Timhaka 3:19 - BIBELE Mahungu Lamanene

¹⁹ “Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Testamente Leyimpsha Xichangana

¹⁹ “Loko svilitano, tilayeni, mitlhelela ka Xikwembu, lesvaku svijoho sva n'wina svirivaleliwa,

Xitsonga (Bibele)

¹⁹ “Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Timhaka 3:19 Referans Kwoze

Timhaka 2:38

Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

Matewu 18:3

“Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo.

Matewu 13:15

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Pisalema 51:9

Swidyoho swa mina u nga ha swi languti, susa ku homboloka ka mina hinkwako.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Swirilo 3:40

A hi tikambeni, hi xiyaxiya tindlela ta hina, kutani hi tlhelela eka HOSI Xikwembu.

Timhaka 11:21

Matimba ya Hosi a ma ri na vona; kutani vanhu lavo tala va pfumela, va hundzukela ka Hosi.

2 Petro 3:8

Kambe mi nga rivali mhaka yin'we leyi, varhandziwa: Emahlweni ka Hosi, siku rin'we ri kotisa malembe ya 1 000, ni malembe ya 1 000 ma kotisa siku rin'we.

Timhaka 28:27

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

1 Petro 2:25

Khale, a mi pepetseka ku fana ni tinyimpfu, kambe sweswi mi vuyile eka murisi ni mulanguteri wa mimoya ya n'wina.

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

Timhaka 11:18

Loko va twa timhaka teto, va miyela va nga ha vileli; kutani va dzunisa Xikwembu, va ku: “Loko swi ri tano, na vona vamatiko Xikwembu xi va nyikile ku hundzuka loku yisaka evutomini.”

Luka 1:16

Ú ta endla leswaku lavo tala xikarhi ka Vaisraele va hundzukela eka Hosi Xikwembu xa vona;

Hosiya 14:2

Fambani mi ri ni lexi mi nga ta xi vula, mi tlhelela eka HOSI Xikwembu; mi fika mi ku ka xona: “Hi rivalele milandzu ya hina hinkwayo; lexinene lexi hi nga ku humeselaka xona, i marito lama humaka emilon'wini ya hina; ma amukele!

Daniele 9:13

Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Varhoma 11:25

Kutani vamakwerhu, ku endlela leswaku mi nga ti tshuka mi titiva ngopfu, ndzi lava leswaku mi tiva xihundla lexi: Hileswaku, hi tlhelo rin'wana, Vaisraele va nonon'hwisiwile, vamatiko va kondza va nghena eka Xikwembu hi ntalo.

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Timhaka 15:3

Kereke yi va longela yi ku: “Tindlela a ti base!” Kutani va tsemakanya matiko ya Fenikiya ni ya Samariya, va ri karhi va hlamusela hilaha vamatiko va hundzukeke hakona; kutani vamakwavo eHosini hinkwavo va tsakisiwa ngopfu hi mhaka leyi.

Timhaka 3:21

ú fanele ku tshama etilweni, ku ko ku fika minkarhi ya ku pfuxetiwa ka swilo hinkwaswo, leyi Xikwembu xi nga yi vula ni khale, hi milomo ya vaprofeta va xona lavo hlawuleka.

Timhaka 1:6

Kutani loko va ha hlengeletanile va ri na Yesu, va n'wi vutisa va ku: “Hosi, xana hi wona nkarhi lowu u nga ta pfuxa mfumo wa Israele ke?”

Yuwele 2:13

Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

Swirilo 5:21

We HOSI, hi vuyisele eka wena, leswaku hi ta va lava vuyeke eka wena hakunene; hi tlherisele exiyin'weni lexi a hi ri eka xona khale.

Yeremiya 50:20

Loko minkarhi leyi yi ta va yi fikile, vanhu va nge koti ku kuma nandzu kumbe xihoxo exikarhi ka Vaisraele ni va ka Yuda, hambiloko va ringeta swinene; ku ta va ku ri hava, hikuva ndzi ta va ndzi tsetselerile masalela ya vona, ndzi va rivalela swidyoho swa vona.”

Esaya 61:9

Vana ni vatukulu va vona va ta tiviwa hi vanhu va matiko hinkwawo; hinkwavo lava va nga ta va vona va ta swi tiva leswaku i vanhu lava mina HOSI ndzi nga va katekisa.”

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Esaya 51:11

Lava u nga ta va kutsula wena HOSI, va ta vuya, va ta kongoma emutini wa Siyoni va ri karhi va ba minkulungwana; ntsako lowu nga heriki wu ta va khubumeta, va ta tshama va ri karhi va hlekelela va tsakile, maxangu ni ku konya swi ta nyamalala.

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Pisalema 103:12

Hilaha vuxa byi hambaneke kule hakona ni vupeladyambu, Xikwembu xi vekisa sweswo ku dyoha ka hina kule na hina.

Pisalema 51:13

Ndzi ta dyondzisa vadyohi tindlela ta wena, lavo homboloka va ta tlhelela eka wena.

Nhlavutelo 21:4

Xi ta sula mihloti hinkwayo emahlweni ya vona, ni rifu a ri nga ha vi kona; hambi ya ri mahlomulo kumbe ku rila kumbe ku vaviseka a swi nga ha vi kona, hikuva leswo sungula swi hundzile.”

2 Timotiya 2:25

a laya vakaneti va yena hi vukhwatsi; hikuva kumbexana Xikwembu xi nga endla leswaku va tisola va hundzuka, va fika laha va nga tivaka leswi nga ntiyiso.

Yeremiya 36:3

Kumbexana va ka Yuda va nga hundzuka loko va twa makhombo lawa ndzi lavaka ku va vangela wona, kutani mina ndzi ta va rivalela swidyoho swa vona ni ku homboloka ka vona.”

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Timhaka 3:20

ni leswaku minkarhi yo phyuphya leyi humaka eHosini yi sungula, ni leswaku Hosi yi mi rhumela Yesu, yena loyi a nga vekiwa ku va Mesiya wa n'wina;

Vaheveru 4:1

Hikokwalaho, loko xitshembiso xa ku nghena eku wiseni ka Xikwembu xa ha ri kona, a hi chaveni leswaku kumbe un'wana wa n'wina a nga tshuka a kumiwa a tsandzekile ku fika kona.

Luka 22:57

Kambe Petro a kaneta, a ku: “Wansati ndziwena, a ndzi n'wi tivi mina munhu loyi!”