Timhaka 9:17 - BIBELE Mahungu Lamanene

¹⁷ Ananiya a famba, a ya nghena ndlwini, kutani a tlhandleka Sawulo mavoko, a ku: “Sawulo makwerhu, ndzi rhumiwile hi Hosi, a nga yena Yesu la tikombiseke ka wena endleleni leyi u nga ta ha yona; ú ndzi rhumile eka wena leswaku u tlhela u vona, ni leswaku u tala Moya lowo Kwetsima.”

Testamente Leyimpsha Xichangana

¹⁷ Ananiya afamba, ayanghena ndlwini, kutani atlhanteka Sawulo mavoko, aku: “Sawulo makwerhu, nirhumiwile hi Hosi, anga yena Yesu lweyi atikombiseke ka wena ndleleni leyi ungata ha yona; anirhumile ka wena lesvaku utlhela uvona, ni lesvaku utala hi Moya Wokwetsima.”

Xitsonga (Bibele)

¹⁷ Ananiya a famba, kutani a nghena endlwini, a n'wi tlhandleka mavoko, a ku: “Sawulo, makwerhu, Hosi Yesu la tikombiseke eka wena endleleni leyi u nga ta ha yona, u ndzi rhumile leswaku u tlhela u vona, ni leswaku u tala Moya lowo Kwetsima.”

Timhaka 9:17 Referans Kwoze

Timhaka 8:17

Kavaloko vaapostola va va tlhandleka mavoko, kutani va amukela Moya lowo Kwetsima.

Timhaka 6:6

Nhlengeletano yi va tisa eka vaapostola; kuteloko vona va khongerile, va va tlhandleka mavoko.

Timhaka 2:4

Hinkwavo va tala hi Moya lowo Kwetsima, kutani va sungula ku vulavula hi tindzimi tin'wana, hilaha Moya wu nga va nyika ku vulavula hakona.

1 Timotiya 5:22

U nga hatliseli ku tlhandleka munhu mavoko, naswona u nga tinghenisi eswidyohweni swa un'wana munhu. Tihlayise, u tshama u tengile.

Timhaka 13:52

Loko va ri vadyondzisiwa, va tala hi ku tsaka ni Moya lowo Kwetsima.

Vaheveru 6:2

ni dyondzo ehenhla ka ta ku tibasisa, ni ta ku tlhandleka vanhu emavoko, ni ta ku pfuka ka vafi, ni ta siku ra ku avanyisiwa ka makumu.

Filemoni 1:16

a nga ha ri hlonga, kambe a ri la tlulaka hlonga hi xiyimo, a va makwavo la rhandzekaka; eka mina, ú rhandzeka swinene, kambe eka wena, ú ta rhandzeka ku tlula sweswo, a ri munhu, ni makwenu eHosini.

2 Timotiya 1:6

Hikokwalaho ndza ku tsundzuxa ku kondletela nyiko ya tintswalo ta Xikwembu leyi u nga na yona, leyi u yi kumeke siku ndzi ku tlhandlekeke mavoko.

1 Timotiya 4:14

U nga tlangi hi nyiko leyi u nga na yona, leyi u yi kumeke siku vakulukumba va ku tlhandlekeke mavoko, va vhumbha leswi u nga ta va swona.

1 Vakorinto 15:47

Munhu lowo rhanga ú humile emisaveni, a ri la endliweke hi ntshuri wa misava; munhu lowa vumbirhi ú huma etilweni.

1 Vakorinto 15:8

Eku heteleleni ka leswi hinkwaswo, ú humelele ni ka mina, mina ndzi fanaka ni n'wana wo velekiwa nkarhi wu nga si fika.

Varhoma 15:7

Hikokwalaho, amukelanani, kukotisa leswi Kriste na yena a mi amukeleke, eku dzuniseni ka Xikwembu.

Timhaka 26:15

Mina ndzi ku: ‘U mani, Hosi?’ Hosi yi hlamula yi ku: ‘Hi mina Yesu, loyi u n'wi xanisaka.

Timhaka 21:20

Loko va twa timhaka teto, va dzunisa Xikwembu; kutani va ku ka Pawulo: “Wa swi vona, makwerhu, leswaku ku ni madzana-dzana ya vanhu lava pfumeleke exikarhi ka Vayuda; hinkwavo i vanhu lava hisekelaka Nawu;

Timhaka 19:6

Pawulo a va tlhandleka mavoko, kutani Moya lowo Kwetsima wu ta ehenhla ka vona; va vulavula hi tindzimi tin'wana, va ri karhi va twarisa Rito.

Timhaka 13:3

Kutani loko va titsonile swakudya ni loko va khongerile, va va tlhandleka mavoko, kutani va va pfulela tindlela.

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Timhaka 4:31

Kuteloko va hetile ku khongela, xivandla lexi va hlengeletaneke ka xona xi tsekatseka, hinkwavo va tala hi Moya lowo Kwetsima, kutani va vula rito ra Xikwembu va tiyile.

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Luka 15:30

Kasi n'wana wa wena loyi, ú dyile rifuwo ra wena hinkwaro a ri ni tinghwavava, kutani loko a vuya, u n'wi tlhavela rhole leri noneke!’

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste, Hosi.

Luka 1:76

Na wena xihlangi, u ta vuriwa muprofeta wa Loyi-a-nge-henhla-henhla, hikuva u ta rhangela Hosi emahlweni ku lunghisa ndlela ya yona,

Marka 6:5

Kutani a tsandzeka ku endla mahlori kona, loko ku nga ri ku hanyisa vavabyi va nga ri vangani, hi ku va tlhandleka mavoko.

Matewu 19:13

Kutani ku tisiwa vana eka Yesu leswaku a va tlhandleka mavoko, a va khongelela; kambe vadyondzisiwa va tshinya lava tisaka vana lava.

Genesa 45:4

Kambe Yosefa a ku: “Ndzi kombela leswaku mi tshinela haleno kusuhi na mina.” Hiloko va tshinela, kutani Yosefa a ku: “Hi mina makwenu Yosefa loyi mi n'wi xaviseke etikweni ra Egipta.

Marka 5:23

a n'wi khongela ngopfu, a ku: “N'wana wa mina wa wanhwanyana wa fa. Wa nga ta, u ta n'wi tlhandleka mavoko leswaku a pfuka a hanya.”

Luka 1:41

Loko Elizabeta a twa ku xewetiwa hi Mariya, n'wana a tshuka-tshuka endzeni ka yena. Kutani Elizabeta a tala Moya lowo Kwetsima,

Luka 1:67

Kavaloko Zakariya tata wa yena a tala hi Moya lowo Kwetsima, a vulavula a ku:

Timhaka 9:18

Hi nomu lo, swilo leswi fanaka ni tihakatimba swi suka ematihlweni ya Sawulo, kutani a tlhela a vona, a suka a yima, a khuvuriwa.

1 Vakorinto 9:1

Xana a ndzi ntshunxekanga xana? Xana a ndzi muapostola ke? A ndzi vonanga Yesu Hosi ya hina xana? Xana a hi n'wina mihandzu ya ntirho wa mina eHosini ke?

2 Petro 3:15

Kutani, twisisani leswaku loko Hosi ya hina yi lehisa mbilu, yi endlela ku hi ponisa. Makwerhu Pawulo murhandziwa wa hina, na yena ú mi tsalele hi yona ndlela leyi, hi ku landza vutlhari lebyi a nyikiweke byona.