Timhaka 8:39 - BIBELE Mahungu Lamanene

³⁹ Kuteloko va humile ematini, Moya wa Hosi wu susa Filipi. Ndhuna a ya ha vuyanga yi n'wi vona; hambiswiritano, yi yile emahlweni ni riendzo ra yona, yi tsakile swinene.

Testamente Leyimpsha Xichangana

³⁹ Kuteloko vahumile matini, Moya wa Hosi wususa Filipi. Ndhuna ayaha tlhelanga yimuvona; hambi svilitano, yiyile mahlweni ni riyendzo ra yona, na yitsakile svinene.

Xitsonga (Bibele)

³⁹ Kuteloko va tlhandlukile ematini, Moya wa Hosi wu susa Filipi, kutani ndhuna a yi vuyanga ya ha n'wi vona; kambe yi ya emahlweni endleleni ya yona hi ku tsaka lokukulu.

Timhaka 8:39 Referans Kwoze

1 TIHOSI 18:12

Kasi loko hi ta va hi hambanile, Moya wa HOSI Xikwembu wu nga sala wu ku yisa endhawini leyi ndzi nga yi tiviki; kutaku loko ndzi ya fika eka Akabu, ndzi n'wi tivisa ta wena, kutani yena a nga ku kumi, hakunene ú ta ndzi dlaya, hambileswi mina nandza wa wena ndzi chaveke HOSI Xikwembu ku sukela evuhlangini bya mina.

2 TIHOSI 2:16

va ku ka yena: “Languta, hina malandza ya wena, hi ni vavanuna va 50 va matimba; wa nga va pfumelela ku ya lava n'wini wa wena. Kumbexana, moya wa HOSI Xikwembu wu nga va wu n'wi tlakurile, wu ya n'wi hoxa entshaveni yin'wana, kumbe enkoveni wun'wana.” Kambe Elixa a ala, a ku: “Mi nga tshuki mi rhuma munhu.”

Ezekiele 11:24

Kutani Xikwembu lexi tikombeke ka mina hi xivono, xi ndzi tlakula hi Moya wa xona loko ndza ha ri exivonweni, xi ndzi tlherisela etikweni ra Vakalediya exikarhi ka lava nga vukhumbini. Hiloko xivono lexi ndzi kombiweke xona xi nyamalala.

Ezekiele 8:3

Kutani a tshambuluta xilo lexi fanaka ni voko, a ndzi khoma hi misisi; kutani exivonweni lexi HOSI Xikwembu xi ndzi kombeke xona, ndzi tikuma ndzi tlakuriwile hi Moya wa xona, ndzi hahiseriwa empfhukeni, ndzi ya vekiwa eYerusalema, kusuhi ni nyangwa ya le n'walungwini, hi le ndzeni ka yona. Kutani endhawini leyi, a ku ri ni xifaniso xa xikwembu xa hava, xi nga xilo lexi hlundzukisaka HOSI Xikwembu.

Ezekiele 43:5

Kutani Moya wu ndzi tlakula, wu ndzi tisa exivandleni xa le ndzeni emahlweni ka Tempele, kutani ndzi vona Tempele hinkwayo yi tele hi ku dzuneka ka HOSI Xikwembu.

Ezekiele 11:1

Kutani Moya wu ndzi tlakula, wu ndzi yisa enyangweni ya Tempele leyi languteke evuxeni. Kusuhi ni nyangwa leyi, a ku ri ni vavanuna va 25, kutani exikarhi ka vona, ndzi vona vakulukumba vambirhi va tiko, va nga Yaazaniya n'wana Azuri na Pelatiya n'wana Benaya.

Marka 1:10

Kutani loko a ri karhi a huma ematini, a vona tilo ri pfuleka, ni Moya wu xikela ehenhla ka yena wu fana ni tuva;

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Yakobo 4:16

Kambe n'wina ma tidzunisa, hi mhaka ya n'wina ya ku titiva ngopfu. Ku tidzunisa hinkwako loko tano ku bihile.

Vafilipiya 4:4

Titsakeleni eHosini masiku hinkwawo; ndzi tlhela ndzi vurisa sweswo, ndzi ri: Titsakeleni!

Varhoma 5:2

naswona hi ku pfumela, hi kotile ku kuma ha yena tintswalo leti hi yimeke ka tona sweswi, kutani hi tidzunisa eku languteleni ka hina ka ku averiwa ku kwetsima ka Xikwembu.

Timhaka 13:52

Loko va ri vadyondzisiwa, va tala hi ku tsaka ni Moya lowo Kwetsima.

Timhaka 8:8

Kutani a ku ri ni ku tsaka lokukulu emutini wolowo.

Matewu 13:44

“Mfumo wa matilo wu fana ni xuma lexi celeriweke ensin'wini, kungate loko munhu a xi thumbhile, a nga tlhela a xi celela, kutani eku tsakeni ka yena, a ya xavisa swilo swa yena hinkwaswo, a tixavela nsimu yoleyo.

Matewu 3:16

Kuteloko Yesu a khuvuriwile, a hatla a huma ematini; kutani hi nomu lo matilo ma pfuleka, a vona Moya wa Xikwembu wu xika tanihi tuva, wu ta ehenhla ka yena.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Pisalema 119:14

Ku hanya hi switsundzuxo swa wena swa ndzi tsakisa, swi fana ni loko ndzi thumbha xuma lexo tala.

Timhaka 16:34

Endzhaku ka sweswo, a yisa Pawulo na Silasi ekaya ka yena, a va phamela swakudya, kutani a tsaka swin'we ni va ndyangu wa yena hinkwavo, hileswi a a pfumerile ka Xikwembu.

Ezekiele 37:1

HOSI Xikwembu xi ndzi khoma hi matimba ya Moya wa xona, kutani xi ndzi humesa emutini xi ya ndzi veka ehandle erivaleni. Rivala ra kona a ri funengetiwile hi marhambu.

Timhaka 8:29

Moya wu ku ka Filipi: “Famba, u tshinelela golonyi liyaa.”

Timhaka 8:38

Kuteloko a lerisile leswaku golonyi yi yima, va ngirimela ematini hi vumbirhi bya vona, Filipi ni ndhuna; kutani Filipi a yi khuvula.