Timhaka 5:39 - BIBELE Mahungu Lamanene

³⁹ kambe loko wu huma eka Xikwembu, mi nga ka mi nga va siveli, kutani mi nga kumiwa mi lwile na Xikwembu.” Va huvo va n'wi yingisa.

Testamente Leyimpsha Xichangana

³⁹ kambe loko wuhuma ka Xikwembu, mingakala mingavasiveli, kutani mingakumiwa na milwile ni Xikwembu.” Va huvu vamuyingisa.

Xitsonga (Bibele)

³⁹ kambe loko wu huma eka Xikwembu, mi nga ka mi nga wu herisi; kutani mi tivonela leswaku mi nga tshuki mi kumiwa mi lwile ni Xikwembu.”

Timhaka 5:39 Referans Kwoze

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Esaya 46:10

Mina ndzi vula ka ha ri ku sunguleni, hilaha swilo swi nga ta humelela hakona, swilo leswi swi nga si humelelaka, ndzi swi tivisile khale; ndzi vurile ndzi ku: ‘Makungu ya mina ma tiyile, hinkwaswo leswi ndzi tiyimiseleke ku swi endla, ndzi ta swi endla!’

Matewu 16:18

Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

1 Vakorinto 1:25

Hikuva leswi vanhu va nge i “vuhunguki bya Xikwembu”, swi ni vutlhari ku tlula vutlhari bya vanhu, ni leswi va nge i “ku tsana ka Xikwembu”, swi ni matimba ku tlula matimba ya vanhu.

Timhaka 11:17

Kutani ke, leswi Xikwembu xi va nyikeke nyiko leyi fanaka ni leyi hi nga yi kuma hina, hi ku pfumela eka Hosi Yesu Kriste, xana a ndzi ri mani mina ku alela Xikwembu xana?”

Timhaka 9:5

Yena a ku: “U mani, Hosi?” Rito ri ku: “Hi mina Yesu, loyi u n'wi xanisaka.

Timhaka 6:10

Kambe va hluleka ku lwa ni vutlhari lebyi Moya wu nga n'wi nyika ku vulavula ha byona.

Luka 21:15

hikuva mina ndzi ta mi nyika marito ya vutlhari lawa valala va n'wina hinkwavo va nga ta tsandzeka ku lwa na wona ni ku ma kaneta.

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Timhaka 23:9

Kutani ku pfuka huwa leyikulu; vatsari van'wana va ntlawa wa Vafarisi, va suka va yima, va tiyisa swinene, va ku: “A hi kumi nandzu ni wun'we eka munhu loyi; xana ku nga va yini loko ku kumeka leswaku i moya wun'wana kumbe i ntsumi yin'wana leyi vulavuleke na yena?”

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Esaya 45:9

Ú ni khombo, munhu loyi a kanetanaka ni muendli wa yena! Mi tshama mi vona mbita yi kanetana ni muvumbi wa yona? Xana vumba byi nga vutisa loyi a byi pfuvaka, byi ku: “U lava ku vumba yini?” Xana mbita yi nga byela muvumbi wa yona leswaku a nga na vutivi ke?

2 TIHOSI 19:22

Xana loyi u n'wi sandzeke ni ku n'wi rhuketela, i mani xana? Xana i mani loyi u n'wi huweleleke, loyi u n'wi languteleke hansi eku tikuriseni ka wena, xana? Hi mina Muhlawuleki wa Israele!

1 TIHOSI 12:24

leswaku mina HOSI ndzi ni rito eka vona leri nge: ‘Mi nga tshuki mi hloma matlhari, mi ya lwa ni va ka n'wina, va nga Vaisraele-kuloni. Tlheriselani wanuna un'wana ni un'wana ekaya ka yena, hikuva mhaka leyi yi humelele hi ku rhandza ka mina.’ ” Kutani va yingisa rito ra HOSI Xikwembu, va tlhelela emakaya, hilaha xi va leriseke hakona.

2 SAMIELE 5:2

Khale loko Sawulo a ha ri hosi ya hina, hi wena u fambiseke mavuthu ya Israele enyimpini; naswona HOSI Xikwembu xi ku tshembisile xi ku: ‘Hi wena loyi u nga ta va murisi ni mufambisi wa tiko ra mina ra Israele.’ ”

1 Vakorinto 10:22

Xana hi lava ku hlundzukisa Hosi ke? Xana ha yi tlula hi matimba ke?

Genesa 24:50

Kutani Labani na Betuwele va hlamula va ku: “Mhaka leyi yi huma eka HOSI, kutani a ku na lexi hina hi nga xi vulaka.