 50 000. Vanhu va tiko va ba nkosi va rila, hikuva HOSI Xikwembu a xi lovisile lavo tala exikarhi ka vona.

Tinhlayo 18:22

Ku endlela leswaku Vaisraele va nga tivangeli rifu hi ku tshinela kusuhi ni Ntsonga lowo Hlawuleka,

Tinhlayo 16:40

Lexi a xi ri xitsundzuxo eka Vaisraele leswaku un'wana ni un'wana loyi a nga riki muprista kumbe wa rixaka ra Aroni, a nga tshuki a tshinela a humesela HOSI Xikwembu gandzelo ra mirhi ya risuna, hikuva loyi a nga ta endla sweswo ú ta humeleriwa hi leswi humeleleke Kora ni vanghana va yena. Leswi hi swona leswi HOSI Xikwembu xi swi byeleke Eliyazara hi nomo wa Muxe.

Tinhlayo 10:11

Eka lembe ra vumbirhi, hi siku ra vu-20 ra n'hweti ya vumbirhi, papa ri suka ehenhla ka Ntsonga lowu nga ni Areka ya Ntwanano.

Tinhlayo 17:13

Loko ku ri leswaku un'wana ni un'wana loyi a tshinelaka kusuhi ni Ntsonga wa HOSI Xikwembu ú to fa, swi vula leswaku hinkwerhu hi ta hela!”

Tinhlayo 18:3

Valevhi va ta tirhela n'wina, va tlhela va tirha ni mintirho hinkwayo ya Ntsonga; kambe va nga tshuki va tshinela laha ku nga ni swilo leswo hlawuleka kambe laha ku nga ni alitari, hikuva loko vo tshinela, n'wina na vona mi ta fa.

Tinhlayo 18:7

Entirhweni wa vuprista, wena ni vana va wena mi ta vona swa mintirho ya le alitarini ni ya le xivandleni lexo hlawuleka ngopfu lexi pfariweke hi xisirhelelo; mi ta tirha leswi hikuva ntirho wa vuprista i nyiko leyi ndzi mi nyikeke yona; kutani loyi a nga ta tshinelela xivandla lexi a nga ri muprista, ú ta fa.”

Tinhlayo 17:5

Nhonga ya munhu loyi ndzi n'wi hlawuleke yi ta hluka, kutani ndzi ta va ndzi miyetile Vaisraele lava tshamaka va ri karhi va mi dzumadzumela.”

Tinhlayo 18:4

Va ta ta va ta tirha na n'wina emintirhweni hinkwayo ya Ntsonga lowo Hlawuleka, kambe munhu loyi a nga riki Mulevhi, a nga tshuki a ta kusuhi na n'wina.