Timhaka 7:44 - BIBELE Mahungu Lamanene

⁴⁴ “Vatata wa hina a va ri ni Ntsonga lowo Hlawuleka emananga, va ya hi ku lerisa ka Xikwembu loko xi vulavula na Muxe, xi n'wi lerisa ku wu endla hi xivumbeko lexi a xi voneke.

Testamente Leyimpsha Xichangana

⁴⁴ Vatatana va hina avali ni Ntsonga Lowohlawuleka mananga, vaya hi kulerisa ka Xikwembu loko xivulavula na Moxe, ximulerisa kuwuyendla hi xivumbeko lexi axivoneke.

Xitsonga (Bibele)

⁴⁴ “Vatata wa hina a va ri ni tabernakela ya vumbhoni emananga, hilaha loyi a nga vulavula na Muxe ngi a n'wi lerisile ku yi endla hi xifaniso lexi a xi voneke.

Timhaka 7:44 Referans Kwoze

Eksoda 25:40

Mi fanele ku vona leswaku mi endla swilo leswi hi ku ya hi swivumbeko leswi mi kombiweke swona entshaveni.”

Eksoda 38:21

Lowu i nongonoko wa xuma lexi tirhisiweke ku aka Ntsonga, laha maribye ya Ntwanano a ma hlayisiwa kona; xuma lexi xi hlayiwile hi Valevhi hi ku lerisiwa hi Muxe, va fambisiwa hi Itamara n'wana muprista Aroni.

Vaheveru 8:5

va tirha ntirho lowu nga xifaniso ni ndzhuti wa leswi tirhiwaka ematilweni. Swi fana na Muxe: Loko a lavile ku yimisa Ntsonga, ú lerisiwile hi Xikwembu, lexi nga te: “U vona leswaku u endla hinkwaswo hi ku landza leswi u kombiweke swona entshaveni.”

Vaheveru 8:2

la tirhaka exivandleni lexi hlawulekeke ni le Ntsongeni wa xiviri, lowu yimisiweke ku nga ri hi munhu kambe hi Hosi.

2 TIKRONIKA 24:6

Kavaloko Yowasi a vitana Yoyada Muprista Lonkulu, a ku ka yena: “Hikwalaho ka yini u nga lerisanga Valevhi ku ya hlengisa va ka Yuda ni va le Yerusalema enhlengo lowu lerisiweke hi Muxe nandza wa HOSI, xana? Enkarhini wa Muxe, nhlengo wo hlayisa Ntsonga lowo Hlawuleka a wu humesiwa hi nhlengeletano hinkwayo ya Vaisraele.

1 TIKRONIKA 28:19

Kutani Davhida a ku: “Mimpimo leyi hinkwayo, leyi nga ta tirhisiwa eku akeni ta Tempele, HOSI Xikwembu xi ndzi tivisile yona, kutani mina ndzi yi hlayisile hi ku yi tsala.”

1 TIKRONIKA 28:11

Davhida a nyika Solomoni n'wana wa yena exifaniso xa Tempele lexi kombaka mimpimo ya rikupakupa, ni ya tindlu tin'wana ta Tempele; xifaniso a xi komba mimpimo ya vuhlayiselo bya xuma, ni ya vuako bya swithezi, ni ya makamari ya le ndzeni, ni ya xivandla lexo hlawuleka ngopfu xa le mpfungwe.

Yoxuwa 18:1

Loko Vaisraele va tekile tiko hinkwaro ra Kanana, ntshungu hinkwawo wu hlengeletana eXilo wu dzima Ntsonga lowo Hlawuleka.

Tinhlayo 18:2

Loko wena ni vana va wena mi ri karhi mi tirha eka Ntsonga lowu nga ni Areka ya Ntwanano, mi ta vitana va ka Levhi, leswaku va ta va ta mi pfuna, hikuva i va nyimba ya ka n'wina.

Tinhlayo 10:11

Eka lembe ra vumbirhi, hi siku ra vu-20 ra n'hweti ya vumbirhi, papa ri suka ehenhla ka Ntsonga lowu nga ni Areka ya Ntwanano.

Tinhlayo 9:15

Hi siku leri Ntsonga lowu nga ni Areka ya Ntwanano wu yimisiweke ha rona, papa ri wu khubumeta; nivusiku a ri fana ni ndzilo, ri funengeta Ntsonga dyambu ri kondza ri xa.

Eksoda 26:30

Mi ta dzima Ntsonga lowo Hlawuleka hi ku ya hi xivumbeko xa wona lexi mi kombiweke xona entshaveni.

Eksoda 27:8

Mi ta endla alitari hi mapulangi, yi fana ni bokisi; ku ta landziwa xivumbeko lexi mi kombiweke xona entshaveni.”

Yoxuwa 3:14

Kutani Vaisraele va suka emixaxeni, va ya pela nambu wa Yordani, va rhangeriwile hi vaprista lava rhwaleke Areka ya Ntwanano.