Timhaka 7:49 - BIBELE Mahungu Lamanene

⁴⁹ “ ‘Tilo i xiluvelo xa mina, ku vula Hosi, misava yi le hansi ka minkondzo ya mina; yindlu leyi mi nga ta ndzi akela yona yi nga va leyo tanihi kwihi? Ni xivandla lexi ndzi nga ta wisa eka xona, xi nga va xihi ke?

Testamente Leyimpsha Xichangana

⁴⁹ “‘Tilo i xiluvelo xa mina, kuvula Hosi, misava yi le hansi ka minkondzo ya mina; yindlo leyi mingataniyakela yona yingava leyo tani hi kwihi? Ni ndhawu leyi ningatawisa ka yona, yingava yihi ke?’”

Xitsonga (Bibele)

⁴⁹ ‘Tilo i xiluvelo xa nga, yona misava i vunavelo bya milenge ya mina; yindlu leyi mi nga ndzi akelaka yona yi nga va leyo yini, ku vula Hosi? Ni xivandla lexi ndzi nga wisaka eka xona, xi nga va xihi?

Timhaka 7:49 Referans Kwoze

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Pisalema 11:4

HOSI yi le ndlwini ya yona leyo hlawuleka, xitshamu xa yona xa vuhosi xi le matilweni. Mahlo ya yona ma languta vanhu, hi ku copeta ka tihlo, yi va kambela.

Yohane 4:21

Yesu a ku ka yena: “Twana mina manana: Nkarhi wa ta, lowu mi nga ta ka mi nga ha gandzeri Tatana mi ri entshaveni leyi, hambi ku ri eYerusalema.

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Matewu 24:2

Kambe Yesu a va hlamula, a ku: “Xana ma swi vona swilo leswi hinkwaswo? Ndzi tiyisile ndzi ri ka n'wina, a ku nga sali ribye ehenhla ka ribye rin'wana kwala; hinkwawo ma ta hindzimuxiwa.”

Matewu 23:22

naswona la hlambanyaka hi tilo, ú hlambanya hi xiluvelo xa Xikwembu kun'we ni Loyi a tshameke ehenhla ka xona.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

1 TIHOSI 8:27

“Kambe xana wena Xikwembu u nga tshama emisaveni hakunene ke? Leswi matilo ya matilo ma nga ku eneriki, Tempele leyi ndzi yi akeke, yi nga ku enerisa ku yini xana?

2 TIKRONIKA 6:18

“Xana hakunene, wena Xikwembu, u nga tshama na vanhu laha misaveni xana? Leswi matilo ya matilo ma nga ku eneriki, Tempele leyi ndzi yi akeke yi nga ku enerisa ku yini?