Timhaka 7:30 - BIBELE Mahungu Lamanene

³⁰ “Kuteloko ku hundzile malembe ya 40, ntsumi yi tikomba eka yena emalangavini ya xihlahla lexi a xi pfurha, emananga kusuhi ni ntshava ya Sinayi.

Testamente Leyimpsha Xichangana

³⁰ Kuteloko kuhundzile malembe ya mune wa makume, ntsumi yitikomba ka yena malangavini ya ndzilo ya xihlahla lexi axipfurha, mananga kusuhi ni ntshava ya Sinayi.

Xitsonga (Bibele)

³⁰ “Kuteloko ku hundzile malembe ya mune wa makume, ntsumi yi humelela eka yena emananga eNtshaveni ya Sinayi, elangavini ra ndzilo eswihlahleni.

Timhaka 7:30 Referans Kwoze

Timhaka 7:35

“Yena Muxe loyi a va n'wi landzurile hi ku vutisa va ku: ‘I mani la ku vekeke hosi ni muavanyisi wa hina ke?’ hi yena la nga rhumiwa hi Xikwembu leswaku a va hosi ni mukutsuri wa vona, hi ku pfuniwa hi ntsumi leyi a yi tikombe ka yena exihlahleni.

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Timhaka 7:32

‘Hi mina Xikwembu xa vatata wa wena, Xikwembu xa Abrahama ni xa Isaka ni xa Yakobo.’ Kutani Muxe a rhurhumela, a chava ni ku langutisisa.

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

Timhaka 7:17

“Kuteloko ku tshinele nkarhi wa ku hetiseka ka leswi Xikwembu xi swi tshembiseke Abrahama, rixaka ra hina ri kula, ri andza etikweni ra Egipta;

Marka 12:26

Loko va ri vafi ni ku pfuka ka vona, xana a mi hlayanga ta vona ebukwini ya Muxe xana? Loko Xikwembu xi vulavule na yena exihlahleni, xi te: ‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo!’

Daniele 3:27

Kutani tihosana, ni tindhuna letikulu ni letitsongo, ni vatsundzuxi va hosi, va hlengeletana va ta va ta xiyaxiya vanhu lava, kutani va vona leswaku ndzilo a wu va endlanga nchumu, hambi yi ri misisi ya vona a yi vavukanga, ni swiambalo swa vona a swi tshwanga, ku ri hava ni risema leri kombaka leswaku a va ri endzilweni.

Pisalema 66:12

U tshikile valala va hina va hi kandziyela. U hi hundzisile hi le ndzilweni ni le swidziveni swa mati, kambe eku heteleleni u hi fikisile etikweni leri noneke.

Duteronoma 4:20

HOSI Xikwembu xi mi tekile, xi mi humesa endzilweni wa le Egipta, lowu nga n'okisaka ni tinsimbhi, leswaku mi va tiko leri nga ra xona ntsena, kutani hi leswi mi nga swona ni namuntlha.

Eksoda 7:7

Enkarhini lowu va nga ya vulavula na Faro, Muxe a a ri ni malembe ya 80, Aroni yena a a ri ni malembe ya 83.

Vagalatiya 4:25

Agara i ntshava ya Sinayi, etikweni ra Arabiya, kutani ú fanisa muti wa sweswi wa Yerusalema, hikuva wu le vuhlongeni swin'we ni vana va wona.

Luka 20:37

Loko ku ri ku pfuka ka vafi, Muxe na yena ú tiyisile mhaka loko a ri kusuhi ni xihlahla, kutani a vula leswaku Hosi i Xikwembu xa Abrahama, ni Xikwembu xa Isaka, ni Xikwembu xa Yakobo.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

1 TIHOSI 19:8

Hiloko a pfuka, a dya ni ku nwa; kutani swakudya leswi swi n'wi nyika matimba yo famba masiku ya 40 ni vusiku bya kona, ku kondza a fika eHorebe, entshaveni ya Xikwembu.

Duteronoma 33:16

a xi va nyike misava yo nona ni swimila swa yona hinkwaswo, ni minkateko ya Loyi-a-tshamaka-exihlahleni. Minkateko leyi a yi tshame etinhlokweni ta va ka Yosefa, emimombyeni ya lava rhangelaka vamakwavo.

Timhaka 7:31

Loko Muxe a languta, a hlamala hi leswi a swi vonaka; kuteloko a tshinelele ku langutisisa, ku twala rito ra Hosi leri nge: