Timhaka 7:8 - BIBELE Mahungu Lamanene

⁸ Kutani Xikwembu xi endla ntwanano na Abrahama, lowu funghiweke hi ku yimba; hikokwalaho, Abrahama a veleka Isaka, a n'wi yimbisa hi siku ra vu-8, kutani Isaka a veleka Yakobo, Yakobo a veleka vakokwa wa hina va 12, va yimbisiwa hinkwavo.

Testamente Leyimpsha Xichangana

⁸ Kutani Xikwembu xiyendla ntwananu na Abrahamu, lowufungiweke hi kuyimba; hikokolaho, Abrahamu aveleka Izaki, amuyimbisa hi siku ra vuntlhanu ni manharhu, kutani Izaki aveleka Yakobe, Yakobe aveleka vakokwana va hina va vambirhi, vayimbisiwa hinkwavu.

Xitsonga (Bibele)

⁸ Kutani xi n'wi nyika ntwanano wa ku yimba; kutani Abrahama a veleka Isaka a n'wi yimbisa hi siku ra ntlhanu na manharhu; Isaka a veleka Yakobo; Yakobo yena, a veleka vapatriarka va khume na vambirhi.

Timhaka 7:8 Referans Kwoze

Timhaka 2:29

“N'wina varikwerhu, ndzi nga tiyisa ndzi mi byela leswaku Kokwana Davhida ú file, a va a lahliwa, kutani sirha ra yena ra ha ri exikarhi ka hina ni namuntlha.

Genesa 35:16

Kutani va suka eBetele va ya emahlweni ni riendzo. Loko va ha ri kulenyana ni muti wa Efrata, nkarhi wa Rahele wa ku tintshunxa wu fika, kutani switlhavi swa ku veleka swi n'wi tela hi matimba.

Vaheveru 7:4

Vonani hilaha a nga nkulu hakona! Abrahama, yena kokwa wa hina, ú n'wi nyikile vukhume bya leswi a swi phangheke enyimpini.

Vagalatiya 3:17

Leswi ndzi vulaka swona hi leswi: Nawu lowu wu nga ta endzhaku ka malembe ya 430, a wu herisi ntwanano lowu tiyisiweke khale hi Xikwembu, ni xitshembiso xa xona a xi cukumetiwi.

Vagalatiya 3:15

Vamakwerhu, ndzi ta mi fanisela hi leswi humelelaka evanhwini siku rin'wana ni rin'wana: Loko ntwanano wu tiyisiwile, hambi ku ri exikarhi ka vanhu, a ku na loyi a nga wu herisaka, kumbe ku engetela swin'wana eka wona.

Varhoma 4:10

Xana ú hlayiwile rini? Xana hi loko a yimbile, kumbe hi loko a nga si yimba xana?

Yohane 7:22

Muxe ú mi nyikile ntolovelo wa ku yimba (a hi leswaku a wu huma eka Muxe, kambe a wu huma eka vakokwana), kutani ma yimbisa munhu hi siku ra Savata!

Matewu 1:2

Abrahama a veleka Isaka, Isaka a veleka Yakobo, Yakobo a veleka Yuda na vamakwavo,

1 TIKRONIKA 1:34

Abrahama a a ri tata wa Isaka; kutani Isaka a veleka Esawu na Israele.

Genesa 35:18

Rahele a a ri kusuhi ni ku fa, kutani loko a ri karhi a hlala, a thya n'wana loyi vito ra Benoni (hileswaku: “N'wana-wa-ku-vaviseka-ka-mina”), kambe tata wa yena a n'wi thya vito ra Benjamini (hileswaku: “N'wana-wa-voko-ra-xinene”).

Genesa 29:31

Loko HOSI Xikwembu xi vona leswaku Leya wa vengiwa, xi endla leswaku a kuma vana. Rahele yena a a nga va kumi.

Genesa 30:5

Biliha a tika a velekela Yakobo n'wana wa mufana,