Timhaka 9:10 - BIBELE Mahungu Lamanene

¹⁰ A ku ri ni mudyondzisiwa un'wana le Damaska loyi a va ku i Ananiya; Hosi yi vulavula na yena hi xivono, yi ku: “Ananiya!” Yena a ku: “Hi mina loyi, Hosi.”

Testamente Leyimpsha Xichangana

¹⁰ Akuli ni mujondzisiwa mun'we le Damaska lweyi avaku i Ananiya; Hosi yivulavula na yena hi xivoniso, yiku: “Ananiya!” Yena aku: “Hi mina lweyi, Hosi.”

Xitsonga (Bibele)

¹⁰ Mudyondzisiwa loyi va nge i Ananiya a a ri kona eDamaska; kutani Hosi yi n'wi byela enorhweni, yi ku: “Ananiya!” yena a ku: “Ndzi loyi, Hosi.”

Timhaka 9:10 Referans Kwoze

Timhaka 22:12

“Kona kwalaho, a ku ri ni munhu loyi a va ku i Ananiya; a a ri munhu wa vukhongeri, a famba hi Nawu, a nkhensiwa swinene hi Vayuda hinkwavo lava akeke eDamaska.

Timhaka 10:3

Siku rin'wana, loko ku lava ku va nkarhi wa 3 nindzhenga, a vona swinene ntsumi ya Xikwembu hi xivono, yi ri karhi yi nghena ka yena, yi ku: “Korneliyo!”

Genesa 22:1

Endzhaku ka timhaka leti, Xikwembu xi kambela Abrahama xi ku: “Abrahama!” Yena a hlamula a ku: “Hi mina loyi.”

Esaya 6:8

Kutani ndzi twa N'wini wanga a huwelela a ku: “Ndzi ta rhuma mani, i mani la nga ta va nomo wa hina xana?” Hiloko ndzi ku: “Hi mina loyi, ndzi rhume!”

1 SAMIELE 3:4

Kutani HOSI Xikwembu xi vitana Samiele; yena a hlamula a ku: “Ndza ta!”

Eksoda 3:4

Loko HOSI Xikwembu xi vona leswaku Muxe ú hambukile ku ya xiyisisa, xi n'wi vitana xi ri exihlahleni, xi ku: “Muxe! Muxe!” Yena a ku: “Hi mina loyi!”

Genesa 31:11

Kutani ntsumi ya Xikwembu yi vulavula na mina enorhweni yi ku: ‘Yakobo’, ndzi hlamula ndzi ku: ‘Hi mina loyi!’

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.

Daniele 2:19

Kutani nivusiku, Daniele a paluxeriwa xihundla xa kona hi xivono; hiloko a dzunisa Xikwembu xa le matilweni,

2 SAMIELE 15:26

Kambe loko HOSI Xikwembu xo vula xi ku: ‘A ndzi ku tsakeli!’ ndza tinyiketa, a xi endle ku rhandza ka xona eka mina.”

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Genesa 14:15

kutani Abrama a avanyisa malandza ya yena hi mintlawa-ntlawa, va hlasela valala va vona nivusiku, va va hlongorisa ku kondza va ya fika eHoba, en'walungwini wa muti wa Damaska.

Timhaka 9:9

Kutani a tshama masiku manharhu, a nga voni, a nga dyi, a nga nwi nchumu.

Timhaka 11:5

“A ndzi ri emutini wa Yopa, ndzi ri karhi ndzi khongela; kutani ndzi ngheniwa hi moya, ndzi vona xilo lexi fanaka ni nguvu leyikulu, yi ri karhi yi xika yi nembeletiwa hi le tilweni hi tinhla ta mune, yi fika kusuhi na mina.

Timhaka 12:9

Kuteloko Petro a humile, a yi landza, a nga tivi leswaku xana leswi endliwaka hi ntsumi hi swona hakunene xana? A a anakanya leswaku xi nga va xivono.

Timhaka 16:9

Xivono xi humelela eka Pawulo nivusiku: Wanuna wa Makedoniya a yima emahlweni ka yena, a n'wi khongela, a ku: “Pelela eMakedoniya, u ta hi pfuna!”

Timhaka 16:10

Loko Pawulo a vonile xivono lexi, hi hatla hi tilunghisela ku ya eMakedoniya, hi ku twisisa leswaku i Xikwembu lexi xi hi vitaneke ku ya twarisa Evhangeli eka vanhu va kona.

Timhaka 18:9

Vusiku byin'wana Hosi yi humelela eka Pawulo hi xivono, yi ku ka yena: “U nga chavi; kambe vulavula, u nga miyeri,

2 Vakorinto 11:32

Le Damaska, ndhunankulu ya hosi Areta, yi rindzile nyangwa ya muti wa Damaska, yi lava ku ndzi khoma;

Vagalatiya 1:17

naswona, a ndzi tlhandlukelanga eYerusalema eka lava va nga ndzi rhangela ku va vaapostola, kambe ndzi yile xikan'we le Arabiya, endzhaku ndzi vuyela eDamaska.

Timhaka 9:12

hi xivono, ú vonile munhu loyi va nge i Ananiya a ri karhi a nghena, a n'wi tlhandleka mavoko leswaku a tlhela a vona.”