Timhaka 9:5 - BIBELE Mahungu Lamanene

⁵ Yena a ku: “U mani, Hosi?” Rito ri ku: “Hi mina Yesu, loyi u n'wi xanisaka.

Testamente Leyimpsha Xichangana

⁵ Yena aku: “U mani, Hosi?” Rito riku: “Hi mina Yesu, lweyi umuxanisaka.

Xitsonga (Bibele)

⁵ Kutani a ku: “U mani, Hosi?” Hosi yi ku: “Hi mina Yesu loyi u n'wi xanisaka; swa nonon'hwa eka wena ku khadlanya risungunhu.”

Timhaka 9:5 Referans Kwoze

1 Timotiya 1:13

hambileswi khale ndzi tshamaka ndzi n'wi sandza, ni ku n'wi xanisa, ni ku n'wi pfukela. Kambe ndzi tsetseleriwile, hikuva a ndzi endla hi ku kohleka, ndzi nga ri na ku pfumela.

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

Timhaka 26:9

“Na mina khale, a ndzi anakanya leswaku ndzi fanele ku lwa swinene ni vito ra Yesu wa Nazareta.

Esaya 45:9

Ú ni khombo, munhu loyi a kanetanaka ni muendli wa yena! Mi tshama mi vona mbita yi kanetana ni muvumbi wa yona? Xana vumba byi nga vutisa loyi a byi pfuvaka, byi ku: “U lava ku vumba yini?” Xana mbita yi nga byela muvumbi wa yona leswaku a nga na vutivi ke?

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Timhaka 5:39

kambe loko wu huma eka Xikwembu, mi nga ka mi nga va siveli, kutani mi nga kumiwa mi lwile na Xikwembu.” Va huvo va n'wi yingisa.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Timhaka 9:4

Kutani a wela ehansi, a twa rito leri nge ka yena: “Sawulo, Sawulo! U ndzi xanisela yini?”

Timhaka 9:6

Kambe pfuka u yima, u nghena emutini, kutani u ta byeriwa leswi u fanelaka ku endla swona.”

Timhaka 10:14

Kambe Petro a ku: “E-e, Hosi, ndzi nga ka ndzi nga swi endli, hikuva a ndzi si dya xilo lexi yilaka, hambi xi ri lexi nga tengangiki.”

Timhaka 26:14

Hi wela hansi hinkwerhu; kutani ndzi twa rito leri nge ka mina hi ririmi ra Xiheveru: ‘Sawulo, Sawulo, u ndzi xanisela yini? Wo tivavisa ntsena loko u khadlanya nhonga yo tontswa.’

Vafilipiya 3:12

A ndzi vuli leswaku ndzi swi kumile sweswo, kumbe leswaku ndzi hetisekile, e-e; kambe ndzi ringeta ku tikarhata leswaku ndzi swi kuma swi va swa mina, hikuva Kriste Yesu ú ndzi kumile a ndzi endla wa yena.