Timhaka 4:2 - BIBELE Mahungu Lamanene

² a va vilela hikuva vaapostola a va dyondzisa vanhu ni ku vula ta ku pfuka ka vafi hikwalaho ka ku pfuka ka Yesu eku feni.

Testamente Leyimpsha Xichangana

² avakarhateka hikuva vapostola avajondzisa vanhu ni kuvula ta kupfuka ka vafi hikolaho ka kupfuka ka Yesu kufeni.

Xitsonga (Bibele)

² va holova etimbilwini, hi leswi Petro na Yohane va dyondzisaka vanhu, ni ku vula ku pfuka ka vafi ha Yesu.

Timhaka 4:2 Referans Kwoze

Timhaka 17:18

Kambe tintlhari tin'wana ta ntlawa wa Vaepikuro ni wa Switoyika ti kanetana na yena; van'wana va ku: “Xana munhu loyi wo jakatseka, ú lava ku hi byela yini ke?” Van'wana va ku: “Wonge i mudyondzisi wa ta swikwembu swin'wana.” A va vula sweswo, hikuva Pawulo a a va byela ta Yesu ni ta ku pfuka eku feni.

Varhoma 8:11

Kutani loko Moya wa Xikwembu lexi nga pfuxa Yesu exikarhi ka vafi wu akile eka n'wina, yena loyi a pfuxeke Kriste exikarhi ka vafi, ú ta hanyisa miri wa n'wina wa ku fa, hi Moya wa yena lowu akeke eka n'wina.

Timhaka 13:45

Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

1 Vakorinto 15:23

Kambe un'wana ni un'wana ú ta pfuxiwa hi nkarhi wa yena: Wo rhanga i Kriste xi nga xo xitshembiso; kutani loko Kriste a ta, lava nga va yena va ta landza.

Timhaka 26:23

Hileswaku Mesiya ú ta twisiwa ku vaviseka, ni leswaku, hi ku va munhu wo rhanga loyi a nga ta pfuka eku feni, ú ta tivisa ku vonakala eka tiko leri ni ka vamatiko.”

Timhaka 26:8

N'wina Vayuda, xana mi tsandzeka ha yini ku pfumela leswaku Xikwembu xi nga pfuxa vafi xana?

Timhaka 24:21

va nga vilela hi xilo xin'we ntsena lexi ndzi nga huwelela ha xona exikarhi ka vona, loko ndzi te: ‘Ndzi avanyisiwa hi n'wina namuntlha hikwalaho ka ku pfuka ka vafi.’ ”

Timhaka 19:23

Kambe enkarhini wolowo ku humelela dzolonga lerikulukumba hikwalaho ka Ndlela ya Hosi:

Timhaka 5:17

Kavaloko Muprista lonkulu, ni vaseketeri va yena hinkwavo, lava a va ri va ntlawa wa Vasaduki endhawini leyi, va tala mavondzo,

Timhaka 3:15

kutani mi dlaya munyiki wa vutomi; kambe Xikwembu xi n'wi pfuxile eku feni; hina hi timbhoni ta swona.

Nehemiya 2:10

Sanibalati lowa Muhoroni, ni nandza loyi va nge i Tobiya wa Muamoni, swi va karhatile ngopfu ku twa leswaku ku ni munhu loyi a teke ku ta endlela Vaisraele swilo leswinene.