Timhaka 8:21 - BIBELE Mahungu Lamanene

²¹ Ntirho lowu a hi wa wena, a wu ngheni eka wona, hikuva mbilu ya wena a yi lulamanga emahlweni ka Xikwembu.

Testamente Leyimpsha Xichangana

²¹ Ntirho lowu ahi wa wena, awungheni ka wona, hikuva mbilu ya wena ayilulamanga mahlweni ka Xikwembu.

Xitsonga (Bibele)

²¹ A ku na ku averiwa ni ku pambuleriwa emhakeni leyi, hikuva mbilu ya wena a yi lulamanga emahlweni ka Xikwembu.

Timhaka 8:21 Referans Kwoze

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Nhlavutelo 22:19

Ni loko un'wana a nga susa swin'wana eka marito ya vuhlavuteli bya buku leyi, Xikwembu xi ta n'wi sivela ku dya mihandzu ya murhi wa vutomi, ni ku tshama emutini lowo hlawuleka, swi nga swilo leswi hlamuseriweke ebukwini leyi.

Pisalema 36:1

Marito layo biha ya munhu wo homboloka a ma suki embilwini ya mina: Hi ku vona ka yena, a swi pfuni nchumu ku chava Xikwembu.

Nhlavutelo 20:6

Munhu loyi a vonaka ku pfuka eku feni loku ko rhanga, ú katekile, naswona ú hlawulekile. Rifu ra vumbirhi a ri na matimba ehenhla ka vanhu lavo tano, kambe va ta va vaprista va Xikwembu ni va Kriste, kutani va ta fuma swin'we na Kriste malembe ya 1 000.

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Habakuku 2:4

Yingisa! Mukanganyisi a nge pfuki a tsakile emoyeni wa yena. Kasi munhu wo lulama ú ta hanya hi ku pfumela ka yena.

2 TIKRONIKA 25:2

Amasiya ú endlile leswo lulama emahlweni ka HOSI Xikwembu, hambiloko a a nga swi endli hi mbilu hinkwayo.

Yoxuwa 22:25

HOSI Xikwembu xi vekile nambu wa Yordani wu va wona ndzilekana exikarhi ka hina na n'wina va ka Rhuveni ni va ka Gadi, kutani a ku na nchumu lexi xi nga xa n'wina eka HOSI Xikwembu.’ Hi ndlela leyi, vana wa n'wina va ta endla leswaku lava va ka hina va tshika ku gandzela HOSI Xikwembu.

Ezekiele 14:3

“Wena munhu, vavanuna lava va tshamela ku anakanya swikwembu swa vona swa hava, va tshemba ngopfu swilo leswi swi va yisaka eku dyoheni. Xana ndzi nga pfumela ku vutisiwa timhaka hi vanhu vo tano xana?

Duteronoma 10:9

Kutani Valevhi a va vanga na nsimu kumbe ndzhaka exikarhi ka vamakwavo; HOSI Xikwembu hi xona ndzhaka ya vona hilaha xi va byeleke hakona.)

Duteronoma 12:12

Kutani mi ta titsakela emahlweni ka HOSI Xikwembu xa n'wina, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava nga ta tshama emitini ya n'wina, hikuva vona va ta va va nga ri na nsimu kumbe ndzhaka exikarhi ka n'wina.

Nehemiya 2:20

Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Vaefesa 5:5

Tivani mhaka leyi: Ku hava munhu ni un'we la nga ta averiwa ndzhaka eMfun'weni wa Kriste ni wa Xikwembu, loko a ri la oswaka, kumbe la endlaka swa thyaka, kumbe la nga ni makwanga, ku nga ku gandzela swikwembu swa hava.

Levhitika 13:8

Loko muprista a n'wi kambela, kutani a kuma leswaku vuvabyi byi hangalakile ni miri, ú ta tivisa leswaku muvabyi a nga ha tenganga; ú na nhlokonho.

Timhaka 8:37

Filipi a ku: “Loko u pfumela hi mbilu ya wena hinkwayo, u nga khuvuriwa.” A hlamula a ku: “Ndza pfumela leswaku Yesu Kriste i N'wana wa Xikwembu.”]