Timhaka 4:26 - BIBELE Mahungu Lamanene

²⁶ Tihosi ta misava ti pfukile, ni vafumi va matiko va twananile ku lwa na Hosi ni Mesiya wa yona.’

Testamente Leyimpsha Xichangana

²⁶ Tihosi ta misava tipfukile, ni vafumi vamatiko vatwananile kulwa ni Hosi ni Mesiya wa yona.’”

Xitsonga (Bibele)

²⁶ Tihosi ta misava ti pfukile, ni tindhuna ti hlangene kun'we ku lwa ni Hosi, na Kriste wa yona.’

Timhaka 4:26 Referans Kwoze

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Vaheveru 1:9

U rhandzile ku lulama, u vengile ku homboloka. Hikokwalaho Xikwembu, Xikwembu xa wena, xi ku cherile mafurha ya ntsako lowukulu ku tlula vanakuloni.”

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Nhlavutelo 17:17

Hikuva Xikwembu xi nghenisile etimbilwini ta swona leswaku swi yisa makungu ya xona emahlweni: Hi ku twanana ka swona, swi ta nyika matimba ya vuhosi bya swona eka xivandzana, ku kondza loko marito ya Xikwembu ma hetiseka.

Nhlavutelo 12:10

Kutani ndzi twa rito leri tlakukeke etilweni ri ku: “Sweswi, ku hlayiseka ka Xikwembu xa hina ni matimba ya xona, ni mfumo wa xona, ni vuhosi bya Mesiya wa xona, swi fikile, hikuva loyi a hehlaka vamakwerhu, muhehli loyi a va mangalelaka vusiku ni nhlekanhi emahlweni ka Xikwembu xa hina, ú cukumetiwile a ya wela hansi.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Pisalema 2:1

Hikwalaho ka yini matiko ma pfuxa nkitsikitsi xana? Xana vanhu va tinxaka-xaka va kanelela yini makungu lama nga pfuniki nchumu xana?

Esaya 7:7

Kambe HOSI N'wini wa hinkwaswo ú ri: “ ‘Leswi swi nge endleki, swi nga ka swi nga humeleli,