Timhaka 9:2 - BIBELE Mahungu Lamanene

² a ya kombela mapapila lama tsaleriweke masinagoga ya Damaska, leswaku loko a tshuka a kuma van'wana lava landzaka Ndlela ya Hosi, vavanuna kumbe vavasati, a va yisa eYerusalema va bohiwile.

Testamente Leyimpsha Xichangana

² kuyakombela mapapela lawa matsaleliweke masinagoga ya Damaska, lesvaku loko atshuka akuma lavalandzaka Ndlela ya Hosi, vavanuna kumbe vavasati, avayisa Yerusalema na vabohiwile.

Xitsonga (Bibele)

² a kombela eka yena mapapila lama tsaleriweke masinagoga ya Damaska leswaku kutakuloko a kuma van'wana va dyondzo yoleyo, hambi va ri vavanuna, kumbe vavasati, a va yisa eYerusalema, va bohiwile.

Timhaka 9:2 Referans Kwoze

Timhaka 19:23

Kambe enkarhini wolowo ku humelela dzolonga lerikulukumba hikwalaho ka Ndlela ya Hosi:

Timhaka 19:9

Kambe van'wana va sungula ku tinonon'hwisa ni ku tiarisa, va sola Ndlela ya Hosi emahlweni ka nhlengeletano hinkwayo; hiloko Pawulo a hambana na vona, a titekela vadyondzisiwa hi tlhelo; kutani siku rin'wana ni rin'wana a hlamulana na vanhu exikolweni xa Tirano.

Timhaka 24:14

A ndzi ku fihleli leswaku ndzi tirhela Xikwembu xa vatatana hi ndlela leyi va yi vulaka leswaku yi hambukile; kambe ndzi pfumela hinkwaswo leswi tsariweke eNawini ni ka Vaprofeta.

Timhaka 24:22

Leswi Felikisi a a tiva leswo talanyana hi tlhelo ra Ndlela ya Hosi, a pfala huvo, a ku: “Loko Lisiya, ndhuna ya nyimpi, a ta va a rhelerile a fika haleno, hi kona ndzi nga ta kambisisa mhaka ya n'wina.”

Timhaka 18:25

A a dyondzisiwile Ndlela ya Hosi; kutani, hi ku hiseka ka yena emoyeni, a a vula ni ku dyondzisa timhaka ta Yesu hi ndlela ya tona, hambileswi a a tiva nkhuvulo wa Yohane ntsena.

Timhaka 9:14

Kutani ni kwala, ú nyikiwile matimba hi vaprista lavakulu ku khoma vanhu hinkwavo lava khongelaka vito ra wena.”

Timhaka 26:12

“A ndzi yela swona le Damaska, ndzi ri ni matimba ya vaprista lavakulu ni swileriso swa vona.

Timhaka 7:19

Hosi leyi yi endla hi mano eka rixaka ra hina, yi xanisa vatatana, yi lerisa leswaku va cukumeta vana va vona, va va dlaya.

Timhaka 6:9

Kambe ku humelela van'wana va sinagoga leyi vuriwaka “ya Vantshunxiwa”, van'wana va ri lava humaka eKirene ni le Aleksandriya, van'wana va huma eKilikiya ni le Asiya; kutani va yima va kanetana na Stefano.

Genesa 14:15

kutani Abrama a avanyisa malandza ya yena hi mintlawa-ntlawa, va hlasela valala va vona nivusiku, va va hlongorisa ku kondza va ya fika eHoba, en'walungwini wa muti wa Damaska.

Esaya 17:1

Lawa i mahungu hi tlhelo ra muti wa Damaska. HOSI Xikwembu xi ri: “Muti wa Damaska a wu nga ha vi kona, ku ta sala marhumbi ntsena.

Yeremiya 49:23

Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

Matewu 10:17

Tivoneleni, hikuva vanhu va ta mi nyiketa etihubyeni, va mi ba hi minkhavi emasinagogeni ya vona.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Timhaka 9:21

Hinkwavo lava n'wi twaka, va hlamala ngopfu, va ku: “Xana munhu loyi a hi yena loyi a a ringeta ku herisa lava khongelaka vito rero eYerusalema xana? Xana ni haleno a nga telanga ku ta va khoma, a va yisa eka vaprista lavakulu xana?”

Timhaka 26:10

Hi swona leswi ndzi nga swi endla eYerusalema. Hi matimba lawa vaprista lavakulu a va ndzi nyikile wona, ndzi khomile lavo tala exikarhi ka vahlawuriwa va Xikwembu, ndzi va pfalela ekhotsweni; loko va avanyiseriwa rifu, a ndzi ala ku yima na vona.

2 Vakorinto 11:32

Le Damaska, ndhunankulu ya hosi Areta, yi rindzile nyangwa ya muti wa Damaska, yi lava ku ndzi khoma;

Vagalatiya 1:17

naswona, a ndzi tlhandlukelanga eYerusalema eka lava va nga ndzi rhangela ku va vaapostola, kambe ndzi yile xikan'we le Arabiya, endzhaku ndzi vuyela eDamaska.