Timhaka 8:30 - BIBELE Mahungu Lamanene

³⁰ Filipi a ya kona hi ku tsutsuma, a twa Muetiyopiya la hlayaka buku ya muprofeta Esaya; a ku ka yena: “Xana wa twisisa leswi u swi hlayaka xana?”

Testamente Leyimpsha Xichangana

³⁰ Filipi aya kona hi kutsutsuma, atwa Muetiyopiya lweyi ahlayaka buku ya muprofeta Ezaya; aku ka yena: “Xana wasvitwisisa lesvi usvihlayaka ke?”

Xitsonga (Bibele)

³⁰ Kutani Filipi a tsutsuma, kuteloko a n'wi yingisile a hlaya buku ya muprofeta Esaya, a ku eka yena: “Xana wa twisisa lexi u xi hlayaka xana?”

Timhaka 8:30 Referans Kwoze

Yohane 5:39

Mi lavisisa Matsalwa, hikuva mi anakanya leswaku, eka wona, mi ta kuma vutomi lebyi nga heriki; kasi hi wona lama vekaka vumbhoni ehenhla ka mina.

Vaefesa 5:17

Hikokwalaho, mi nga vi lavo pfumala mano, kambe ringetani ku twisisa leswi Hosi yi rhandzaka swona.

Matewu 15:10

Kutani Yesu a vitana ntshungu, a ku ka wona: “Yingisani, mi twisisa.

Matewu 13:23

Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Matewu 13:19

Un'wana ni un'wana la twaka Rito ra Mfumo wa Xikwembu, kambe a nga ri twisisi, swi fana ni loko mbewu yi haxiwile endleleni. Lowo biha a ta, a n'wi tekela leswi haxiweke embilwini ya yena.

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

1 Vakorinto 14:19

kambe, enhlengeletanweni, ndzi nga tsakela ku vula marito ya ntlhanu hi ku tirhisa miehleketo ya mina, leswaku ndzi ta dyondzisa ni lava van'wana, ku tlula ku vulavula marito ya madzana-dzana hi ririmi leri nga tiviwiki.

Marka 13:14

“Kutaku loko mi vona ‘xilo xa manyala lexi onhetelaka’ xi ri laha xi nga faneriki ku va kona (la hlayaka a a twisise), enkarhini wolowo, lava nge Yudiya a va tsutsumele etintshaveni;

Matewu 24:15

“Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Matewu 13:51

“Xana ma ti twisisa timhaka leti hinkwato ke?” Va ku ka yena: “Ina!”

Pisalema 119:32

Ndzi hisekela ku endla leswi u ndzi lerisaka swona, hikuva ha swona u anamisa miehleketo ya mina.

Nhlavutelo 13:18

Leswi swi lava vutlhari: Loyi a nga ni ku twisisa a a kume nhlayo yoleyo ya xivandzana, hikuva i nhlayo leyi vulaka vito ra munhu. Nhlayo ya kona i 666.

Timhaka 8:27

Kutani Filipi a suka, a famba. Kavaloko ku humelela wanuna wa Muetiyopiya, mutsheniwa loyi a a ri ndhuna leyikulu ni mulanguteri wa rifuwo hinkwaro ra Kandake, hosi ya wansati ya Etiyopiya; munhu loyi a a tile eYerusalema ku ta gandzela kona;

Yohane 4:34

Yesu a ku ka vona: “Swakudya swa mina i ku endla ku rhandza ka Loyi a ndzi rhumeke, ni ku heta ntirho wa yena swinene.

Timhaka 8:5

Loko a ri Filipi, a rhelela, a ya emutini wun'wana wa tiko ra Samariya, a vula ta Mesiya kona.

Timhaka 8:29

Moya wu ku ka Filipi: “Famba, u tshinelela golonyi liyaa.”

Timhaka 8:31

Yoloyi a ku: “Ndzi nga swi kotisa ku yini ku swi twisisa loko ndzi nga ri na loyi a ndzi hlamuselaka xana?” Kutani a kombela leswaku Filipi a khandziya a ta tshama na yena.