Timhaka 7:60 - BIBELE Mahungu Lamanene

⁶⁰ Kutani a nkhinsama, a huwelela hi rito ro tlakuka, a ku: “Hosi, u nga va hlayeli ku dyoha loku.” Kuteloko a vurile sweswo, a fa.

Testamente Leyimpsha Xichangana

⁶⁰ Kutani akhinsama, ahuwelela hi rito rotlakuka, aku: “Hosi, ungavahlayeli kujoha loku.” Kuteloko ahlayile svosvo, afa.

Xitsonga (Bibele)

⁶⁰ Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Timhaka 7:60 Referans Kwoze

Matewu 5:44

Kambe mina ndzi ri ka n'wina: Rhandzani valala va n'wina, mi khongelela lava va mi xanisaka,

Luka 23:34

[Kutani Yesu a ku: “Tatana, va rivalele, hikuva a va tivi leswi va swi endlaka.”] Kutani va avelana swiambalo swa yena hi ku hoxa vuhlolotwana.

1 Vakorinto 15:20

Kambe lexi tiyeke hileswaku Kriste ú pfuxiwile exikarhi ka vafi. Hi swona leswi tshembisaka leswaku lava feke na vona va ta pfuxiwa.

Timhaka 20:36

Loko Pawulo a hetile ku vula timhaka teto, a nkhinsama, a khongela na vona hinkwavo.

Timhaka 9:40

Kambe Petro a va humesela handle hinkwavo; a nkhinsama hi matsolo, a khongela; kutani a hundzulukela ka ntsumbu, a ku: “Tabita, pfuka!” Kavaloko Tabita a pfula mahlo, kutani loko a vona Petro, a pfuka a tshama.

Luka 6:28

Katekisani lava va mi rhukanaka, mi khongelela lava va mi karhataka.

1 Vakorinto 15:18

Kutani ke, na vona lava nga fa va ri va ka Kriste, va lovele makumu.

Timhaka 21:5

Loko hi hetile masiku wolawo, hi suka hi famba; vadyondzisiwa hinkwavo va hi heleketa ku ya fika ehandle ka muti, va ri ni vavasati ni vana; kutani hi nkhinsama eribuweni ra lwandle, hi khongela.

Timhaka 13:36

“Loko a ri Davhida, ú yisile makungu ya Xikwembu emahlweni, enkarhini wa ku hanya ka yena, kutani a tietlelela, a lahliwa ni vatata wa yena, a va a bola.

Luka 22:41

Kutani a suka a ya kulenyana na vona, hi mpfhuka wo ringana ku hoxa ka ribye, kutani a nkhinsama hi matsolo, a khongela, a ku:

1 Vatesalonika 5:10

Kriste ú hi ferile leswaku, hambi ha ha hanya hambi hi tietlelele, hi ta kuma vutomi swin'we na yena.

1 Vakorinto 15:6

Ú tlhele a humelela hi nkarhi wun'we eka vamakwavo lava tlulaka 500; lavo tala va vona va ha ri kona nisweswi, kambe van'wana va file.

Matewu 27:52

Masirha ya pfuleka; vahlawuriwa va Xikwembu lavo tala lava a va file, va pfuka eku feni hi miri wa vona;

Daniele 6:10

Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

1 Vakorinto 11:30

Hikokwalaho, ku ni lavo tala exikarhi ka n'wina lava tsaneke ni lava vabyaka, naswona, van'wana va file.

Ezra 9:5

Kutani hi nkarhi wa magandzelo ya madyambu, ndzi suka laha a ndzi rila ndzi ri kona, ndzi ambele swiambalo leswi swi handzukeke, ndzi nkhinsama ndzi khongela HOSI Xikwembu ndzi tlakusile mavoko,

1 Vakorinto 15:51

Yingisani, ndzi mi byela xihundla: A hi nga fi hinkwerhu, kambe hinkwerhu hi ta hundzuriwa,

Daniele 12:2

Exikarhi ka lava etleleke emasirheni, ku ta pfuka lavo tala; van'wana va ta ya nghena evutomini lebyi nga heriki, kasi van'wana va ta ya eku soriweni, va khomisiwa tingana leti nga heriki.

Yohane 11:11

Loko a vurile sweswo, a engeta a ku ka vona: “Lazaro murhandziwa wa hina, ú etlele, kambe ndzi ya ku ya n'wi pfuxa.”

2 Timotiya 4:16

Eku sunguleni ka ku tihlamulela ka mina ehubyeni, ku pfumalekile ni un'we wo yima na mina; hinkwavo va ndzi balekerile. Ingi va nga vekiwi nandzu eka swona.

2 Petro 3:4

va ku: “Swi helele kwihi, swa loyi ku nga tshembisiwa leswaku ú ta ta, xana? Hi mpfhuka vatatana va nga tietlelela, swilo hinkwaswo swa ha ya emahlweni hilaha a swi famba hakona, ku sukela loko misava yi tumbuluka.”