Timhaka 8:14 - BIBELE Mahungu Lamanene

¹⁴ Loko vaapostola lava a va ri eYerusalema va twa leswaku Vasamariya va amukerile rito ra Xikwembu, va va rhumela Petro na Yohane;

Testamente Leyimpsha Xichangana

¹⁴ Loko vapostola lava avali Yerusalema vatwa lesvaku Vasamariya vayamukelile rito ra Xikwembu, vavarhumela Petrosi na Yohani;

Xitsonga (Bibele)

¹⁴ Kambe vaapostola lava seleke eYerusalema, loko va twa leswaku Vasamariya va amukela rito ra Xikwembu, va va rhumela Petro na Yohane;

Timhaka 8:14 Referans Kwoze

1 Vatesalonika 3:2

Kutani hi mi rhumele Timotiya makwerhu, la tirhelaka Xikwembu ku fana na mina entirhweni wa Evhangeli ya Kriste; hi n'wi rhumele leswaku a ta mi tiyisa ni ku mi khongotela eku pfumeleni ka n'wina,

1 Vatesalonika 2:13

Kutani mhaka leyi yi hi susumetaka ku nkhensa Xikwembu masiku hinkwawo, hi leyi: Loko hi mi tisele rito ra Xikwembu, mi ri yingisile ni ku ri amukela, ku nga ri kukota mahungu yo huma eka vanhu, kambe tanihi mahungu yo huma eka Xikwembu. Hakunene mahungu lawa ma huma eka xona, hikuva hi xona xi tirhaka hi matimba exikarhi ka n'wina lava pfumeleke.

Vagalatiya 2:9

Hikokwalaho, Yakobo, na Petro, na Yohane, lava langutiwaka va ri vona vafambisi va kereke, va wu vonile nkateko lowu Xikwembu xi ndzi nyikeke wona, kutani va hi khome hi xandla, mina na Barnaba, ku fungha ku tirhisana ka vona na hina: Hina hi ta ya eka vamatiko, vona va ya eka lava yimbeke.

Timhaka 8:1

Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.

2 Vatesalonika 2:10

ú ta tirhisa tindlela hinkwato leto biha ta vuxisi ehenhla ka lava yaka eku loveni, va nga lava nga amukelangiki ntiyiso hikuva a va nga wu rhandzi, va ala ni ku ponisiwa.

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Timhaka 15:4

Kuteloko va fikile eYerusalema, va amukeriwa hi kereke ni vaapostola ni vakulukumba; kutani va va rungulela hinkwaswo leswi Xikwembu xi swi endleke ha vona.

Timhaka 11:1

Kambe vaapostola ni vamakwavo eHosini lava akeke eYudiya va twa leswaku vamatiko na vona va amukele Rito ra Xikwembu.

Timhaka 2:41

Hiloko lava amukeleke marito ya yena, va khuvuriwa; kutani esikwini rero, ku amukeriwa vanhu lava lavaka ku va 3 000.

Yohane 12:48

La ndzi fularhelaka, kutani a nga amukeli marito ya mina, ú ni loyi a n'wi avanyisaka; i marito lawa ndzi ma vulaka lawa ma nga ta n'wi avanyisa hi siku ra makumu.

Luka 22:8

Yesu a rhuma va Petro na Yohane, a ku ka vona: “Yanani, mi ya hi lunghisela nkhuvo wa Paseka, hi ta kota ku wu dya.”

Matewu 13:23

Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

1 TIHOSI 13:32

Swilo leswi a lerisiweke hi HOSI Xikwembu ku swi boxa, hakunene swi ta humelela, ma nga marito lawa a nga ma huwelela loko a sandza alitari ya laha Betele, ni loko a sandza tindlu leti akiweke eswitsungeni leswo hlawuleka swa miti ya Samariya.”