Timhaka 4:27 - BIBELE Mahungu Lamanene

²⁷ “Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Testamente Leyimpsha Xichangana

²⁷ Hikuva kunene, Heroda na Pontiyo Pilato, ni vamatiko, ni tinxaka ta Israyele, vahlangane doropeni leri kulwa na Yesu nandza wa wena lweyi ahlawulekeke, lweyi ungamuyendla Mesiya;

Xitsonga (Bibele)

²⁷ Hikuva kunene Heroda na Pontiyo Pilato, ni vamatiko, ni tinxaka ta Israele va hlangene kun'we emutini lowo, ku lwa na Yesu, nandza wa wena la hlawuriweke, loyi u nga n'wi tota,

Timhaka 4:27 Referans Kwoze

Matewu 27:2

Kuteloko va n'wi bohile, va famba na yena, va ya n'wi nyiketa eka hosi Pilato.

Timhaka 4:30

tshambuluta voko ra wena ku horisa, u endla leswaku mahlori ni swihlamariso swi va kona hi vito ra Yesu, nandza wa wena la hlawulekeke.”

Luka 9:22

A engeta a ku: “N'wana-wa-Munhu ú ta fanela ku twisiwa ku vaviseka lokukulu, a soriwa hi vakulukumba ni vaprista lavakulu, ni vatsari; ú ta dlawa, a tlhela a pfuka eku feni hi siku ra vunharhu.”

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Timhaka 2:27

We Hosi, u nge ndzi rivali exivandleni xa vafi, u nge tshiki Muhlawuriwa wa wena a hela hi ku bola.

Yohane 19:34

Hambiswiritano, un'wana wa masocha a n'wi tlhava tsheve hi tlhari, kutani kan'we-kan'we ku huma ngati ni mati.

Yohane 18:28

Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.

Yohane 10:36

Kutani ke, hikwalaho ka yini mi ku: ‘U sandza Xikwembu’, hi mhaka ya leswi ndzi nga te: ‘Ndzi N'wana wa Xikwembu’ xana? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 1:11

Ú tile ekaya ka yena, kambe varikwavo a va n'wi amukelanga.

Luka 22:63

Kutani vavanuna lava khomeke Yesu, va n'wi tseketsela, va n'wi ba.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Luka 1:35

Ntsumi yi n'wi hlamula, yi ku: “Moya lowo Kwetsima wu ta xikela ka wena, ni matimba ya Loyi-a-nge-henhla-henhla ma ta ku funengeta; hikwalaho n'wana lowo hlawuleka la nga ta velekiwa, ú ta vuriwa N'wana wa Xikwembu.

Marka 15:31

Hi mukhuva wolowo, na vona vaprista lavakulu swin'we ni vatsari va n'wi tseketsela va ku: “Munhu loyi ú ponisile van'wana, kambe yena wa tsandzeka ku tiponisa!

Marka 10:33

a ku: “Vonani, hi tlhandlukela eYerusalema, kutani N'wana-wa-Munhu ú ta nyiketiwa eka vaprista lavakulu ni ka vatsari; va ta n'wi avanyisela rifu ni ku n'wi nyiketa eka vamatiko;

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Matewu 21:28

“Xana mi ri yini hi mhaka leyi? Munhu a a ri ni vana vambirhi; a ya eka lowo rhanga, a ku: ‘N'wananga, yana u ya tirha ensin'wini ya mina ya vhinya namuntlha.’

Matewu 14:1

Enkarhini wolowo, loko ku twakala ka Yesu ku fikile etindleveni ta hosi Heroda,

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Pisalema 45:7

U rhandza ku lulama, u venga ku homboloka, hikokwalaho Xikwembu, xona Xikwembu xa wena, xi ku chele mafurha enhlokweni hi siku ra nkhuvo, xi ku hlawula eka tihosi tin'wana.

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Ntirho 25:4

Emahlweni ka xona, ku hava la pfumalaka nandzu, munhu wa nyama a nge vi la tengeke eka xona.

Ntirho 15:14

Munhu wa nyama i ncini, leswaku a va la tengeke, la velekiweke hi wansati, a nga va la lulameke xana?

Ntirho 14:4

I mani la nga humesaka swilo leswo tenga eka leswi nga tengangiki xana? Ku hava na un'we!

Esaya 37:26

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela minkarhini leyi hundzeke, xana? Kutani sweswi, makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

Matewu 14:3

Mhaka hi leswaku Heroda a a khomile Yohane, a n'wi boha, a n'wi nghenisa ekhotsweni hikwalaho ka Herodiya, nkata Filipi makwavo;

Matewu 14:6

Kambe enkhubyeni wa siku ra ku velekiwa ka Heroda, n'wana wa Herodiya wa xisati a cina emahlweni ka vanhu, a tsakisa Heroda;

Luka 23:1

Kutani va suka va yima hinkwavo, va yisa Yesu eka Pilato,

Yohane 18:29

Hikokwalaho Pilato a huma, a ya ka vona, kutani a ku: “Xana mi hehla munhu loyi hi nandzu wihi ke?”